လံာ်စီၤၡမူၤအ့လးခံဘ့ၣ်တဘ့ၣ် 15:7 - Sgaw Karen Common Bible

⁷ လွံၢ်နံၣ်ဝံၤအလီၢ်ခံန့ၣ်, စီၤအးဘၡါလိၣ်စံးဘၣ်စီၤပၤစီၤ ဒၤဝံးဒ်အံၤ, “တၢ်ဒိၣ်ဧၢ, ပျဲယလဲၤဆူဝ့ၢ်ဃ့ဘြိၣ်ဒီးမၤလၢပှဲၤယတၢ်အၢၣ် လီၤအီလီၤလၢယမၤတ့ၢ်ဒီးယွၤန့ၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 15:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 13:38

အဝဲလဲၤအိၣ်ဖဲန့ၣ်သၢနံၣ်န့ၣ်လီၤ. စီၤဒၤဝံးဟီၣ်ဝဲယၢၤဝဲလၢတၢ်သးအုးအပူၤဖးယံာ်, လၢအဖိခွါစီၤအၤမနိၣ်အဃိန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:2

စီၤဒၤဝံးအဖိခွါဃုဂၤလၢအအိၣ်ဖျဲၣ်ထီၣ်ဝဲလၢဝ့ၢ်ဃ့ဘြိၣ် အပူၤတဂၤဘၣ်တဂၤစးထီၣ်လၢအဒိၣ်ကတၢၢ်တုၤလၢအဆံးကတၢၢ်တဖၣ် န့ၣ်, မ့ၢ်ဝဲပှၤယံးစရ့လးမုၣ်ဖိနီၢ်အဃံနိၣ်အဖိခွါစီၤအၤမနိၣ်,

လံာ်စီၤၡမူၤအ့လးခံဘ့ၣ်တဘ့ၣ် 3:3

စီၤကံးလအၢ်လၢအမ့ၢ်ပှၤကၤမ့လးဖိစီၤနၤဘလးအမါမုၣ်ကမဲ နီၢ်အဘံၤကါယံးလးအဖိခွါ,

တၢ်ကတိၤဒိ. 21:27

ယွၤသးဘၣ်အၢပှၤတတီတလိၤတဖၣ်အတၢ်လုၢ်ထီၣ်အီၤတၢ်လုၢ်တၢ်ပာ်တ ဖၣ်, ဒီးလီၤဆီဒၣ်တၢ်ဖဲအဝဲသ့ၣ်မၤအီၤလၢလၢတၢ်တိာ်သူၣ်ပာ်သး အအၢအသီလၢအမၢန့ၢ်ဆီၣ်ခံအီၤတဖၣ်အပူၤအခါန့ၣ်လီၤ.

လံာ်ယၡါယၤ 58:4

သုတၢ်ဒုၣ်တၢ်အီၣ်တၢ်အီဒုးကဲထီၣ်သုလၢပှၤမၤဆူၣ်မၤစိးတၢ် ဒီးသုအ့ၣ်လိာ်ဆိးက့လိာ်သုသး, ဒီးထိလိာ်သုသးလၢသုစု ခိၣ်န့ၣ်လီၤ. မ့ၢ်သုဆိကမိၣ်လၢတၢ်ဒုၣ်တၢ်အီၣ်တၢ်အီဒ်အံၤ တကလုာ်ကမၢယဒိကနၣ်သုတၢ်ထုကဖၣ်န့ၣ်ဧါ.

လံာ်မးသဲ 2:8

အဝဲမၢလီၤပှၤကူၣ်ဘၣ်ကူၣ်သ့တဖၣ်အံၤဆူဝ့ၢ်ဘ့ၤသလ့ ဃ့ၣ်ဒီးစံးဘၣ်အဝဲသ့ၣ်, “လဲၤဒီးကွၢ်ဃုဖိသၣ်န့ၣ်လီၤ တံၢ်လီၤဆဲးဒီးတုၤသုထံၣ်န့ၢ်အီၤဒီးဟဲက့ၤတဲဘၣ်ယၤဒ်သိး ယဲစ့ၢ်ကီးယကလဲၤဘူၣ်ထီၣ်ဘါထီၣ်ဘၣ်အီၤအဂီၢ်တက့ၢ်.”

လံာ်မးသဲ 23:13

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ, ဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုကးတံာ်ဃာ်မူခိၣ်အဘီအမုၢ်အတြဲၤဒ်သိးပှၤဂၤ အသုတလဲၤနုာ်ဘၣ်တဂ့ၤအဂီၢ်လီၤ. သုနီၢ်ကစၢ်ဒၣ်သုဝဲသုတလဲၤနုာ်ဘၣ်ဒီး, သုတပျဲနုာ်စ့ၢ်ကီးပှၤလၢအကျဲးစၢးလဲၤနုာ်ဝဲတဖၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 16:13

စီၤၡမူၤအ့လးဟံးန့ၢ်သ့ၣ်စၤယံးအသိဒီးဖှူစီၤဒၤဝံးလၢ အဒီပုၢ်ဝဲၢ်ခွါတဖၣ်အမဲာ်ညါလီၤ. သတူၢ်ကလာ်န့ၣ်ယွၤအသးမုၢ်စီဆှံပၢၤဃးစီၤဒၤဝံးဒီးအိၣ် ဒီးအီၤစးထီၣ်လၢမုၢ်တနံၤန့ၣ်လီၤ. အန့ၣ်ဝံၤဒီးစီၤၡမူၤအ့လးက့ၤကဒါက့ၤဆူဝ့ၢ်ရၤမါန့ၣ်လီၤ.