လံာ်စီၤၡမူၤအ့လးခံဘ့ၣ်တဘ့ၣ် 14:3 - Sgaw Karen Common Bible

³ အန့ၣ်ဝံၤဒီး, လဲၤဆူစီၤပၤအအိၣ်ဒီးစံးဘၣ်အီၤ, တၢ်လၢယမၤလိာ်နၤလၢနကဘၣ်တဲအီၤန့ၣ်တက့ၢ်.” အန့ၣ်ဝံၤဒီး, စီၤယိၤအာ်တဲဘၣ်အီၤတၢ်လၢအဝဲကစံးတဲဝဲန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 14:3 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:19

စီၤပၤသံကွၢ်အီၤ, “မ့ၢ်စီၤယိၤအာ်မၢနမၤတၢ်အံၤန့ၣ်ဧါ.” ပိာ်မုၣ်န့ၣ်စံးဆၢအီၤ, “နဲဒၣ်, တၢ်ဒိၣ်ကစၢ်စီၤပၤဧၢ, ယဆိၣ်တၢ်လၢတၢ်စီဆှံခဲလၢာ်အပူၤလၢ, ကျဲတအိၣ်ဘၣ်နီတဘိလၢ ယကပဒ့ၣ်ဟးဆှဲးစံးဆၢနတၢ်သံကွၢ်ဘၣ်န့ၣ်လီၤ. သပှၢ်ကတၢၢ်နသုးခိၣ်စီၤယိၤအာ်, မ့ၢ်ပှၤလၢအတဲဘၣ်ယၤလၢယကဘၣ်မၤ တၢ်မနုၤဒီးယကဘၣ်စံးတၢ်မနုၤလဲၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 14:4

ပိာ်မုၣ်န့ၣ်လဲၤဆူစီၤပၤအအိၣ်, ထိၣ်လီၤပှီၤအသး, ဆုးလီၤအခိၣ်ဆူဟီၣ်ခိၣ်လိၤလၢတၢ်ယူးယီၣ်အပူၤဒီးစံးဝဲဒၣ်, “နဲဒၣ်, တၢ်ဒိၣ်ကစၢ်စီၤပၤဧၢ, မၤစၢၤယၤတက့ၢ်.”

လံာ်စီၤဧ့စြၤ 8:17

ယမၢလီၤအဝဲသ့ၣ်လဲၤဆူပှၤလၢအအိၣ်ဆိးဖဲကၤစဖၤယၤတဖၣ်အ ခိၣ်, စီၤဧံးဒိၤအအိၣ်, လၢကလဲၤဃ့အီၤဒီးပှၤမၤသဃဲၤတၢ်ဒီးအီၤ လၢတၢ်လုၢ်ဟံၣ်တဖၣ်ဒ်သိးကဆှၢန့ၢ်ပှၤ, ပှၤလၢကမၤကစၢ်ယွၤအတၢ်မၤလၢတၢ်လုၢ်ဟံၣ်အပူၤန့ၣ်လီၤ.

လံာ်တၢ်ဟးထီၣ်ကွံာ် 4:15

ဒီးနဘၣ်ကတိၤတၢ်ဒီးအီၤ, တဲဘၣ်အီၤတၢ်လၢကဘၣ်စံးကတိၤဝဲန့ၣ် လီၤ. ဒီးယကမၤစၢၤသုဝဲခံဂၤလၢာ်လၢသု ကဘၣ်ကတိၤတၢ်ဒ်လဲၣ်ဒီးသိၣ်လိသုလၢသုကဘၣ်မၤတၢ်မနုၤလဲၣ်န့ၣ်လီၤ.

လံာ်ယၡါယၤ 51:16

ယသလၣ်ထီၣ်မူခိၣ်မူကပိာ်လိၤ ဒီးပာ်လီၤဟီၣ်ခိၣ်အခီၣ်ထံးတဖၣ်လီၤ. ယစံးဘၣ်ဝ့ၢ်ယရူၤၡလ့ၣ်, နမ့ၢ်ယပှၤဂီၢ်မုၢ်လီၤ. ယဟ့ၣ်နၤယတၢ်သိၣ်လိတဖၣ်, ဒီးယဒီဒၣ်အိၣ်ပှိၤနၤလၢယစုဒၣ်ယဲလံ.”

လံာ်ယၡါယၤ 59:21

ဒီးယမၤတၢ်အၢၣ်လီၤအီလီၤတမံၤဒီးသု, ယဟ့ၣ်လီၤတ့ၢ်သုယတၢ်စိတၢ်ကမီၤဒီးယတၢ်သိၣ်လိသီလိ တဖၣ်လၢကမ့ၢ်သုတၢ်လီၤစိၤလီၤဃၣ်, ဒီးစးထီၣ်ခဲအံၤဒီးဆူညါန့ၣ်, သုကဘၣ်စူၢ်ယၤဒီးသိၣ်လိသီလိ သုဖိတဖၣ်ဒီးသုစၢၤသုသွဲၣ်တဖၣ်လၢကစူၢ်ယွၤ လၢဆၢကတီၢ်ကဟဲ, ကိးဆၢကိးကတီၢ်ဒဲးန့ၣ်လီၤ.”

လံာ်ယံးရမံယၤ 1:9

အန့ၣ်ဝံၤဒီး, ယွၤယူာ်ထီၣ်အစု, ထိးဘၣ်ယနိးဖံးဒီးစံးဘၣ်ယၤ, “ဒိကနၣ်တက့ၢ်. ယဟ့ၣ်လံနၤတၢ်ကတိၤတဖၣ် လၢနကဘၣ်ကတိၤအီၤလီၤ.

လံာ်တၢ်ဂံၢ် 23:5

ယွၤတဲဘၣ်စီၤဘံးလၣ်တၢ်လၢကဘၣ်တဲဝဲ, ဒီးဆှၢလီၤကဒါက့ၤ အီၤဆူစီၤဘၤလးအအိၣ်လၢကဟ့ၣ်လီၤအီၤအဝဲအတၢ်ကစီၣ်န့ၣ်လီၤ.

လံာ်သိၣ်လီၤသီလီၤတၢ် 18:18

ယကဆှၢလီၤန့ၢ်အဝဲသ့ၣ်လၢဝံဒ်သိးနၤတဂၤလၢအဝဲသ့ၣ်အပှၤဂီၢ် မုၢ်ဒၣ်ဝဲအကျါလီၤ. ယကတဲဘၣ်ဝံန့ၣ်တၢ်လၢကဘၣ်စံးဝဲ, ဒီးအဝဲကတဲဘၣ်ပှၤဂီၢ်မုၢ်တၢ်ခဲလၢာ်လၢယမၤလိာ်အီၤန့ၣ်လီၤ.