လံာ်စီၤၡမူၤအ့လးခံဘ့ၣ်တဘ့ၣ် 15:23 - Sgaw Karen Common Bible

²³ ဖဲပှၤပိာ်စီၤဒၤဝံးအခံတဖၣ်ဟးထီၣ်ကွံာ်ဝဲန့ၣ်, ပှၤဂီၢ်မုၢ်ဟီၣ်ပသူထီၣ်ဖးဒိၣ်လီၤ. စီၤပၤလဲၤခီဂာ်ကွံာ်ထံ ကျိဖိကံဒြိၣ်ဒီးအပှၤခဲလၢာ်ပိာ်ထီၣ်အခံ, ဒီးအဝဲသ့ၣ်ဟးထီၣ်ဒီးလဲၤသကိးဝဲဆူပှၢ်မုၢ်ကနၢန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 15:23 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:22

စီၤဒၤဝံးစံးဝဲဒၣ်, “ဂ့ၤလံလဲၤထီၣ်ဆူညါတက့ၢ်.” လၢတၢ်န့ၣ်အဃိစီၤအံတဲၤလဲၤဆူညါဃုာ်ဒီးအပှၤခဲလၢာ်ဒီးပှၤ လၢအသန့ၤအသးဒီးအဝဲသ့ၣ်တဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 15:28

ဖဲဆၢကတီၢ်အပူၤအတ့ၤအံၤန့ၣ်, ယကခိးတၢ်လၢထံကျိ စိးခံတဖၣ်ဖဲပှၢ်မုၢ်ကနၢအပူၤ, တုၤယဒိးန့ၢ်တၢ်ကစီၣ်လၢသု အိၣ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 16:2

စီၤပၤစီၤဒၤဝံးသံကွၢ်အီၤ, “တၢ်ခဲလၢာ်အံၤနကမၤတၢ်မနုၤန့ၣ်လဲၣ်.” စီၤစံဘၤစံးဆၢဝဲဒၣ်, “ကသ့ၣ်ယီၤတဖၣ်မ့ၢ်လၢနဲဒၣ်, တၢ်ဒိၣ်ကစၢ်စီၤပၤအဟံၣ်ဖိဃီဖိတဖၣ်ကဒိးဝဲအဂီၢ်, ကိၣ်ဒီးသ့ၣ်သၣ်တဖၣ်မ့ၢ်လၢပှၤပိာ်ခွါတဖၣ်ကအီၣ်ဝဲအဂီၢ်ဒီး စပံးထံန့ၣ်မ့ၢ်လၢအဝဲသ့ၣ်ကအီဝဲဖဲအဝဲသ့ၣ်လီၤဘှံးလီၤ တီၤလၢပှၢ်မုၢ်ကနၢအပူၤအခါအဂီၢ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 15:13

အဝဲသုးကွံာ်အဖံနီၢ်မၤကၤလၢနီၢ်ပၤမုၣ်အမိၢ်အလီၢ်အလၤ, မ့ၢ်လၢနီၢ်မၤကၤမၤထီၣ်ဟီၣ်ခိၣ်ညၣ်ထ့ၣ်အကစၢ်မုၣ်နီၢ်အၡ့ရၤ အဂီၤတခါလၢအထိၣ်ဂဲၤထီၣ်တၢ်သးကတၢအဃိန့ၣ်လီၤ. စီၤအၤစါမၤဟးဂီၤကွံာ်တၢ်ဂီၤန့ၣ်ဒီးဒွဲၣ်အူကွံာ်အီၤလၢ ကံဒြိၣ်တၢ်တြီၤအပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 2:37

နမ့ၢ်ဟးထီၣ်ဒီးလဲၤဖျိကွံာ်ယံၤန့ၢ်ဒံးထံကျိဖိကံဒြိၣ် တစုစုဒီးနကသံသပှၢ်ကတၢၢ်လီၤ. တၢ်န့ၣ်ကမ့ၢ်နတၢ်ကမၣ်ဒၣ်နဲလီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 29:16

ပှၤလုၢ်တၢ်အခိၣ်တဖၣ်လဲၤနုာ်လီၤဆူယွၤအတၢ်လုၢ်ဟံၣ်အပူၤလၢ ကမၤကဆှီထီၣ်အီၤအဂီၢ်, ဒီးအဝဲသ့ၣ်စိာ်ထီၣ်ကွံာ်တၢ်လၢအတကဆှီဘၣ်ဒ်တၢ်အလုၢ်အလၢ်အိၣ် ဝဲအသိးတဖၣ်ခဲလၢာ်ဆူယွၤအတၢ်လုၢ်ဟံၣ်အဂၢၤပူၤန့ၣ်လီၤ. ပှၤလ့ၤဝံဖိတဖၣ်စိာ်ထီၣ်ကွံာ်တၢ်သ့ၣ်တဖၣ်န့ၣ်ခဲလၢာ်ဖဲန့ၣ်, ဒီးလဲၤစိာ်ဝဲဆူဝ့ၢ်အချၢလၢကံဒြိၣ်အတၢ်တြီၤပူၤန့ၣ်လီၤ.

လံာ်ယံးရမံယၤ 31:40

တၢ်တြီၤဒီတြီၤညါ, ဖဲပှၤအသံတဖၣ်ဘၣ်တၢ်ခူၣ်လီၤကွံာ်အီၤ ဒီး တၢ်တဂိာ်တသီၣ်ဘၣ်တၢ်စူးကွံာ်အီၤ, ဒီးစံာ်ပျီခဲလၢာ်လၢ ထံကျိကံဒြိၢ်ပၢၢ်တုၤလၢ ကသ့ၣ်အတြဲၤလၢ မုၢ်ထီၣ်တခီန့ၣ်, ကမ့ၢ်တၢ်လီၢ်စီဆှံလၢ ယဂီၢ်န့ၣ်လီၤ. ဝ့ၢ်အံၤတဘၣ်တၢ်မၤ လီၤပှီၢ်ကဒီးလၢၤအီၤမ့ၢ်ဂ့ၤ, မၤဟးဂီၤကွံာ်လၢၤအီၤမ့ၢ်ဂ့ၤ နီတစုဘၣ်.”

လံာ်မးသဲ 3:1

လၢမုၢ်နံၤတဖၣ်န့ၣ်, ပှၤဘျၢတၢ်စီၤယိၤဟၣ်တဂၤလဲၤဝဲဆူပှၢ်မုၢ်ကနၢ လၢကီၢ်ယူဒၤအပူၤဒီးစံၣ်တဲၤတဲလီၤတၢ်လီၤ.

လံာ်မးသဲ 3:3

စီၤယိၤဟၣ်မ့ၢ်ပှၤတဂၤလၢဝံယၡါယၤတဲတၢ်လၢအဂ့ၢ်ဖဲအစံးဝဲ, “ပှၤတဂၤအကလုၢ်သီၣ်ထီၣ်လၢပှၢ်မုၢ်ကနၢအပူၤ, ‘ကတဲာ်ကတီၤကျဲလၢကစၢ်အဂီၢ်တက့ၢ်. မၤလိၤမၤဘျၢကျဲလၢကစၢ်ကဟဲအဂီၢ်တက့ၢ်’ ” န့ၣ်လီၤ(ၡါ. ၄၀:၃).

လံာ်လူၤကၣ် 1:80

ဖိသၣ်ဒိၣ်ထီၣ်လၢနီၢ်ခိဒီးနီၢ်သးလီၤ. အဝဲဒၣ်အိၣ်ဝဲဆိးဝဲလၢပှၢ်မုၢ်ကနၢတုၤလီၤမုၢ်တနံၤ ဖဲအဝဲမၤဖျါထီၣ်အသးလၢကမျၢၢ်အမဲာ်ညါ, လၢအံၣ်စရ့လးအပှၤဂီၢ်မုၢ်န့ၣ်လီၤ.

လံာ်ယိၤဟၣ် 18:1

ယ့ၣ်ၡူးဃ့ဘါထုကဖၣ်တၢ်တဖၣ်အံၤဝံၤဒီး, အဝဲဟးထီၣ်ဒီးအပျဲၢ်အဘီၣ်တဖၣ်ဒီးလဲၤခီဂာ် ဆူကံဒြိၣ်ထံကျိၤအဝၢ်ဘးခီန့ၣ်လီၤ. ဒီးဖဲန့ၣ် တၤသၣ်လီၢ်အိၣ်ဝဲတလီၢ်ဒီးယ့ၣ်ၡူးဒီးအပျဲၢ် အဘီၣ်တဖၣ်လဲၤနုာ်ဝဲဒၣ်ဖဲန့ၣ်လီၤ.

ရိမ့ၤ 12:15

ပှၤလၢအသးခုတဖၣ်န့ၣ်သးခုဃုာ်ဒီးအီၤတက့ၢ်. ပှၤလၢအဟီၣ်တဖၣ်န့ၣ်ဟီၣ်ဃုာ်ဒီးအီၤတက့ၢ်.