လံာ်စီၤၡမူၤအ့လးခံဘ့ၣ်တဘ့ၣ် 15:10 - Sgaw Karen Common Bible

¹⁰ ဘၣ်ဆၣ်ဒီးအဝဲဆှၢလီၤပှၤစိာ်တၢ်ကစီၣ်တဖၣ် ဆူကယဲၢ်ကီၢ်အံၣ်စရ့လးအဒူၣ်ခဲလၢာ်အအိၣ်ဒ်သိးအကစံးဘၣ်အဝဲသ့ၣ်လၢ, ဖဲသုနၢ်ဟူဘၣ်ကွဲၤတဖၣ်အတၢ်သီၣ်ထီၣ်န့ၣ်, ကိးပသူထီၣ်ဒီးစံး, “စီၤအးဘၡါလိၣ်ကဲထီၣ်လံဝ့ၢ်ဃ့ဘြိၣ်အစီၤပၤလံ, န့ၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 15:10 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 13:28

ဒီးမၤလိာ်ပိာ်လီၤအခ့အပှၤတဖၣ်ဒ်အံၤ, ဖဲစီၤအၤမနိၣ် မုာ်လၤလၢတၢ်အီစပံးထံအါမးအခါန့ၣ်, ပာ်သူၣ်ပာ်သး, ဒီးတုၤယဟ့ၣ်လီၤယကလုၢ်န့ၣ်, မၤသံကွံာ်အီၤတက့ၢ်. ပျံၤတၢ်တဂ့ၤ. ယကဟံးန့ၢ်မူဒါလၢယနီၢ်ကစၢ်ဒၣ်ယဲလီၤ. အိၣ်ဒီးတၢ်သးဒူဒီးမၤသုသးယၢ်တံၢ်ယၢ်တၢၤတဂ့ၤ.

လံာ်စီၤၡမူၤအ့လးခံဘ့ၣ်တဘ့ၣ် 14:30

လၢတၢ်န့ၣ်အဃိစီၤအးဘၡါလိၣ်စံးဘၣ်အခ့အပှၤတဖၣ်ဒ်အံၤ, “ကွၢ်, စီၤယိၤအာ်အစံာ်ပျီန့ၣ်အိၣ်ဖဲယစံာ်ပျီအကပၤ, ဒီးဘုမုယီၤဘၣ်တၢ်သူၣ်အီၤလၢအပူၤန့ၣ်လီၤ. လဲၤဒီးဆူးကဲၤထီၣ်ကွံာ်အီၤလၢမ့ၣ်အူတက့ၢ်.” မၤသးဒ်န့ၣ်ဒီး, အဝဲသ့ၣ်လဲၤဒီးဆူးကဲၤထီၣ်စံာ်ပျီလၢမ့ၣ်အူန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 15:9

စီၤပၤစံးဝဲဒၣ်, “လဲၤမုာ်မုာ်တက့ၢ်.” မၤသးဒ်န့ၣ်ဒီး, စီၤအးဘၡါလိၣ်လဲၤဆူဝ့ၢ်ဃ့ဘြိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:10

ပဖှူတ့ၢ်စီၤအးဘၡါလိၣ်ဒ်ပစီၤပၤတဂၤအသိး, ဘၣ်ဆၣ်ဒီးအဝဲဘၣ်တၢ်မၤသံကွံာ်အီၤလၢတၢ်ဒုးတၢ်ယၤအပူၤလံ. လၢတၢ်န့ၣ်အဃိဘၣ်မနုၤလၢပှၤတဂၤဂၤတကျဲးစၢးလဲၤကိးကဒါက့ၤ စီၤပၤဒၤဝံးန့ၣ်လဲၣ်.”

လံာ်စီၤၡမူၤအ့လးခံဘ့ၣ်တဘ့ၣ် 2:1

တၢ်အံၤဝံၤအလီၢ်ခံ, စီၤဒၤဝံးသံကွၢ်ယွၤ, “ယဘၣ်လဲၤမၤန့ၢ်ဒီးပၢၤဃာ်ကီၢ်ယူဒၤအဝ့ၢ်တဖျၢၣ်ဖျၢၣ်ဧါ.” ယွၤစံးဆၢဝဲဒၣ်, “မ့ၢ်လီၤ.” စီၤဒၤဝံးသံကွၢ်ဝဲ, “ဝ့ၢ်လၢလဲၣ်တဝ့ၢ်လဲၣ်.” ယွၤစံးဝဲဒၣ်, “ဝ့ၢ်ဃ့ဘြိၣ်” လီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:11

ဒီးအဝဲပၢတၢ်လၢဝ့ၢ်ဃ့ဘြိၣ်လၢကီၢ်ယူဒၤအပူၤနွံနံၣ်ဒီး ဃုလါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:5

အဝဲမၤတၢ်လၢဝ့ၢ်ဃ့ဘြိၣ်အပူၤလၢကီၢ်ယူဒၤအဖီခိၣ်နွံနံၣ် တခီဒီးလၢဝ့ၢ်ယရူၤၡအပူၤလၢကီၢ်အံၣ်စရ့လးဒီးကီၢ်ယူဒၤခဲ လၢာ်အဖီခိၣ်, သၢဆံသၢနံၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 1:11

တုၤနုၤတစု, စီၤနၤသၣ်လဲၤဃီၤဆူစီၤၡလိၤမိၤအမိၢ်နီၢ်ဘၤ သၡ့ဘၤအအိၣ်, ဒီးသံကွၢ်အီၤ, “မ့ၢ်နတနၢ်ဟူဘၣ်လၢနီၢ်ဃးကံၤအဖိခွါစီၤ အဒိနံၤယၤပာ်ထီၣ်လံအသးဒၣ်ဝဲလၢစီၤပၤအလီၢ်န့ၣ်ဘၣ်ဧါ. ဒီးစီၤပၤဒၤဝံးတသ့ၣ်ညါတၢ်မၤအသးအံၤနီတမံၤဘၣ်.

လံာ်စီၤပၤအခီၣ်ထံးတဘ့ၣ် 1:34

ဒီးဖဲန့ၣ်, စီၤစၤဒိး, ဒီးစီၤနၤသၣ်ကဘၣ်ဖှူအီၤဒ်ကီၢ်အံၣ် စရ့လးအစီၤပၤအသိးန့ၣ်လီၤ. အန့ၣ်ဝံၤဒီး, အူထီၣ်ကွဲၤဒီးကိးပသူထီၣ်, မ်စီၤပၤၡလိၤမိၤမူဝဲအါနံၣ်အါလါန့ၣ်တက့ၢ်.

လံာ်စီၤပၤခံဘ့ၣ်တဘ့ၣ် 9:13

တဘျီဃီန့ၣ်, စီၤယ့ၤဟူအသုးခိၣ်ကဒဲကဒဲတဖၣ်, ဒါလီၤအဆ့ကၤဖးဒိၣ်တဖၣ်လၢဃီသွါတဖၣ်အဖီခိၣ်လၢစီၤယ့ၤဟူ ကဆၢထၢၣ်ဝဲအဂီၢ်, အူထီၣ်ကွဲၤတဖၣ်ဒီးကိးထီၣ်ဝဲ, “စီၤယ့ၤဟူမ့ၢ်စီၤပၤလီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 11:3

လၢတၢ်န့ၣ်အဃိ, အံၣ်စရ့လးအပှၤခိၣ်ပှၤနၢ်ခဲလၢာ်, ဟဲဆူစီၤပၤဒၤဝံးအအိၣ်ဖဲဃ့ဘြိၣ်န့ၣ်လီၤ. အဝဲမၤတၢ်အၢၣ်လီၤစီဆှံဒီးအဝဲသ့ၣ်, ဒီးအဝဲသ့ၣ်ဖှူအီၤလၢ စီၤပၤဒီးအဝဲကဲထီၣ်အံၣ်စရ့လးအစီၤပၤဒ်ယွၤအၢၣ်လီၤတ့ၢ် တၢ်, ခီဖျိစီၤၡမူၤအ့လးအသိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 12:23

ဖဲစီၤဒၤဝံးအိၣ်ဝဲဖဲဝ့ၢ်ဃ့ဘြိၣ်န့ၣ်, ပှၤသုးဖိလၢအသ့ အဘၣ်အါဂၤဟဲပာ်ဖှိၣ်အသးဒီးအဝဲအသုးမုၢ်လၢကမၤစၢၤတၢ်လၢအ ဝဲကကဲထီၣ်စီၤပၤလၢစီၤပၤစီၤစီလူးအလီၢ်အဂီၢ်ဒ်ယွၤအၢၣ်လီၤ တ့ၢ်ဝဲအသိးန့ၣ်လီၤ. အဝဲသ့ၣ်အတၢ်ဂံၢ်တဖၣ်မ့ၢ်ဒ်လၢလာ်အံၤအသိးလီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 12:38

ကယဲၢ်ပှၤသုးဖိခဲလၢာ်လၢအကတဲာ်ကတီၤအသးလၢတၢ်ဒုးအဂီၢ်အံၤ လဲၤဝဲဆူဝ့ၢ်ဃ့ဘြိၣ်ဒီးပာ်လီၤအသးလၢကဒုးကဲထီၣ်စီၤဒၤ ဝံးလၢစီၤပၤလၢအံၣ်စရ့လးခဲလၢာ်အဖီခိၣ်န့ၣ်လီၤ. အံၣ်စရ့လးအပှၤဂီၢ်မုၢ်လၢအအိၣ်လီၤတဲာ်ခဲလၢာ်ပာ်စ့ၢ်ကီးအသး တဖျၢၣ်ဃီလၢတၢ်ဂ့ၢ်တမံၤအံၤအဖီခိၣ်န့ၣ်လီၤ.