လံာ်စီၤၡမူၤအ့လးခံဘ့ၣ်တဘ့ၣ် 15:5 - Sgaw Karen Common Bible

⁵ ဖဲပှၤတဂၤကသုးဘူးအသးဆူစီၤအးဘၡါလိၣ်အအိၣ်လၢကတီၤလီၤလၢ အမဲာ်ညါန့ၣ်, စီၤအးဘၡါလိၣ်ကယူာ်ဃီၤအစုဒီးဝံၣ်ဆၢထၢၣ်အီၤဒီးနၢမူအီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 15:5 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:33

လၢတၢ်န့ၣ်အဃိ, စီၤယိၤအာ်လဲၤဆူစီၤပၤဒၤဝံးအအိၣ်ဒီးတဲ ဘၣ်အီၤတၢ်လၢစီၤအးဘၡါလိၣ်စံးတ့ၢ်ဝဲန့ၣ်လီၤ. စီၤပၤမၢပှၤလဲၤကိးစီၤအးဘၡါလိၣ်လၢကဟဲဆူအဝဲအအိၣ်ဒီး တီၤလီၤကဒွံကျိာ်ဒီးဆူးလီၤအခိၣ်ဆူဟီၣ်ခိၣ်လိၤလၢအမဲာ်ညါန့ၣ်လီၤ. စီၤပၤတူၢ်လိာ်မုာ်အီၤလၢတၢ်နၢမူန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 20:9

စီၤယိၤအာ်စံးဘၣ်စီၤဧမါစၤ, “ယတံၤသကိးဧၢ, နအိၣ်ဆူအိၣ်ချ့စ့ၢ်ကီးဧါ.” ဒီးစီၤယိၤအာ်ဖီၣ်ဃးစီၤဧမါ စၤအခၣ်ဆူၣ်လၢအစုထွဲဒ်သိးအကနၢမူအီၤအဂီၢ်န့ၣ်လီၤ.

စံးထီၣ်ပတြၢၤ 55:21

အတၢ်စံးတၢ်ကတိၤဘျ့န့ၢ်တၢ်နုၢ်ထံအသိတက့ၢ်လီၤ. မ့မ့ၢ်တၢ်ဒုးသုးအသးန့ၣ်အိၣ်လၢအပူၤလီၤ. အတၢ်ကတိၤတဖၣ်စၢ်န့ၢ်သိတက့ၢ်လီၤ, ဘၣ်ဆၣ်မ့ၢ်နးလၢအဘီၣ်ထီၣ်အသးတဖၣ်လီၤ.

တၢ်ကတိၤဒိ. 26:25

သီၣ်ကမုာ်ဒိၣ်မးလီၤ. ဘၣ်ဆၣ်နာ်အီၤတဂ့ၤ. အဂ့ၢ်ဒ်အံၤ, အသးပူၤပှဲၤဆၢၣ်ကလာ်ဒီးတၢ်သးဟ့န့ၣ်လီၤ.

လံာ်လူၤကၣ် 7:45

နတတူၢ်လိာ်ခီၣ်ဆၢယၤလၢတၢ်နၢမူနီတဘီဘၣ်. မ့မ့ၢ်အဝဲဒၣ်န့ၣ်, စးထီၣ်လၢယဟဲနုာ်လီၤလံၤလံၤ တဆိကတီၢ်အတၢ်နၢမူယခီၣ်ဘၣ်.