လံာ်စီၤၡမူၤအ့လးခံဘ့ၣ်တဘ့ၣ် 15:2 - Sgaw Karen Common Bible

² အဝဲညီနုၢ်ဂဲၤဆၢထၢၣ်ဂီၤဂီၤဒီးလဲၤဒီးဆၢထၢၣ်ဖဲကျဲမုၢ်ကပၤဖဲဝ့ၢ်အတြဲၤန့ၣ်လီၤ. တဘျီလၢ်လၢ်ဖဲပှၤတဂၤဂၤဟဲဝဲဖဲန့ၣ်အိၣ်ဒီးတၢ်ဂ့ၢ်တမံၤလၢ စီၤပၤကဘၣ်မၤဘၣ်လိာ်န့ၢ်အီၤန့ၣ်, စီၤအးဘၡါလိၣ်ကိးဃီၤအီၤဒီးသံကွၢ်အီၤလၢ, မ့ၢ်အဟဲလၢလဲၣ်လၢလဲၣ်န့ၣ်လီၤ. ဒီးဖဲပှၤတဂၤန့ၣ်စံးဘၣ်အီၤလၢ အဝဲမ့ၢ်ပှၤလၢဒူၣ်မတၤလဲၣ်ဝံၤအလီၢ်ခံန့ၣ်,

လံာ်စီၤၡမူၤအ့လးခံဘ့ၣ်တဘ့ၣ် 15:2 Iomraidhean Croise

လံာ်တၢ်ကဲထီၣ်အခီၣ်ထံး 34:20

စီၤဃမိၢ်ဒီးအဖိခွါစီၤၡက့ၣ်လဲၤဆူတၢ်အိၣ်ဖှိၣ်အလီၢ်လၢဝ့ၢ် အတြဲၤန့ၣ်, ဒီးကတိၤတၢ်ဆူအပှၤဝ့ၢ်ဖိကဒဲကဒဲတဖၣ်, ဒီးစံးဝဲ,

လံာ်စီၤၡမူၤအ့လးခံဘ့ၣ်တဘ့ၣ် 19:8

တုၤနုၤတစု, စီၤပၤဂဲၤဆၢထၢၣ်ဒီးလဲၤဆ့ၣ်နီၤဝဲဘူးဒီး ဝ့ၢ်အတြဲၤန့ၣ်လီၤ. အပှၤတဖၣ်နၢ်ဟူဘၣ်လၢအဝဲအိၣ်ဖဲန့ၣ်, သတးဒီးအဝဲသ့ၣ်ခဲလၢာ်လဲၤပာ်ဖှိၣ်ထီၣ်အသးဝးတရံးအီၤန့ၣ်လီၤ. အကတီၢ်ဖဲန့ၣ်, ကယဲၢ်ပှၤအံၣ်စရ့လးဖိခဲလၢာ် ဃ့ၢ်ကွံာ်ဝဲတဂၤဆူအဟံၣ်ဒၣ်ဝဲစုာ်စုာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 10:7

အဝဲသ့ၣ်စံးဆၢဝဲ, “နမ့ၢ်သူၣ်ကညီသးကညီၤပှၤဂီၢ်မုၢ်တဖၣ် အံၤဒီးကျဲးစၢးမၤဘၣ်အဝဲသ့ၣ်အသးခီဖျိတၢ်ဟ့ၣ်အီၤတၢ်စံး ဆၢလၢအအိၣ်ဒီးတၢ်ဆိကမိၣ်န့ၢ်တၢ်လၢအဝဲသ့ၣ်အဂီၢ်န့ၣ်ဒီး, အဝဲသ့ၣ်ကမၤနတၢ်မၤလၢတၢ်သးတီအပူၤထီဘိန့ၣ်လီၤ.”

လံာ်စီၤယိၤဘး 24:14

စီၤစိၤဖၤစံးဝဲ, တုၤမုၢ်ဂီၤထီၣ်သီန့ၣ်ပှၤမၤသံတၢ်တဖၣ်ဂဲၤ ထၢၣ်ဒီးဟးထီၣ်ဝဲလၢကမၤသံပှၤဖှီၣ်ဖိယာ်ဖိလၢအတၢ် တအိၣ်ဘၣ်နီတမံၤတဖၣ်န့ၣ်လီၤ. ဒီးတုၤမုၢ်နၤအကတီၢ်န့ၣ်အဝဲသ့ၣ်ဟုၣ်တၢ်လီၤ.

လံာ်တၢ်ဟးထီၣ်ကွံာ် 18:14

ဖဲစီၤယံးသရိၤထံၣ်တၢ်ကိးမံၤဒဲးလၢစီၤမိၤၡ့ဘၣ်မၤဝဲ န့ၣ်ဒီးသံကွၢ်ဝဲ, “တၢ်ခဲလၢာ်လၢနမၤလၢပှၤဂီၢ်မုၢ်အဂီၢ်အံၤမ့ၢ်တၢ်ဒ်လဲၣ်. နမၤတၢ်အံၤထဲတဂၤဧိၤအိၣ်ဒီးပှၤဂီၢ်မုၢ်ဆၢထၢၣ်ခိးတၢ်ဖဲ အံၤစးထီၣ်လၢမုၢ်ဂီၤတုၤလၢမုၢ်နၤဒ်သိးကဃ့တၢ်ဟ့ၣ်ကူၣ်ဟ့ၣ် ဖးလၢနအိၣ်န့ၣ်ဘၣ်မနုၤလဲၣ်.”

လံာ်တၢ်ဟးထီၣ်ကွံာ် 18:16

ဖဲပှၤခံဂၤအိၣ်ဒီးတၢ်ဂ့ၢ်လိာ်ဘှီလိာ်တမံၤန့ၣ်အဝဲသ့ၣ်ဟဲ ဆူယအိၣ်ဒီးယစံၣ်ညီၣ်တဲာ်လၢအဝဲသ့ၣ်ခံဂၤအကျါမ့ၢ်မတၤအတၢ် ဘၣ်လဲၣ်ဒီးယတဲဘၣ်အဝဲသ့ၣ်လၢကစၢ်ယွၤအတၢ်မၤလိာ်တဖၣ်ဒီးအတၢ် သိၣ်တၢ်သီတဖၣ်န့ၣ်လီၤ.”

လံာ်တၢ်ဟးထီၣ်ကွံာ် 18:26

ဒီးအဝဲသ့ၣ်မၤတၢ်လၢပှၤဂီၢ်မုၢ်အဂီၢ်ဒ်ပှၤစံၣ်ညီၣ်ကွီၢ်တဖၣ် အသိးထီဘိလီၤ. ကွီၢ်လၢအကီအခဲတဖၣ်န့ၣ်ဟဲစိာ်ဝဲဆူစီၤမိၤၡ့အအိၣ်ဒီးမ့ မ့ၢ်တၢ်ဂ့ၢ်လိာ်ဘှီလိာ်အဆံးတဖၣ်န့ၣ်စံၣ်ညီၣ်တဲာ်ဝဲလၢအဝဲ သ့ၣ်အကစၢ်ဒၣ်ဝဲန့ၣ်လီၤ.

တၢ်ကတိၤဒိ. 4:16

ပှၤတတီတလိၤတဖၣ်န့ၣ်, မ့ၢ်တမၤကမၣ်ဘၣ်တၢ်တမံၤမံၤဒီးမံဝဲ တန့ၢ်ဘၣ်. မ့ၢ်တမၤဆါဘၣ်ပှၤတဂၤဂၤဘၣ်ဒီး, တမံဘၣ်ဝဲဘၣ်.

လံာ်ဒၤနံးယ့လး 11:21

ဒီးမူခိၣ်ကလူးကတိၤတၢ်ဆူညါဒီးတဲဖျါထီၣ်ဝဲ, “ကီၢ်စူၤရံအစီၤပၤဆူညါတဂၤကမ့ၢ်ဝဲပှၤအၢပှၤသီတဂၤ, လၢပှၤဂီၢ်မုၢ်တပာ်ကဲဘၣ်အီၤဒီးတဟ့ၣ်အီၤအလီၢ်ဒ်စီၤလိၣ်စီၤပၤတဂၤ အသိးဘၣ်န့ၣ်လီၤ. မ့မ့ၢ်ကဟဲထီၣ်ဝဲသတူၢ်ကလာ်ခီဖျိ တၢ်ကတိၤဘျ့လၢအလီန့ၢ်ပှၤအသးဒီးဟံးန့ၢ်ဆူၣ်တၢ်စိကမီၤန့ၣ်လီၤ.

လံာ်မးသဲ 27:1

တုၤမုၢ်ဆ့ၣ်ထီၣ်ဂီၤဂီၤအကတီၢ်န့ၣ်, ပှၤလုၢ်တၢ်အခိၣ်အဒိၣ်ခဲလၢာ်ဒီးပှၤယူဒၤဖိကရၢအခိၣ်အနၢ် တဖၣ်, ကူၣ်ထီၣ်တၢ်ထီဒါယ့ၣ်ၡူး ဒ်သိးအကမၤသံဘၣ်အီၤအဂီၢ်လီၤ.

လံာ်သိၣ်လီၤသီလီၤတၢ် 17:8

ဘၣ်သ့ၣ်သ့ၣ်ကွီၢ်ကအိၣ်ဝဲတနီၤနီၤလၢအကီကဲာ်ဆိးလၢတၢ်လီၢ် ကဝီၤတတီၤအဂီၢ်လၢကစံၣ်ညီၣ်တဲာ်ဝဲဒ်အမ့ၢ်ကွီၢ်တဖၣ်လၢအဘၣ်ထွဲ ဒီးတၢ်စုလီၢ်ခီၣ်ခိၣ်အတၢ်ခွဲးတၢ်ယာ်တဖၣ်မ့ၢ်ဂ့ၤ, ဘၣ်ထွဲဒီးနီၢ်ခိအတၢ်ဘၣ်ဒိဘၣ်ထံးမ့ၢ်ဂ့ၤ, ဘၣ်ထွဲဒီးကွီၢ်တဖၣ်လၢအအိၣ်ဃုာ်ဒီးတၢ်လီၤဆီလၢတၢ်မၤသံပှၤ ကညီဒီးတၢ်ဒိလိာ်တီၢ်လိာ်သးအဘၢၣ်စၢၤမ့ၢ်ဂ့ၤန့ၣ်လီၤ. တုၤတၢ်အံၤမၤအသးန့ၣ်, လဲၤဆူတၢ်ဘူၣ်ထီၣ်ဘါထီၣ်အလီၢ်တတီၤလၢ အဘၣ်တၢ်ဃုထၢတ့ၢ်အီၤလၢယွၤသုကစၢ်ယွၤ,

လံာ်နီၢ်ရူၤသး 4:1

စီၤဘိၤဧးလဲၤဆူတၢ်အိၣ်ဖှိၣ်ရိဖှိၣ်အလီၢ်ဖဲဝ့ၢ်အပဲတရီ, ဒီးဆ့ၣ်နီၤဝဲဖဲန့ၣ်လီၤ. တုၤနုၤတစု, တုၤစီၤအလံၤမ့လ့း အဘူးအတံၢ်နီၢ်နီၢ်, လၢစီၤဘိၤဧးစံးကတိၤတ့ၢ်ဝဲလၢအဂ့ၢ်တဂၤ, ဟဲဝဲန့ၣ်ဒီး, စီၤဘိၤဧးကိးအီၤဒီးစံးဘၣ်အီၤ, “ယတံၤသကိးဧၢ, ဟဲဆ့ၣ်နီၤဖဲအံၤတက့ၢ်.” ဒီးဟဲဆ့ၣ်နီၤဝဲဒၣ်န့ၣ်လီၤ.