လံာ်စီၤၡမူၤအ့လးခံဘ့ၣ်တဘ့ၣ် 15:15 - Sgaw Karen Common Bible

¹⁵ အဝဲသ့ၣ်စံးဆၢဝဲဒၣ်, “မ့ၢ်လီၤ. နဲဒၣ်, တၢ်ဒိၣ်ကစၢ်စီၤပၤဧၢ, ပအိၣ်ကတဲာ်ကတီၤပသးလၢပကမၤကယဲၢ်တၢ်လၢ နစံးနဲန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 15:15 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:14

လၢတၢ်န့ၣ်အဃိ, စီၤဒၤဝံးစံးဘၣ်ကယဲၢ်အပဒိၣ်ပပှၢ်ခဲလၢာ်လၢ အအိၣ်ဒီးအီၤလၢဝ့ၢ်ယရူၤၡလ့ၣ်အပူၤန့ၣ်, “ပမ့ၢ်အဲၣ်ဒိးပူၤဖျဲးကွံာ်လၢစီၤအးဘၡါလိၣ်န့ၣ် ပကဘၣ်ဟးထီၣ်ကွံာ်တဘျီဃီန့ၣ်လီၤ. မၤချ့ချ့တက့ၢ်. မ့တမ့ၢ်ဘၣ်န့ၣ်တယံာ်ဘၣ်ဒီးအဝဲကဟဲတုၤဖဲအံၤ, ဒီးမၤနၢၤကွံာ်ပှၤဒီးမၤသံကွံာ်ကယဲၢ်ပှၤအိၣ်လၢဝ့ၢ်ပူၤခဲလၢာ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 15:16

လၢတၢ်န့ၣ်အဃိစီၤပၤဟးထီၣ်ကွံာ်ဝဲဃုာ်ဒီးအဟံၣ်ဖိဃီဖိခဲ လၢာ်ဒီးအပဒိၣ်ပပှၢ်တဖၣ်, အိၣ်တ့ၢ်ထဲအသံၣ်မါအဂၤတဆံ, လၢအဝဲပာ်လီၤတဲာ်တ့ၢ်ဝဲဒ်သိးကအံးထွဲကွၢ်ထွဲစီၤပၤအနူၢ်အစီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 9:11

စီၤစံဘၤစံးဆၢဝဲဒၣ်, “ယကမၤတၢ်ကိးမံၤဒဲးဒ်နဲဒၣ်ကစၢ်စီၤပၤဖးဒိၣ်ဟ့ၣ်လီၤအကလုၢ်အသိးန့ၣ်လီၤ.” လၢတၢ်န့ၣ်အဃိ, စီၤမဖံဘိၤၡ့းအီၣ်တၢ်လၢစီၤပၤအတၢ်အီၣ်စီၢ်နီၤခိၣ်, ဒ်စီၤပၤအဖိခွါတဖၣ်အကျါတဂၤအသိးန့ၣ်လီၤ.

တၢ်ကတိၤဒိ. 18:24

တၢ်ရ့တံၤရ့သကိးတနီၤနီၤန့ၣ်တဂၢၢ်တကျၢၤဘၣ်. ဘၣ်ဆၣ်ဒီးတံၤသကိးတနီၤနီၤမ့ၢ်ပှၤသးတီအါန့ၢ်ဒီပုၢ်ဝဲၢ် တဖၣ်တက့ၢ်လီၤ.

လံာ်ယိၤဟၣ် 15:14

ဒီးသုမ့ၢ်မၤတၢ်လၢယမၤလိာ်သုဒီး, သုမ့ၢ်ယတံၤယသကိး တဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:7

ပှၤသးစၢ်ပိာ်ခွါန့ၣ်စံးဆၢအီၤ, “ကွၢ်ဖဲနကမၤတမံၤလၢ်လၢ်န့ၣ်, ယအိၣ်ဒီးနၤလီၤ.”