လံာ်စီၤၡမူၤအ့လးခံဘ့ၣ်တဘ့ၣ် 14:7 - Sgaw Karen Common Bible

⁷ ဒီးခဲကနံၣ်အံၤတၢ်ဒိၣ်ဧၢ, ယဘူးယတံၢ်ခဲလၢာ်ဃၣ်ကွံာ်အသးထီဒါယၤ ဒီးဃ့ဆူၣ်ဝဲလၢယကဘၣ်ဟ့ၣ်လီၤယဖိခွါဆူအဝဲသ့ၣ်အအိၣ် ဒ်သိးအဝဲသ့ၣ်မၤသံကွံာ်အီၤကသ့, လၢအဝဲမၤသံတ့ၢ်အဒီပုၢ်ဝဲၢ်ခွါအဃိန့ၣ်လီၤ. အဝဲသ့ၣ်မ့ၢ်မၤတၢ်အံၤဒီးယကအိၣ်လီၤတဲာ်တအိၣ်ဒီးဖိခွါနီတဂၤဘၣ်လီၤ. အဝဲသ့ၣ်ကမၤဟးဂီၤယတၢ်မုၢ်လၢ်လၢခံကတၢၢ်ဒီးဖိခွါတဂၤလၢ ကစိာ်မူထွဲဒ်ယဝၤအမံၤန့ၣ်တအိၣ်လၢၤဘၣ်.”

လံာ်စီၤၡမူၤအ့လးခံဘ့ၣ်တဘ့ၣ် 14:7 Iomraidhean Croise

လံာ်တၢ်ကဲထီၣ်အခီၣ်ထံး 27:45

ဒီးကသးပ့ၤနီၣ်တၢ်လၢနမၤတ့ၢ်အီၤန့ၣ်လီၤ. ဒီးယကဆှၢလီၤပှၤတဂၤလၢကလဲၤက့ၤကိးနၤလီၤ. ဘၣ်မနုၤလၢယဖိခွါခံဂၤလိာ်ကလီၤမၢ်န့ၢ်ယၤလၢတနံၤဃီ အတီၢ်ပူၤန့ၣ်လဲၣ်.”

လံာ်တၢ်ကဲထီၣ်အခီၣ်ထံး 4:14

နဟီထီၣ်ကွံာ်ယၤလၢတၢ်လီၢ်အံၤဒီးဟီယံၤကွံာ်ယၤလၢနမဲာ်ညါ န့ၣ်လီၤ. ယကမ့ၢ်ပှၤဟးဝ့ၤဝီၤတဂၤလၢအဟံၣ်တအိၣ်လၢဟီၣ်ခိၣ်ချၢဒီးကယဲၢ် ပှၤတဂၤလၢ်လၢ်လၢအထံၣ်ယၤကမၤသံယၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 12:17

အဝဲအကွီၢ်ဘျီၣ်အပဒိၣ်ပပှၢ်တဖၣ်လဲၤဆူအအိၣ် ဒီးကျဲးစၢးဒုးဂဲၤထၢၣ်အီၤ ဘၣ်ဆၣ်ဒီးအဝဲဂ့ၢ်လိာ်ဝဲဒီးတအီၣ်ဃုာ်တၢ်နီတမံၤဒီးအဝဲသ့ၣ်ဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 14:6

တၢ်ဒိၣ်ဧၢ, ယအိၣ်ဒီးဖိခွါခံဂၤ, ဒီးဘၣ်တနံၤန့ၣ်အဝဲသ့ၣ် အ့ၣ်လိာ်အသးလၢပျီတဖၣ်အပူၤ, ဖဲပှၤတအိၣ်နီတဂၤလၢကထုးဖှၣ်အဝဲသ့ၣ်ဘၣ်, ဒီးလၢအကျါတဂၤန့ၣ်မၤသံကွံာ်အဂၤတဂၤလီၤ.

လံာ်စီၤၡမူၤအ့လးခံဘ့ၣ်တဘ့ၣ် 14:8

စီၤပၤစံးဝဲဒၣ်, “က့ၤက့ၤဆူနဟံၣ်တက့ၢ်. ယကကွၢ်သုးကျဲၤတၢ်ဂ့ၢ်အံၤန့ၣ်လီၤ.”

လံာ်တၢ်ဂံၢ် 35:19

ပှၤသံတဂၤအဘူးအတံၢ်အဘူးကတၢၢ်အမူအဒါအိၣ်လၢကမၤသံကွံာ်ပှၤ လၢအမၤသံတၢ်တဂၤန့ၣ်လီၤ. ဖဲအဝဲထံၣ်ပှၤတဂၤန့ၣ်ဒီးအဝဲကဘၣ်မၤသံကွံာ်အီၤန့ၣ်လီၤ.

လံာ်မးသဲ 21:38

ဘၣ်ဆၣ်ဒီး, တုၤပှၤဒိးလဲစပံးလီၢ်တဖၣ်ထံၣ်အဖိခွါန့ၣ်, အဝဲသ့ၣ် စံးလိာ်အသး, ‘အအံၤမ့ၢ်စပံးလီၢ်အကစၢ်အဖိခွါလၢအကန့ၢ်သါတၢ် တဂၤလီၤ. ဟဲ, မ်ပကမၤသံကွံာ်အီၤ, ဒီးပကန့ၢ်ဘၣ်အတၢ်န့ၢ်သါလီၤ.’

လံာ်သိၣ်လီၤသီလီၤတၢ် 25:6

ဖိခွါဝဲၢ်ကိလၢအဝဲသ့ၣ်ဒိးန့ၢ်ဝဲန့ၣ်ကဘၣ်တၢ်ပာ်အီၤဒ်အမ့ၢ် ပှၤသံတဂၤအဖိခွါအသိး, ဒ်သိးအဝဲအဒူၣ်ဖိထၢဖိအစၢၤအသွဲၣ်ကအိၣ်ထွဲဒံးလၢအံၣ်စရ့လးအပူၤန့ၣ်လီၤ.