လံာ်စီၤၡမူၤအ့လးခံဘ့ၣ်တဘ့ၣ် 15:31 - Sgaw Karen Common Bible

³¹ ဖဲစီၤဒၤဝံးဘၣ်တၢ်တဲအီၤလၢစီၤအဃံသဖ့ၤလးမၤသကိးလံ တၢ်လၢစီၤအးဘၡါလိၣ်အတၢ်ပူထီၣ်ထီထီၣ်အပူၤလံန့ၣ်, အဝဲဘါထုကဖၣ်ဝဲဒ်အံၤ, “ယွၤဧၢ, ဝံသးစူၤဘိးကဒါကွံာ်စီၤအဃံသဖ့ၤလး အတၢ်ဟ့ၣ်ကူၣ်ဆူတၢ်လၢအခီပညီတအိၣ်ဘၣ်န့ၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 15:31 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:12

ဒီးဖဲအဝဲလုၢ်ထီၣ်တၢ်လုၢ်တၢ်ပာ်တဖၣ်အခါနၣ်, စီၤအးဘၡါလိၣ်မၢပှၤလဲၤကိးန့ၢ်အီၤစီၤအဃံၤသဖ့လးလၢအမ့ၢ် စီၤပၤဒၤဝံးအပှၤဟ့ၣ်ကူၣ်ဟ့ၣ်ဖးတၢ်တဖၣ်အကျါတဂၤ, လၢအအိၣ်ဝဲလၢဝ့ၢ်ကံလိၤန့ၣ်လီၤ. တၢ်ကူၣ်အၢထီဒါစီၤပၤန့ၣ်, အဂံၢ်အဘါဆူၣ်ထီၣ်ဝဲ, ဒီးပှၤပိာ်စီၤအးဘၡါလိၣ်အခံန့ၣ်အနီၣ်ဂံၢ်အါထီၣ်ဝဲဒၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 16:23

ကယဲၢ်တၢ်ဟ့ၣ်ကူၣ်ဟ့ၣ်ဖးလၢ စီၤအဃံသဖ့ၤလးဟ့ၣ်တ့ၢ်ဝဲလၢမုၢ်နံၤတဖၣ်အပူၤန့ၣ်, ဘၣ်တၢ်တူၢ်လိာ်အီၤဒ်ကစၢ်ယွၤအကစၢ်ဒၣ် ဝဲအတၢ်ကတိၤအသိးဒီးစီၤဒၤဝံးဒီးစီၤအးဘၡါလိၣ်မၤထွဲဝဲဒၣ်ခံဂၤလိာ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 17:14

စီၤအးဘၡါလိၣ်ဒီးကယဲၢ်ပှၤအံၣ်စရ့လးဖိခဲလၢာ်စံးဝဲဒၣ်, “စီၤဃူၤၡဲအတၢ်ဟ့ၣ်ကူၣ်န့ၣ်ဂ့ၤဒိၣ်န့ၢ်ဒံးစီၤအဃံသဖ့ၤလး အတၢ်ဟ့ၣ်ကူၣ်တက့ၢ်လီၤ.” ယွၤပာ်လီၤတ့ၢ်လံအသးလၢစီၤအဃံသဖ့ၤလးအတၢ်ဟ့ၣ်ကူၣ်လၢအဂ့ၤန့ၣ်တၢ်သုတမၤထွဲအီၤတဂ့ၤ, ဒ်သိးတၢ်တတၢးတနါကလီၤဘၣ်လၢစီၤအးဘၡါလိၣ်အလိၤအဂီၢ်န့ၣ် လီၤ.

လံာ်စီၤၡမူၤအ့လးခံဘ့ၣ်တဘ့ၣ် 17:23

ဖဲစီၤအဃံသဖ့ၤလးထံၣ်သ့ၣ်ညါဝဲလၢအတၢ်ဟ့ၣ်ကူၣ်တဘၣ်တၢ်မၤ ထွဲအီၤန့ၣ်, အဝဲဂီၤကၢ်ထီၣ်အကသ့ၣ်ယီၤဒီးက့ၤကဒါက့ၤဆူအဝ့ၢ်ဒၣ်ဝဲန့ၣ်လီၤ. တုၤအဝဲကျဲၤလီၤအဟံၣ်အဃီ အဂ့ၢ်အကျိၤဘၣ်ဘၣ်ဝံၤအလီၢ်ခံန့ၣ်, အဝဲစၢသံလီၤက့ၤအသးန့ၣ် လီၤ. အဝဲဘၣ်တၢ်ခူၣ်လီၤကွံာ်အီၤဖဲအဒူၣ်ဖိထၢဖိအသွၣ်ခိၣ်အပူၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 17:5

စီၤအးဘၡါလိၣ်စံးဝဲဒၣ်, “ခဲအံၤကိးဃီၤစီၤဃူၤၡဲဒီး မ်ပကဒိကနၣ်သကိးတၢ်လၢအဝဲကတဲဝဲတက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 17:7

စီၤဃူၤၡဲစံးဆၢဝဲဒၣ်, “တၢ်ဟ့ၣ်ကူၣ်လၢစီၤအဃံသဖ့ၤလး ဟ့ၣ်နၤတဘျီအံၤန့ၣ်တဂ့ၤဘၣ်.

လံာ်စီၤယိၤဘး 5:12

အဝဲမၤဟးဂီၤပှၤလီတၢ်ဖိတဖၣ်အတၢ်ကူၣ်တၢ်ဖးဒ်သိးအမၤ တၢ်တမံၤလၢ်လၢ်အသုတကဲထီၣ်လိၣ်ထီၣ်တဂ့ၤအဂီၢ်န့ၣ်လီၤ.

စံးထီၣ်ပတြၢၤ 109:3

အဝဲသ့ၣ်ကတိၤအၢကတိၤသီတၢ်လၢ ယဂ့ၢ်ယကျိၤ ဒီးထီဒါယၤလၢ တၢ်ဂ့ၢ်တအိၣ်နီတမံၤဘၣ်အပူၤန့ၣ်လီၤ.

စံးထီၣ်ပတြၢၤ 3:1

ယွၤဧၢ, ယအိၣ်ဒီးယဒုၣ်ယဒါအါမး, ဒီးပှၤဂဲၤဆၢထၢၣ်ထီဒါယၤအိၣ်အါဂၤလီၤ.

စံးထီၣ်ပတြၢၤ 41:9

ယတံၤသကိးအဂ့ၤကတၢၢ်, ပှၤလၢယနာ်န့ၢ်အီၤအဒိၣ်ကတၢၢ် လၢယဟ့ၣ်နီၤလီၤအီၤယတၢ်အီၣ်တဂၤဒၣ်လဲာ်, ထီဒါက့ၤယၤလီၤ.

စံးထီၣ်ပတြၢၤ 55:10

လၢမုၢ်ဆါဒီးလၢမုၢ်နၤန့ၣ် လဲၤဝးတရံးဝဲလၢဝ့ၢ်ခိၣ်ဒူအဖီခိၣ်, ဒီးတၢ်မၤဟးဂီၤတၢ်ဒီးတၢ်နးတၢ်ဖှီၣ် အိၣ်ဝဲလၢအပူၤလီၤ.

စံးထီၣ်ပတြၢၤ 55:12

တၢ်အံၤတမ့ၢ်ဘၣ်ဒုၣ်ဒါလၢအဒုၣ်ဒွဲၣ်ယၤဘၣ်. မ့မ့ၢ်ဒ်န့ၣ်ဒီးယတူၢ်ကကဲယဲလီၤ. တမ့ၢ်ဘၣ်ပှၤလၢအသးဟ့ယၤ ပာ်ဒိၣ်အသးလၢယဖီခိၣ်ဘၣ်. မ့မ့ၢ်ဒ်န့ၣ်ဒီးယကပာ်တဒၢယသးလၢအီၤလီၤ.

လံာ်ယၡါယၤ 19:3

ယကတြီတံာ်တာ်ပှၤအဲၤကူပတူးဖိအတၢ်ကူၣ်ကျဲၤတဖၣ်ဒီး မၤဟးဂီၤအဝဲသ့ၣ်အသးန့ၣ်လီၤ. အဝဲသ့ၣ်ကဃ့အတၢ်ဂီၤတၢ် ဖီၣ်တဖၣ်လၢတၢ်မၤစၢၤအီၤအဂီၢ်, ကလဲၤဃ့တၢ်ဟ့ၣ်ကူၣ်လၢ ပှၤကွဲပှၤသံအကလၤတဖၣ်, ဒီးသံကွၢ်ပှၤသံအကလၤတဖၣ်လၢ တၢ်ဟ့ၣ်ကူၣ်ဟ့ၣ်ဖးအဂီၢ်လီၤ.

လံာ်ယၡါယၤ 44:25

ယမၤပျုၢ်ပှၤဖးတၢ်ဟဲဝံဟဲစိာ်တဖၣ် ဒီးတြီတံာ်တာ်ပှၤဖးဆၣ်ဧိၤဖီဧိၤတဖၣ်အတၢ်ကတိၤဆိပာ်တဖၣ်လီၤ. ယကတိၤဘျီပှၤကူၣ်သ့အတၢ်ကတိၤတဖၣ်ဒီးဒုးနဲၣ်အဝဲသ့ၣ်လၢအတၢ် ကူၣ်သ့မ့ၢ်တၢ်တဂီာ်တသီၣ်ဘၣ်လီၤ.

လံာ်ယိၤဟၣ် 13:18

ယတကတိၤတၢ်လၢသုဝဲခဲလၢာ်အဂ့ၢ်ဘၣ်. ယသ့ၣ်ညါပှၤလၢ ယဃုထၢအီၤတဖၣ်လီၤ. ဘၣ်ဆၣ်တၢ်ကွဲးအသးကဘၣ် လၢထီၣ်ပှဲၤထီၣ်လၢအစံးဝဲ, ‘ပှၤလၢအအီၣ်တၢ်ဒီးယၤတဂၤ န့ၣ်ထီဒါယၤလီၤ’ (စံး. ၄၁:၉).

1 ကရံၣ်သူး 1:20

မ့မ့ၢ်ဒ်န့ၣ်ဒီး, ပှၤကူၣ်ဘၣ်ကူၣ်သ့မ့ၢ်ဂ့ၤ, ပှၤသ့လံာ်သ့လဲၢ်မ့ၢ်ဂ့ၤ, မ့တမ့ၢ်ဘၣ်ဒီးပှၤသ့ဂ့ၢ်လိာ်ဘှီလိာ်တၢ်လၢဟီၣ်ခိၣ်တဘ့ၣ်အံၤ အပူၤန့ၣ်အိၣ်ဝဲဖဲလဲၣ်ပူၤလဲၣ်. ကစၢ်ယွၤဒုးနဲၣ်တ့ၢ်ဝဲဒၣ်လၢဟီၣ်ခိၣ်တဘ့ၣ်အံၤအတၢ်ကူၣ်ဘၣ်ကူၣ် သ့မ့ၢ်ဒၣ်တၢ်သူၣ်တဆးသးတဆးန့ၣ်လီၤ.

ယၤကိာ် 3:15

တၢ်ကူၣ်သ့ဒ်န့ၣ်တကလုာ်တဟဲလီၤလၢမူခိၣ်ဘၣ်. မ့ၢ်တၢ်လၢအဘၣ်ဃးဒီးဟီၣ်ခိၣ်, တဘၣ်ဃးဒီးတၢ်လၢ သူၣ်လၢသးဘၣ်, ဒီးဘၣ်ဃးဒၣ်ဒီးတၢ်ဝံတၢ်နါတဖၣ်န့ၣ်လီၤ.