လံာ်စီၤၡမူၤအ့လးခံဘ့ၣ်တဘ့ၣ် 14:28 - Sgaw Karen Common Bible

²⁸ စီၤအးဘၡါလိၣ်အိၣ်ဝဲလၢဝ့ၢ်ယရူၤၡလ့ၣ်အပူၤခံနံၣ် ဒီးတထံၣ်လိာ်စီၤပၤနီတဘျီဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 14:28 Iomraidhean Croise

လံာ်တၢ်ကဲထီၣ်အခီၣ်ထံး 33:10

စီၤယၤကိာ်စံးဝဲ, “တမ့ၢ်ဘၣ်. နမ့ၢ်သးကညီၤကွၢ်မဲာ်ယၤဒီး ဝံသးစူၤတူၢ်လိာ်ယတၢ်ဟ့ၣ်တက့ၢ်. တၢ်ထံၣ်ဘၣ်နမဲာ်ဒ်လၢအခဲအံၤဖျါပှဲၤဒီးတၢ်သးကညီၤကွၢ်မဲာ် န့ၣ်, လၢယဂီၢ်လီၤဂာ်ဒ်တၢ်ထံၣ်ဘၣ်ကစၢ်ယွၤအမဲာ်အသိးလီၤ.

လံာ်တၢ်ကဲထီၣ်အခီၣ်ထံး 43:3

စီၤယူဒၤစံးဘၣ်အီၤ, “ပှၤတဂၤန့ၣ်ဟ့ၣ်ပလီၢ်တ့ၢ်ပှၤဆူၣ်ဆူၣ် လၢမ့တမ့ၢ်ဘၣ်လၢပဒီပုၢ်ဝဲၢ်ခွါလဲၤဃုာ်တၢ်ဒီးပှၤန့ၣ်, တမ့ၢ်ပကဘၣ်တၢ်ပျဲနုာ်ပှၤဆူအမဲာ်ညါန့ၣ်ဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 14:24

ဘၣ်ဆၣ်ဒီးစီၤပၤဟ့ၣ်လီၤအကလုၢ်လၢစီၤအးဘၡါလိၣ်တဘၣ်အိၣ်လၢနူၢ်ပူၤစီၤပူၤဘၣ်. စီၤပၤစံးဝဲဒၣ်, “ယတအဲၣ်ဒိးထံၣ်အီၤဘၣ်.” လၢတၢ်န့ၣ်အဃိစီၤအးဘၡါလိၣ်အိၣ် လၢအဟံၣ်ဒၣ်ဝဲအပူၤဒီးတပာ်ဖျါထီၣ်အသးလၢစီၤပၤအမဲာ်ညါန့ၣ်ဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 14:29

အန့ၣ်ဒီး, အဝဲမၢပှၤလဲၤကိးန့ၢ်အီၤစီၤယိၤအာ် ဒ်သိးကမၢအီၤလၢကလဲၤဆူစီၤပၤအအိၣ်လၢအဝဲအဂီၢ်န့ၣ်လီၤ. ဘၣ်ဆၣ်ဒီးစီၤယိၤအာ်တဟဲဝဲဘၣ်. မၤကဒီးတစုစီၤအးဘၡါလိၣ်မၢပှၤလဲၤကိးကဒီးအီၤ, ဘၣ်ဆၣ်ဒီးစီၤယိၤအာ်ဂ့ၢ်လိာ်ဟဲကဒီးဝဲလီၤ.

လံာ်စီၤပၤအခီၣ်ထံးတဘ့ၣ် 1:53

အန့ၣ်ဒီး, စီၤပၤၡလိၤမိၤမၢပှၤလဲၤကိးစီၤအဒိနံၤယၤဒီး မၢပှၤဟဲက့ၤစိာ်လီၤက့ၤအီၤလၢတၢ်လုၢ်လီၢ်အဖီခိၣ်န့ၣ်လီၤ. စီၤအဒိနံၤယၤလဲၤဆူစီၤပၤအအိၣ်, သကူးလီၤအသးလၢစီၤပၤ အမဲာ်ညါဒီးစီၤပၤစံးဘၣ်အီၤ, “နက့ၤဆူနဟံၣ်သ့ဝဲလီၤ.”

လံာ်စီၤပၤအခီၣ်ထံးတဘ့ၣ် 2:36

အန့ၣ်ဝံၤဒီး, စီၤပၤမၤလိာ်စီၤၡံမံၤဒီးစံးဘၣ်အီၤ, “သူၣ်ထီၣ်ဟံၣ်တဖျၢၣ်လၢနဂီၢ်ဒၣ်နဲလၢဝ့ၢ်ယရူၤၡလ့ၣ်အပူၤန့ၣ် တက့ၢ်. အိၣ်ဆိးလၢဟံၣ်န့ၣ်အပူၤဒီးဟးထီၣ်လၢဝ့ၢ်န့ၣ်တဂ့ၤ.

လံာ်မးသဲ 18:10

ပလီၢ်သုသးဒ်သိးသုသုတမၤတရီတပါဘၣ်ဖိသၣ်ဆံးဒ်အံၤတဖၣ်နီ တဂၤတဂ့ၤ. အဂ့ၢ်ဒ်အံၤ, ယစံးဘၣ်သု, အဝဲသ့ၣ်အမူခိၣ်ကလူးအိၣ်တထံၣ်ဃီလၢပၢ်အိၣ်လၢ မူခိၣ်အမဲာ်ညါလီၤ.