လံာ်စီၤၡမူၤအ့လးခံဘ့ၣ်တဘ့ၣ် 15:16 - Sgaw Karen Common Bible

¹⁶ လၢတၢ်န့ၣ်အဃိစီၤပၤဟးထီၣ်ကွံာ်ဝဲဃုာ်ဒီးအဟံၣ်ဖိဃီဖိခဲ လၢာ်ဒီးအပဒိၣ်ပပှၢ်တဖၣ်, အိၣ်တ့ၢ်ထဲအသံၣ်မါအဂၤတဆံ, လၢအဝဲပာ်လီၤတဲာ်တ့ၢ်ဝဲဒ်သိးကအံးထွဲကွၢ်ထွဲစီၤပၤအနူၢ်အစီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 15:16 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:11

ယဆိၣ်တၢ်ဒီးနၤလၢယကဒုးအိၣ်ထီၣ်ပှၤတဂၤဂၤလၢနဟံၣ်ဖိဃီဖိအကျါ လၢကဟဲစိာ်တၢ်ကီတၢ်ခဲလၢနလိၤန့ၣ်လီၤ. နကထံၣ်ဘၣ်တၢ်န့ၣ်ဖဲယဟံးန့ၢ်ကွံာ်နမါတဖၣ်လၢနအိၣ် ဒီးဟ့ၣ်လီၤကွံာ်အဝဲသ့ၣ်ဆူပှၤအဂၤတဂၤအအိၣ်အခါ, ဒီးအဝဲကမံဃုာ်ဂဲၤဃုာ်ဒီးပိာ်မုၣ်တဖၣ်န့ၣ်လၢကမျၢၢ်အမဲာ်ညါ ဖဲမုၢ်ဆါအကတီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 12:2

ပှၤထူးပှၤတီၤတဂၤန့ၣ်အိၣ်ဒီးဂီၤဘုၣ်ဂီၤဖံးအါအါကလဲာ်ဒီး သိတဖၣ်,

လံာ်စီၤၡမူၤအ့လးခံဘ့ၣ်တဘ့ၣ် 15:15

အဝဲသ့ၣ်စံးဆၢဝဲဒၣ်, “မ့ၢ်လီၤ. နဲဒၣ်, တၢ်ဒိၣ်ကစၢ်စီၤပၤဧၢ, ပအိၣ်ကတဲာ်ကတီၤပသးလၢပကမၤကယဲၢ်တၢ်လၢ နစံးနဲန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 15:17

တုၤစီၤပၤဒီးကယဲၢ်အပှၤခဲလၢာ်ဟးထီၣ်လၢဝ့ၢ်ပူၤန့ၣ်အဝဲသ့ၣ် အိၣ်ကတီၢ်ဝဲဖဲဟံၣ်လၢခံကတၢၢ်တဖျၢၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:10

ပဖှူတ့ၢ်စီၤအးဘၡါလိၣ်ဒ်ပစီၤပၤတဂၤအသိး, ဘၣ်ဆၣ်ဒီးအဝဲဘၣ်တၢ်မၤသံကွံာ်အီၤလၢတၢ်ဒုးတၢ်ယၤအပူၤလံ. လၢတၢ်န့ၣ်အဃိဘၣ်မနုၤလၢပှၤတဂၤဂၤတကျဲးစၢးလဲၤကိးကဒါက့ၤ စီၤပၤဒၤဝံးန့ၣ်လဲၣ်.”

လံာ်စီၤၡမူၤအ့လးခံဘ့ၣ်တဘ့ၣ် 20:3

ဖဲစီၤဒၤဝံးက့ၤတုၤဝဲဆူအနူၢ်အစီၤလၢဝ့ၢ်ယရူၤၡလ့ၣ်အပူၤန့ၣ်, အဝဲကိးဃီၤအသံၣ်မါအဂၤတဆံလၢအပာ်တ့ၢ်ဝဲလၢကကွၢ်ထွဲအနူၢ်အစီၤန့ၣ်, ဒီးပာ်အီၤလၢတၢ်ပၢၤဃာ်အပူၤန့ၣ်လီၤ. အဝဲဟ့ၣ်လီၤတၢ်လၢအဝဲ သ့ၣ်လိၣ်ဘၣ်ဝဲတဖၣ်, ဘၣ်ဆၣ်ဒီးတမံဃုာ်ဘၣ်ဒီးအဝဲသ့ၣ်ဘၣ်. လၢအဝဲသ့ၣ်အတၢ်အိၣ်မူအိၣ်လီၤတဲာ်အပူၤန့ၣ်, အဝဲသ့ၣ်ဘၣ်တၢ်ပာ်အီၤဒ်အအိၣ်လၢတၢ်စၢဃာ်အပူၤအသိးဒီးအိၣ် ဆိးဝဲဒ်မုၣ်ကမဲတဖၣ်အသိးန့ၣ်လီၤ.

စံးထီၣ်ပတြၢၤ 3:1

ယွၤဧၢ, ယအိၣ်ဒီးယဒုၣ်ယဒါအါမး, ဒီးပှၤဂဲၤဆၢထၢၣ်ထီဒါယၤအိၣ်အါဂၤလီၤ.

ရိမ့ၤ 12:2

တဘၣ်အိၣ်မူထိၣ်သုသးလၢပှၤဟီၣ်ခိၣ်ဖိတဖၣ်အတၢ်အိၣ်မူ အတီၤတဂ့ၤ. မ့မ့ၢ်တခီ ပျဲယွၤလဲလိာ်သုလၢသုသူၣ်ကံၢ်သးလဲ ခီဖျိတၢ်လဲလိာ်ကွံာ်သုတၢ်ဆိကမိၣ်လၢာ်လၢာ်ဆ့ဆ့တက့ၢ်. အန့ၣ်ဒီး, သုကသ့ၣ်ညါကစၢ်ယွၤအတၢ်ဘၣ်အသး - တၢ်လၢ အဂ့ၤ, ဒီးတၢ်လၢအဒုးသးမုာ်သးခုအီၤ, ဒီးတၢ်လၢတၢ် ပှဲၤမ့ၢ်တၢ်ဒ်လဲၣ်ဒ်လဲၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 4:10

လၢတၢ်န့ၣ်အဃိစီၤဘါရးကိးန့ၢ်ပှၤစဘူလိၣ်အဒူၣ်, ဒီးပှၤနးသၤလံအဒူၣ်တဖၣ်ဆူက့ဒ့ၣ် ဒီးပှၤပိာ်ခွါအဂၤတကလးပိာ်ထီၣ်အခံလီၤ. ဒီးနီၢ်ဒဘိရၤလဲၤဃုာ်ဒီးအီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:27

တၢ်ဒိၣ်ဧၢ, ဝံသးစူၤတူၢ်လိာ်တၢ်ဟ့ၣ်ကနၢၤလၢယဟဲစိာ်ဆူန အိၣ်, ဒီးဟ့ၣ်လီၤနပှၤတဖၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 25:42

ပိာ်မုၣ်န့ၣ်ဂဲၤဆၢထၢၣ်ချ့ချ့ဒီးကတဲာ်ကတီၤအကသ့ၣ်ယီၤန့ၣ် လီၤ. အဝဲပိာ်ထီၣ်စီၤဒၤဝံးအခ့အပှၤတဖၣ်အခံဃုာ်ဒီးအကုၢ်ပိာ်မုၣ် ယဲၢ်ဂၤဒီးအဝဲကဲထီၣ်စီၤဒၤဝံးအမါန့ၣ်လီၤ.