လံာ်စီၤၡမူၤအ့လးခံဘ့ၣ်တဘ့ၣ် 15:6 - Sgaw Karen Common Bible

⁶ စီၤအးဘၡါလိၣ်မၤတ့ၢ်တၢ်အံၤဆူကယဲၢ်ပှၤအံၣ်စရ့လးဖိကိးဂၤ ဒဲးလၢအဟဲဆူစီၤပၤအအိၣ်လၢတၢ်စံၣ်ညီၣ်အဂီၢ်အဃိဒီး, အဝဲမၤန့ၢ်အဝဲသ့ၣ်အတၢ်သူၣ်တီသးရၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 15:6 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:13

ပှၤစိာ်တၢ်ကစီၣ်တဂၤတဲဘၣ်စီၤဒၤဝံးဒ်အံၤ, “ပှၤအံၣ်စရ့လးဖိတဖၣ်မၤလံတၢ်သူၣ်တီသးရၤအတၢ်အၢၣ်လီၤအီလီၤဒီး စီၤအးဘၡါလိၣ်လံ.”

တၢ်ကတိၤဒိ. 11:9

နဘၣ်တၢ်မၤဟးဂီၤနၤလၢပှၤလုၢ်အၢလၢ်သီတဖၣ်အတၢ်ကတိၤသ့ဝဲ လီၤ. ဘၣ်ဆၣ်ဒီးပှၤတီပှၤလိၤအတၢ်ကူၣ်သ့အုၣ်က့ၤခီၣ်က့ၤနၤသ့ဝဲ လီၤ.

လံာ်ပှၤစံၣ်တဲၤတဲလီၤတၢ် 4:15

ယဆိကမိၣ်ထီၣ်ကယဲၢ်ပှၤဂီၢ်မုၢ်လၢအအိၣ်မူလၢဟီၣ်ခိၣ်ချၢအံၤအ ဂ့ၢ်, ဒီးယထံၣ်သ့ၣ်ညါလၢ, ဖဲအဝဲသ့ၣ်အကျါတတီၤတီၤန့ၣ်, ပှၤသးစၢ်အိၣ်ဝဲတဂၤလၢကဟံးန့ၢ်စီၤပၤအလီၢ်န့ၣ်လီၤ.

လံာ်ဒၤနံးယ့လး 11:21

ဒီးမူခိၣ်ကလူးကတိၤတၢ်ဆူညါဒီးတဲဖျါထီၣ်ဝဲ, “ကီၢ်စူၤရံအစီၤပၤဆူညါတဂၤကမ့ၢ်ဝဲပှၤအၢပှၤသီတဂၤ, လၢပှၤဂီၢ်မုၢ်တပာ်ကဲဘၣ်အီၤဒီးတဟ့ၣ်အီၤအလီၢ်ဒ်စီၤလိၣ်စီၤပၤတဂၤ အသိးဘၣ်န့ၣ်လီၤ. မ့မ့ၢ်ကဟဲထီၣ်ဝဲသတူၢ်ကလာ်ခီဖျိ တၢ်ကတိၤဘျ့လၢအလီန့ၢ်ပှၤအသးဒီးဟံးန့ၢ်ဆူၣ်တၢ်စိကမီၤန့ၣ်လီၤ.

ရိမ့ၤ 16:18

အဂ့ၢ်ဒ်လဲၣ်န့ၣ်, ပှၤလၢအမၤတၢ်ဒ်အံၤတဖၣ်တမၤပကစၢ် ခရံာ်အတၢ်မၤဘၣ်, မ့မ့ၢ်မၤတၢ်လၢအဟၢဖၢဒၣ်ဝဲအဂီၢ်န့ၣ်လီၤ. ခီဖျိလၢအတၢ်ကတိၤအမုာ်အဆၢတဖၣ်ဒီးအတၢ်ကတိၤအူ သဖှိထီၣ်တၢ်န့ၣ်, အဝဲသ့ၣ်လီန့ၢ်ပှၤလၢအသးဂ့ၤအသးညီ တဖၣ်န့ၣ်လီၤ.

၂ ပ့းတရူး 2:3

ဒီးလၢအတၢ်သူၣ်လီသးကွံဒိၣ်အပူၤ, သရၣ်အဘျၣ် တဖၣ်အံၤကဃုအဘျုးလၢသုဖီခိၣ်ခီဖျိအစံးဘၣ်တဲဘၣ် သုပူလၢပှၤကညီဒုးကဲထီၣ်အီၤတဖၣ်လီၤ. အဝဲသ့ၣ်အပှၤစံၣ်ညီၣ်ကွီၢ်အိၣ်ကတဲာ်ကတီၤအသးယံာ် တ့ၢ်လံ, ဒီးပှၤလၢအကမၤဟးဂီၤအီၤတဂၤန့ၣ်တမံသပ့ၤ ဝဲဘၣ်.