လံာ်စီၤၡမူၤအ့လးခံဘ့ၣ်တဘ့ၣ် 15:26 - Sgaw Karen Common Bible

²⁶ မ့မ့ၢ်အဝဲမ့ၢ်တဘၣ်သူၣ်ဘၣ်သးယၤဘၣ်ဒီး, ဂ့ၤလံ, အန့ၣ်တစုပျဲအဝဲမၤယၤဒ်အတၢ်ဘၣ်အသးအသိးန့ၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 15:26 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 10:12

အိၣ်ဒီးတၢ်ဂံၢ်ဆူၣ်ဘါဆူၣ်ဒီးတၢ်သူၣ်ဒူသးဒူတက့ၢ်. မ်ပဒုးတၢ်ဆူၣ်ဆူၣ်လၢပပှၤဂီၢ်မုၢ်အဂီၢ်ဒီးလၢပကစၢ်ယွၤ အဝ့ၢ်တဖၣ်အဂီၢ်န့ၣ်တက့ၢ်. ဒီးမ်တၢ်ဘၣ်ယွၤအသးလၢထီၣ်ပှဲၤထီၣ်ဝဲန့ၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 11:27

ဖဲတၢ်ဟီၣ်တၢ်ယၢၤအကတီၢ်ဝံၤဝဲန့ၣ် စီၤဒၤဝံးမၢပှၤဟဲကိးပိာ်မုၣ်န့ၣ်ဆူနီပူၤလီၤ. ပိာ်မုၣ်န့ၣ်ကဲထီၣ်အမါဒီးဆံးစၢ်န့ၢ်အီၤဖိခွါတဂၤလီၤ. ဘၣ်ဆၣ်ဒီးတၢ်လၢစီၤဒၤဝံးမၤတ့ၢ်အံၤ တဘၣ်ယွၤအသးဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 19:28

ကယဲၢ်ယပၢ်အဒူၣ်ဖိထၢဖိခဲလၢာ်ကြၢးလၢ အဘၣ်တၢ်မၤသံကွံာ်အီၤလၢနဲဒၣ်တၢ်ဒိၣ်ကစၢ်စီၤပၤဘၣ်ဆၣ်ဒီး, နဟ့ၣ်လံယၤတၢ်ခွဲးတၢ်ယာ်လၢယကအီၣ်တၢ်လၢနစီၢ်နီၤခိၣ်လီၤ. တကြၢးလၢၤလၢယကဃ့အါထီၣ်တၢ်ကွၢ်မဲာ်လၢနဲဒၣ် တၢ်ဒိၣ်ကစၢ်စီၤပၤအအိၣ်နီတမံၤဘၣ်.”

လံာ်စီၤၡမူၤအ့လးခံဘ့ၣ်တဘ့ၣ် 22:20

အဝဲမၤစၢၤယၤလၢယကပူၤဖျဲးထီၣ်လၢတၢ်လီၤပျံၤလီၤဘၣ်ယိၣ် အပူၤန့ၣ်လီၤ. အဝဲအုၣ်က့ၤခီၣ်က့ၤယၤမ့ၢ်လၢအဝဲဘၣ်သူၣ်ဘၣ်သးယၤအဃိ န့ၣ်လီၤ.

လံာ်စီၤပၤအခီၣ်ထံးတဘ့ၣ် 10:9

စံးထီၣ်ပတြၢၤယွၤ, နကစၢ်ယွၤတက့ၢ်. အဝဲဒုးနဲၣ်တ့ၢ်လၢအဘၣ်သူၣ်ဘၣ်သးနၤထဲလဲၣ်ခီဖျိဒုးကဲနၤ လၢကီၢ်အံၣ်စရ့လးအစီၤပၤန့ၣ်လီၤ. မ့ၢ်လၢအဝဲအတၢ်အဲၣ်ကီၢ်အံၣ်စရ့လးမ့ၢ်တၢ်အထူအယိာ်အဃိ, အဝဲဒုးကဲထီၣ်နၤလၢအဝဲသ့ၣ်အစီၤပၤဒ်သိးနပၢၤဃာ်တၢ်သိၣ်တၢ် သီဒီးတၢ်စံၣ်ညီၣ်တီကသ့ဝဲအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:7

တၢ်လၢအမၤတ့ၢ်အသးအံၤကစၢ်ယွၤတဘၣ်အသးဘၣ်အဃိ စံၣ်ညီၣ်တ့ၢ်အံၣ်စရ့လးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 9:8

မ်ယွၤ, နကစၢ်ယွၤဘၣ်တၢ်စံးထီၣ်ပတြၢၤအီၤတက့ၢ်. အဝဲဒုးနဲၣ်ဖျါထီၣ်အတၢ်ဘၣ်သူၣ်ဘၣ်သးနၤထဲလဲၣ်ခီဖျိအဒုး ကဲထီၣ်နၤလၢစီၤပၤဒ်သိးကပၢတၢ်လၢအမံၤအပူၤန့ၣ်လီၤ. အဂ့ၢ်ဒ်အံၤ, အဝဲအဲၣ်အပှၤဂီၢ်မုၢ်အံၣ်စရ့လးဒီးကတီၤဃာ်အီၤ လီၤစိၤလီၤထီအဃိ, အဝဲဒုးကဲထီၣ်နၤလၢအဝဲသ့ၣ်အစီၤပၤဒ်သိး, နဟံးဃာ်တၢ်သိၣ်တၢ်သီဘၣ်ထွဲဒီးတၢ်စူၢ်တၢ်နာ်ဒီးတၢ်စံၣ်ညီၣ် တီကသ့ဝဲန့ၣ်လီၤ.

စံးထီၣ်ပတြၢၤ 39:9

ယအိၣ်တအုၣ်လီၤ. ယတအဲးထီၣ်ယထးခိၣ်ဘၣ်. အဂ့ၢ်ဒ်အံၤ, တၢ်အံၤမ့ၢ်တၢ်လၢနမၤတ့ၢ်နဲလီၤ.

လံာ်ယၡါယၤ 42:1

ယွၤစံးဝဲ, “အအံၤမ့ၢ်ယခ့ယပှၤလၢယဟ့ၣ်ဂံၢ်ဟ့ၣ်ဘါအီၤ, ပှၤတဂၤလၢယဃုထၢအီၤဒီးဘၣ်သူၣ်ဘၣ်သးယၤဒိၣ်မးန့ၣ်လီၤ. ယမၤပှဲၤအီၤဒီးယသးဒၣ်ယဲ, ဒီးအဝဲကဟဲစိာ်တၢ်စံၣ်ညီၣ်တီဆူ ပှၤကိးကလုာ်ဒဲးလီၤ.

လံာ်ယၡါယၤ 62:4

တၢ်တကိးလၢၤဘၣ်နၤနီတဘျီလၢ “တၢ်ဘၣ်လဲၤသဒၣ်” မ့ၢ်ဂ့ၤ, နထံနကီၢ်တဘၣ်တၢ်ကိးစ့ၢ်ကီးအီၤလၢ “မါလၢအဘၣ်တၢ်ပာ်လီၤတဲာ်ကွံာ်အီၤ” မ့ၢ်ဂ့ၤဘၣ်. နမံၤအသီကမ့ၢ်ဝဲ, “ကစၢ်ယွၤဘၣ်သူၣ်ဘၣ်သးတ့ၢ်အီၤ” လီၤ. နထံနကီၢ်ကဘၣ်တၢ်ကိးအီၤလၢ, “တၢ်သူၣ်ဖှံသးညီအတၢ်တ့တၢ်ဖျီ” လီၤ. အဂ့ၢ်ဒ်အံၤ, ယွၤဘၣ်သူၣ်ဘၣ်သးလၢနၤဒီးအဝဲကလီၤဂာ်ဒီး ဝၤတဂၤလၢနထံနကီၢ်အဂီၢ်လီၤ.

လံာ်ယံးရမံယၤ 22:28

ယစံးယဲ, “မ့ၢ်စီၤပၤယဟိၤယါခံၣ်ကဲထီၣ်ဒ်သပၢၤသ့ၣ်ဖး တဖျၢၣ်အသိးလၢအဘၣ်တၢ်စူးကွံာ်အီၤဒီးပှၤတသးလီအီၤ နီတဂၤဘၣ်န့ၣ်ဧါ. လၢတၢ်န့ၣ်အဃိ, မ့ၢ်အဝဲဒီးအဖိတဖၣ်ဘၣ်တၢ်စိာ်ကွံာ်အီၤဆူတၢ်မၢကဲကုၢ်အလီၢ်, တၢ်လီၢ်လၢအဝဲသ့ၣ်တသ့ၣ်ညါဝဲလၢအဂ့ၢ်နီတမံၤန့ၣ်ဧါ.”

လံာ်ယံးရမံယၤ 32:41

ယကသးခုသးမုာ်လၢ ယမၤတၢ်မၤဂ့ၤတဖၣ်လၢ အဝဲသ့ၣ်အဂီၢ်, ဒီးယကဒုးအိၣ်ဂၢၢ်ဆိးကျၢၤ အဝဲသ့ၣ်လၢထံကီၢ်အံၤအပူၤလၢ ယသးဒီဖျၢၣ်ဒီး ယသးတုၤအလၢာ်န့ၣ်လီၤ.

လံာ်တၢ်ဂံၢ် 14:8

ယွၤမ့ၢ်ဘၣ်အသးလၢပှၤဒီးအဝဲကဆှၢပှၤဆူန့ၣ်, ဒီးဟ့ၣ်ပှၤလၢကီၢ်အထူးအတီၤဒီးကီၢ်လၢဟီၣ်ခိၣ်ညၣ်ထ့ၣ်ဂ့ၤဝဲ န့ၣ်လီၤ.

လံာ်စီၤယိၤၡူ 9:25

ဒီး, ကွၢ်ကွၢ်, ခဲအံၤပအိၣ်လၢနစုပူၤလီၤ. တၢ်လၢနဆိက မိၣ်လၢအဘၣ်ဒီးဂ့ၤလၢနမဲာ်န့ၣ်, မၤဘၣ်ပှၤတက့ၢ်.”

လံာ်ပှၤစံၣ်ညီၣ်ကွီၢ် 10:15

ဘၣ်ဆၣ်ဒီးပှၤအံၣ်စရ့လးဖိတဖၣ်စံးဘၣ်ယွၤ, “ပမၤတ့ၢ်တၢ်ဒဲးဘးလံ. မၤပှၤဒ်ကယဲၢ်တၢ်လၢအဂ့ၤလၢနမဲာ်အသိးန့ၣ်တက့ၢ်. ဘၣ်ဆၣ်, ဝံသးစူၤအုၣ်က့ၤခီၣ်က့ၤပှၤတနံၤအံၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 3:18

မၤသးဒ်န့ၣ်ဒီးစီၤၡမူၤအ့လးတဲဘၣ်အီၤတၢ်ကိးမံၤဒဲးဒီး တပာ်ခူသူၣ်တ့ၢ်ဝဲတၢ်နီတမံၤဘၣ်. စီၤဧ့လံၤစံးဝဲ, “အဝဲမ့ၢ်ယွၤလီၤ. အဝဲကမၤတၢ်လၢအထံၣ်ဝဲလၢအဂ့ၤကိးမံၤဒဲးန့ၣ်လီၤ.”