လံာ်စီၤၡမူၤအ့လးခံဘ့ၣ်တဘ့ၣ် 15:18 - Sgaw Karen Common Bible

¹⁸ ကယဲၢ်အပဒိၣ်ပပှၢ်ခဲလၢာ်ဆၢထၢၣ်ဖဲအဝဲအဃၢၤ, ဖဲပှၤခိးစီၤပၤအသးသမူတဖၣ်လဲၤခီဂာ်တၢ်လၢအဝဲအမဲာ်ညါအခါန့ၣ်လီၤ. ပှၤသုးဖိအဂၤဃုကယၤလၢအပိာ်တ့ၢ်အဝဲအခံ လၢဝ့ၢ်ကၤသးအပူၤန့ၣ်လဲၤခီဂာ်စ့ၢ်ကီးတၢ်,

လံာ်စီၤၡမူၤအ့လးခံဘ့ၣ်တဘ့ၣ် 15:18 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:17

တုၤစီၤပၤဒီးကယဲၢ်အပှၤခဲလၢာ်ဟးထီၣ်လၢဝ့ၢ်ပူၤန့ၣ်အဝဲသ့ၣ် အိၣ်ကတီၢ်ဝဲဖဲဟံၣ်လၢခံကတၢၢ်တဖျၢၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:2

အန့ၣ်ဝံၤဒီး, အဝဲဆှၢလီၤအဝဲသ့ၣ်သၢကရူၢ်အိၣ်ဒီးစီၤယိၤအာ်, စီၤယိၤအာ်အဒီပုၢ်ဝဲၢ်စီၤအဘံၡဲၤဒီးပှၤကၤသးဖိစီၤအံတဲၤ, တဂၤစုာ်စုာ်ဒ်သုးခိၣ်ဖးဒိၣ်တဖၣ်လၢကရူၢ်တဖုဘၣ်တဖုအဖီခိၣ် လီၤ. ဒီးစီၤပၤစံးဘၣ်အပှၤတဖၣ်, “ယကလဲၤဃုာ်ဒီးသုလၢယနီၢ်ကစၢ်ဒၣ်ယဲလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 20:23

စီၤယိၤအာ်မ့ၢ်ကီၢ်အံၣ်စရ့လးအသုးမုၢ်အသုးခိၣ်ကျၢၢ်န့ၣ်လီၤ. စီၤယဟိယဒါအဖိခွါစီၤဘနါယၤမ့ၢ်ပှၤအခိၣ်လၢအကွၢ်ထွဲ ပှၤခိးစီၤဒၤဝံးအသးသမူတဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 20:7

လၢတၢ်န့ၣ်အဃိ, စီၤယိၤအာ်ဒီးအပှၤတဖၣ်, စီၤပၤအပှၤခိးအသးသမူတဖၣ်ဒီးကယဲၢ်ပှၤသုးဖိအဂၤခဲလၢာ်ဟး ထီၣ်ဝဲလၢဝ့ၢ်ယရူၤၡလ့ၣ်ဃုာ်ဒီးစီၤအဘံၡဲၤဒ်သိးကလူၤစီၤ ၡဘၤအဂီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:10

လၢတၢ်န့ၣ်အဃိ, အဝဲပာ်လီၤတ့ၢ်အသးလၢတက့ၤစိာ်လၢၤယွၤအတၢ် အၢၣ်လီၤအီလီၤအတလါစီဆှံန့ၣ်ဒီးအီၤဆူဝ့ၢ်ယရူၤရှလ့ၣ်ဘၣ်န့ၣ်လီၤ. အခိၣ်တလိာ်အဝဲဃၣ်ကွံာ်အသးလၢကျဲဒီးလဲၤစိာ်အီၤဆူ ပှၤအိၣ်ဆိးဖဲဝ့ၢ်ကးအပူၤစီၤဧိၤဘ့းအ့ဒိၣ်အဟံၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:18

စီၤယဟိယဒါအဖိခွါစီၤဘနါယၤမ့ၢ်ပှၤအခိၣ်လၢပှၤပၢၤစီၤဒၤ ဝံးအသးသမူတဖၣ်အဂီၢ်န့ၣ်လီၤ. စီၤဒၤဝံးအဖိခွါတဖၣ်မၤန့ၢ်လီၢ်ဒိၣ်လၤထီလၢပဒိၣ်ပပှၢ်တဖၣ် အကျါန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:38

လၢတၢ်န့ၣ်အဃိစီၤစၤဒိး, စီၤနၤသၣ်, စီၤဘနါယၤဒီးစီၤပၤ အခ့အပှၤတဖၣ်ဒုးဒိးထီၣ်စီၤၡလိၤမိၤလၢစီၤပၤဒၤဝံးအကသ့ၣ် လၤဒီးလဲၤယုၤဒီးကဟုကယာ်အီၤတုၤလီၤဆူကံဃိၣ်အထံမူ ထီၣ်ပၢၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:17

စီၤယဟိယဒါအဖိခွါစီၤဘနါယၤမ့ၢ်ပှၤအခိၣ်တဂၤလၢအခိးစီၤ ဒၤဝံးအသးသမူဒီးစီၤပၤဒၤဝံးအဖိခွါတဖၣ်ဒိးန့ၢ်တ့ၢ်လီၢ် ဒိၣ်လၤထီတဖၣ်လၢအဝဲအတၢ်မၤအပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:13

မၤသးဒ်န့ၣ်ဒီး, စီၤဒၤဝံးဒီးအပှၤခဲလၢာ်အဂၤဃုကယၤဃၣ်ဃၣ်န့ၣ် ဟးထီၣ်လၢဝ့ၢ်ကံလၤအပူၤ တဘျီဃီဒီးလဲၤဆူညါကွ့ၢ်ကွ့ၢ်လီၤ. ဖဲစီၤစီလူးနၢ်ဟူလၢစီၤဒၤဝံးဃ့ၢ်ပူၤဖျဲးကွံာ်လၢဝ့ၢ်ကံလၤ ဒီးအဝဲပာ်တီၢ်ကွံာ်အတၢ်ကူၣ်တၢ်ကျဲၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:13

စီၤဒၤဝံးဟ့ၣ်လီၤအကလုၢ်စံးဝဲ, “ကံာ်ထီၣ်သုနးတဖၣ်တ က့ၢ်.” ဒီးအဝဲသ့ၣ်မၤဝဲလီၤ. စီၤဒၤဝံးစ့ၢ်ကီးကံာ်ထီၣ်အနးဒီး ဟးထီၣ်ဃုာ်ဒီးအပှၤအဂၤလွံၢ်ကယၤဃၣ်ဃၣ်ဒီးပာ်တ့ၢ်ဝဲပှၤအဂၤ ခံကယၤလၢလီၢ်ခံဒ်သိးကဆှၢထီၣ်တၢ်အီၣ်တၢ်အီ တၢ်ဖိတၢ်လံၤ တဖၣ်အဂီၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 27:3

စီၤဒၤဝံးဒီးအပှၤအဂၤဃုကယၤသူၣ်လီၤဆီလီၤအသးဖဲန့ၣ်လၢ ဝ့ၢ်ကၤသးဃုာ်ဒီးအဒူၣ်ဖိထၢဖိတဖၣ်လီၤ. စီၤဒၤဝံးအိၣ်ဃုာ်ဒီးအမါခံဂၤလၢအမ့ၢ်, ပှၤယံးစရ့လးမုၣ်နီၢ်အဃံနိၣ်, ဒီးပှၤကၤမ့လးမုၣ်နီၢ်အဘံၤကါယံးလးလၢအမ့ၢ်တ့ၢ်စီၤနၤဘလးအမါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 27:4

ဖဲစီၤစီလူးနၢ်ဟူလၢစီၤဒၤဝံးဃ့ၢ်ဆူဝ့ၢ်ကၤသးဒီးအဝဲ ဆိကတီၢ်ကွံာ်အတၢ်ဃုစီၤဒၤဝံးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:1

ခံသီပူၤကွံာ်အလီၢ်ခံစီၤဒၤဝံးဒီးအပှၤတဖၣ် က့ၤတုၤကဒါက့ၤဆူဝ့ၢ်စံကလးလီၤ. ပှၤဧမၤလ့းဖိတဖၣ်ဟဲဂုာ်ဆူၣ်ပျိဆူၣ်ကီၢ်ယူဒၤ ကလံၤထံးဒီးဒုးဝ့ၢ်စံကလးလီၤ. အဝဲသ့ၣ်ဆူးကဲၤထီၣ်ကွံာ်ဝ့ၢ်န့ၣ်လၢမ့ၣ်အူ,

လံာ်စီၤၡမူၤအ့လးအခီၣ်ထံးတဘ့ၣ် 30:14

ပလဲၤဂုာ်ဆူၣ်ပှၤကရံးသးဖိအလီၢ်ကဝီၤလၢကီၢ်ယူဒၤအကလံၤထံး ဒီးစီၤကၤလ့းအဒူၣ်ထၢတဖၣ်အလီၢ်ကဝီၤဒီးပဆူးကဲၤထီၣ်ကွံာ် ဝ့ၢ်စံကလးလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 30:9

မၤသးဒ်န့ၣ်ဒီး, စီၤဒၤဝံးဒီးအပှၤဃုကယၤဂၤဟးထီၣ်လဲၤတၢ် ဒီးဖဲအဝဲသ့ၣ်တုၤဃီၤထံကျိဖိအကၢၢ်နံၤန့ၣ် ပှၤတနီၤအိၣ်တ့ၢ်ဖဲန့ၣ်လီၤ.