လံာ်စီၤၡမူၤအ့လးခံဘ့ၣ်တဘ့ၣ် 16:1 - Sgaw Karen Common Bible

¹ ဖဲစီၤဒၤဝံးလဲၤပျံကွံာ်တၢ်လူၢ်ဒီခိၣ်တစဲးန့ၣ်, သတူၢ်ကလာ်အဝဲဘၣ်တၢ်ဟဲသဂၢၢ်အီၤလၢစီၤမဖံဘိၤၡ့းအခ့အပှၤ စီၤစံဘၤန့ၣ်လီၤ. အဝဲအိၣ်ဒီးကသ့ၣ်ယီၤခံဒုလၢအပဒၢးထီၣ်ဝဲကိၣ်အဖျၢၣ်ခံကယၤ, စပံးသၣ်ဃ့အချံၣ်တကယၤ, သ့ၣ်သၣ်အသီကဘှဲဒဲအချံၣ်တကယၤဒီး ထၢၣ်တၢ်ဖံးတဖျၢၣ်လၢအပှဲၤဝဲဒီးစပံးထံန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 16:1 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:30

စီၤဒၤဝံးလဲၤထီၣ်ဝဲဆူညါဆူကစၢၢ်သ့ၣ်စၤယံးအလိၤဒီးဟီၣ်ဝဲယၢၤဝဲလီၤ. လဲၤတၢ်လၢအခီၣ်ညါသးဒီးကးဘၢအခိၣ်ဒ်တၢ်သးအုၣ်အပနီၣ်အသိး န့ၣ်လီၤ. ပှၤခဲလၢာ်လၢအပိာ်အခံစ့ၢ်ကီးကးဘၢအခိၣ်ဒီးဟီၣ်ဝဲဒၣ်န့ၣ် လီၤ.

လံာ်စီၤၡမူၤအ့လးခံဘ့ၣ်တဘ့ၣ် 15:32

ဖဲစီၤဒၤဝံးလဲၤထီၣ်တုၤဆူတၢ်လူၢ်ဒီခိၣ်, ဖဲတၢ်ဘူၣ်ထီၣ်ဘါထီၣ်ယွၤအလီၢ်တပူၤန့ၣ်, အဝဲအတံၤသကိးလၢအနာ် န့ၢ်ဝဲပှၤအၤကးဖိစီၤဃူၤၡဲဟဲသဂၢၢ်အီၤဃုာ်ဒီးအတၢ်ကူ တၢ်သိးယာ်မုၢ်ယာ်ဖျ့ဒီးဖၣ်ကမူၣ်ဖၣ်ဆါအိၣ်လၢအခိၣ်လိၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:17

ပှၤအဂၤတကထိလၢပှၤဘံၣ်ယၤမံၣ်အဒူၣ်ဟဲဃုာ်ဒီးအီၤစ့ၢ်ကီးလီၤ. ဒီးစီၤစီလူးအပှၤဟံၣ်ဖိဃီဖိအခ့အပှၤစီၤစံဘၤဟဲဃုာ်စ့ၢ်ကီး ဝဲဒီးအဖိခွါတဆံယဲၢ်ဂၤဒီးအခ့အပှၤအဂၤခံဆံ, ဒီးအဝဲသ့ၣ်ဟဲတုၤဝဲဖဲထံကျိယၢ်ဒ့ၣ်, တချုးလၢစီၤပၤဟဲတုၤဒံးဘၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:32

စီၤဘၢ်စံးလဲမ့ၢ်ပှၤသးပှၢ်ဒိၣ်မးတဂၤလၢအသးအိၣ်လံအနံၣ်ဃိး ဆံလံန့ၣ်လီၤ. အဝဲထူးတီၤဒိၣ်မးဒီးမၤစၢၤဆီၣ်ထွဲတ့ၢ် စီၤပၤလၢတၢ်အီၣ်တၢ်အီ, ဖဲအဝဲအိၣ်ဆိးလၢဝ့ၢ်မၤဃန့ၤအခါန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 12:40

ပှၤကလံၤစိးအဒူၣ်တဖၣ်လၢအအိၣ်ယံၤယံၤကလဲာ်ဒ်အမ့ၢ်ပှၤယံးစၣ် ကၢ်, ပှၤစဘူလိၣ်, ဒီးပှၤနၤသးလံဖိအပှၤဂီၢ်မုၢ်တဖၣ်ဒၣ်လဲာ်ဟဲဝဲ ဒီးကသ့ၣ်ယီၤတဖၣ်, ကီၤလၤအူးတဖၣ်, ကသ့ၣ်လၤတဖၣ်, ဂီၤဖံးတဖၣ်လၢအပဒၢးဝဲဒီးတၢ်အီၣ်လၢအမ့ၢ်, ကိၣ်ကမူၣ်, ချၢၣ်ဒၢသၣ်, စပံးသၣ်အဃ့, စပံးထံဒီးသ့ၣ်စၤယံး အသိလီၤ. အဝဲသ့ၣ်ဟဲစိာ်စ့ၢ်ကီးဂီၤဘုၣ်ဂီၤဖံးဒီးသိတဖၣ်လၢကမၤသံ ဒီးအီၣ်ဝဲလီၤ. ကယဲၢ်တၢ်ခဲလၢာ်အံၤမ့ၢ်တၢ်ပာ်ဖျါထီၣ်တၢ်သူၣ်ခုသးခုတမံၤလၢ ထံကီၢ်ဒီတဘ့ၣ်ညါကလၢၢ်ဘၣ်ဝဲန့ၣ်လီၤ.

တၢ်ကတိၤဒိ. 18:16

နအဲၣ်ဒိးထံၣ်လိာ်ပှၤအကါဒိၣ်တဂၤဧါ. လဲၤစိာ်န့ၢ်အီၤတၢ်ဟ့ၣ် တမံၤဒီးကညီလၢနဂီၢ်လီၤ.

လံာ်ယံးရမံယၤ 40:10

ယကစၢ်ဒၣ်ယဲယကအိၣ်ဖဲဝ့ၢ်မံးစပၤဒီးကဲထီၣ်သုခၢၣ်စးဖဲ ပှၤဘၤဘူၤလိၣ်ဖိတဖၣ်ဟဲဖဲအံၤန့ၣ်လီၤ. ဘၣ်ဆၣ်ဒီး, သုထၢဖှိၣ်ဒီးပာ်ဖှိၣ်ပာ်တံၤစပံးထံ, တၤသူတၤသၣ်ဒီးသ့ၣ်စၤယံးအသိ, ဒီးအိၣ်ဖဲဒူသဝီတဖၣ်လၢသုမၤန့ၢ်အီၤအပူၤသ့ဝဲလီၤ.”

လံာ်ယံးရမံယၤ 40:12

လၢတၢ်န့ၣ်အဃိ, အဝဲသ့ၣ်ဟးထီၣ်ကွံာ်လၢတၢ်လီၢ်တဖၣ်ဖဲ အဝဲသ့ၣ်ဘၣ်တၢ်မၤလီၤပြံလီၤပြါတ့ၢ်အီၤဒီးဟဲက့ၤကဒါက့ၤ ဆူကီၢ်ယူဒၤန့ၣ်လီၤ. အဝဲသ့ၣ်ဟဲဆူစီၤကဒါလယၤအအိၣ်ဖဲ ဝ့ၢ်မံးစပၤ, ဒီးဖဲန့ၣ်အဝဲသ့ၣ်ထၢဖှိၣ်ပာ်ဖှိၣ်စပံးထံဒီး တၤသူတၤသၣ်တဖၣ်အါအါဂီၢ်ဂီၢ်န့ၣ်လီၤ.

လံာ်ဧၤမိၣ် 8:1

ဒီးယအိၣ်ဒီးတၢ်ထံၣ်လၢညါခီတမံၤလၢ တၢ်စိတၢ်ကမီၤခဲလၢာ်အယွၤန့ၣ်လီၤ. လၢတၢ်ထံၣ်လၢညါခီအံၤအပူၤယထံၣ်တၤသၣ်မံတနာ်န့ၣ်လီၤ.

လံာ်မံကၤ 7:1

တၢ်မုၢ်လၢ်တအိၣ်လၢၤဘၣ်. ယလီၤဂာ်ဒ်ပှၤလီၤဒိတဂၤလၢတထံၣ်န့ၢ်ဘၣ်သ့ၣ်သၣ်နီတဖျၢၣ်လၢ သ့ၣ်တဖၣ်အလိၤဒီးစပံးသၣ်နီတဖျၢၣ်လၢစပံးမုၢ်အလိၤအသိးန့ၣ် လီၤ. ကယဲၢ်စပံးသၣ်ခဲလၢာ်ဒီးချၢၣ်ဒၢသၣ်လၢအဝံၣ်တဖၣ်ဘၣ်တၢ်ဒဲး ကွံာ်အီၤခဲလၢာ်လံ.

လံာ်စီၤၡမူၤအ့လးအခီၣ်ထံးတဘ့ၣ် 10:3

နကလဲၤတၢ်ဖဲန့ၣ်တုၤလၢနဟဲတုၤဆူသ့ၣ်စီဆှံလၢဝ့ၢ်တၤဘိၣ် ဖဲနကဘၣ်သဂၢၢ်ဒီးပှၤသၢဂၤလၢအလဲၤတၢ်ဒ်သိးကလုၢ်ထီၣ်တၢ်လုၢ်တၢ်ပာ်တမံၤ ဆူယွၤအအိၣ်လၢဝ့ၢ်ဘ့ၤသ့လးန့ၣ်လီၤ. လၢအကျါတဂၤန့ၣ်ကဆှၢမဲာ်တဲးလဲးသးစၢ်ဖိသၢဒု, အဂၤတဂၤန့ၣ်ကစိာ်ကိၣ်သၢဖျၢၣ်ဒီးသၢဂၤတဂၤန့ၣ်ကအိၣ်ဒီးထၢၣ် တၢ်ဖံးပှဲၤဒီးစပံးထံတထၢၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:20

စီၤယံးၡဲဆှၢလီၤစီၤဒၤဝံးဆူစီၤစီလူးအအိၣ်ဃုာ်ဒီးမဲာ် တဲးလဲးသးစၢ်ဖိတဒု, ကသ့ၣ်ယီၤတဒုလၢအဘၣ်တၢ်ပဒၢးထီၣ်အီၤဒီးကိၣ်တဖၣ်, ဒီးထၢၣ်တၢ်ဖံးတဖျၢၣ်လၢအပှဲၤဒီးစပံးထံန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:18

နီၢ်အဘံၤကါယံးလးမၤချ့ချ့ဒီးဟံးန့ၢ်ကိၣ်အဖျၢၣ်ခံကယၤ, ထၢၣ်တၢ်ဖံးခံဖျၢၣ်ပှဲၤဒီးစပံးထံ, သိယဲၢ်ဒုအညၣ်ဖီမံတ့ၢ် အသး, ဘုဧိၤဟုဧိၤဝဲာ်မံဃာ်အသးခံနာ်, ဒီးစပံးသၣ်ဆၢအဃ့အကူၤတကယၤဒီး ကိၣ်လၢတၢ်မၤအီၤလၢချၢၣ်ဒၢသၣ်အဃ့အဖျၢၣ်တကယၤ, ဒီးပာ်ထီၣ်အီၤလၢကသ့ၣ်ယီၤတဖၣ်အလိၤန့ၣ်လီၤ.