လံာ်စီၤၡမူၤအ့လးခံဘ့ၣ်တဘ့ၣ် 14:19 - Sgaw Karen Common Bible

¹⁹ စီၤပၤသံကွၢ်အီၤ, “မ့ၢ်စီၤယိၤအာ်မၢနမၤတၢ်အံၤန့ၣ်ဧါ.” ပိာ်မုၣ်န့ၣ်စံးဆၢအီၤ, “နဲဒၣ်, တၢ်ဒိၣ်ကစၢ်စီၤပၤဧၢ, ယဆိၣ်တၢ်လၢတၢ်စီဆှံခဲလၢာ်အပူၤလၢ, ကျဲတအိၣ်ဘၣ်နီတဘိလၢ ယကပဒ့ၣ်ဟးဆှဲးစံးဆၢနတၢ်သံကွၢ်ဘၣ်န့ၣ်လီၤ. သပှၢ်ကတၢၢ်နသုးခိၣ်စီၤယိၤအာ်, မ့ၢ်ပှၤလၢအတဲဘၣ်ယၤလၢယကဘၣ်မၤ တၢ်မနုၤဒီးယကဘၣ်စံးတၢ်မနုၤလဲၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 14:19 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 11:11

စီၤအူၤရံယၤစံးဆၢဝဲဒၣ်, “ကီၢ်အံၣ်စရ့လးဒီးကီၢ်ယူဒၤအသုးဖိတဖၣ်အိၣ်ယံၤဝဲလၢတၢ်ဒုးပျီအပူၤ, ဒီးယွၤအတၢ်အၢၣ်လီၤအီလီၤအတလါစီဆှံအိၣ်ဒီးအဝဲသ့ၣ်လီၤ. ယသုးခိၣ်ကျၢၢ်စီၤယိၤအာ်ဒီးအသုးခိၣ်သုးနၢ်တဖၣ်သူၣ်အဒဲလၢ တၢ်ပျီပူၤန့ၣ်လီၤ. ယကက့ၤဆူဟံၣ်ဒီးအီၣ်တၢ်အီတၢ်ဒီးမံဃုာ်ဒီးယမါကသ့ဒ်လဲၣ်. ယဆိၣ်လီၤယသးလၢတၢ်စီတၢ်ဆှံအပူၤလၢယမၤတၢ်ဒ်န့ၣ်တမံၤတသ့နီတစဲးဘၣ်.”

လံာ်စီၤၡမူၤအ့လးခံဘ့ၣ်တဘ့ၣ် 14:18

စီၤပၤစံးဘၣ်ပိာ်မုၣ်န့ၣ်, “ယကသံကွၢ်နၤတၢ်တမံၤ ဒီးနကဘၣ်တဲယၤတၢ်မ့ၢ်တၢ်တီလၢာ်လၢာ်ဆ့ဆ့န့ၣ်လီၤ.” ပိာ်မုၣ်န့ၣ်စံးဆၢအီၤ, “သံကွၢ်ယၤတၢ်တမံၤဂ့ၤတမံၤဂ့ၤတက့ၢ်. နဲဒၣ်, တၢ်ဒိၣ်ကစၢ်စီၤပၤဧၢ.”

လံာ်စီၤၡမူၤအ့လးခံဘ့ၣ်တဘ့ၣ် 14:3

အန့ၣ်ဝံၤဒီး, လဲၤဆူစီၤပၤအအိၣ်ဒီးစံးဘၣ်အီၤ, တၢ်လၢယမၤလိာ်နၤလၢနကဘၣ်တဲအီၤန့ၣ်တက့ၢ်.” အန့ၣ်ဝံၤဒီး, စီၤယိၤအာ်တဲဘၣ်အီၤတၢ်လၢအဝဲကစံးတဲဝဲန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:13

ဘၣ်ဆၣ်ဒီးယမ့ၢ်တစူၢ်ဘၣ်စီၤပၤအကလုၢ်ဒီးမၤသံကွံာ်စီၤအးဘၡါလိၣ်န့ၣ်, စီၤပၤကနၢ်ဟူဘၣ်တၢ်ဂ့ၢ်န့ၣ်, ဒီးတမ့ၢ်နကဒီဒၣ်အိၣ်ပှိၤယၤဘၣ်. အဂ့ၢ်ဒ်အံၤ, အဝဲညီနူၢ်နၢ်ဟူတၢ်ကိးမံၤဒဲးန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 3:27

ဖဲစီၤအဘံန့ၢ်ဟဲတုၤလၢဝ့ၢ်ဃ့ဘြိၣ်န့ၣ်စီၤယိၤအာ်ကိးအီၤ ဆူကျဲစၢၤအကပၤမၤသးဒ်အအဲၣ်ဒိးကတိၤတၢ်ဒီးအီၤထဲခံဂၤဧိၤ န့ၣ်လီၤ. ဒီးဖဲန့ၣ်အဝဲဆဲးအီၤလၢအဟၢဖၢန့ၣ်လီၤ. အဂ့ၢ်ဒ်အံၤ, အဝဲမၤသံတ့ၢ်စီၤယိၤအာ်အဒီပုၢ်ဝဲၢ်ခွါစီၤဧစၤအ့လးအဃိလီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:29

မ်တၢ်စံၣ်ညီၣ်လၢတၢ်ဂ့ၢ်န့ၣ်ကလီၤဘၣ်ဝဲလၢစီၤယိၤအာ်ဒီး အဒူၣ်ဖိထၢဖိခဲလၢာ်အလိၤတက့ၢ်. လၢအစိၤကိးစိၤဒဲးန့ၣ်မ်ပှၤပိာ်ခွါတနီၤလၢအဒူၣ်ဖိထၢဖိ အကျါကအိၣ်ဒီးဃဲအတၢ်ဆါမ့ၢ်ဂ့ၤ, ပှၤဘၣ်တၢ်ဆါအၢမ့ၢ်ဂ့ၤ, ပှၤလၢကြၢးဒၣ်လၢအမၤပှၤပိာ်မုၣ်အတၢ်မၤမ့ၢ်ဂ့ၤ, ဘၣ်သံလၢတၢ်ဒုးတၢ်ယၤအပူၤမ့ၢ်ဂ့ၤ, ပှၤလၢအီၣ်တလၢအီတလၢမ့ၢ် ဂ့ၤန့ၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 3:34

အစုတဖၣ်တဘၣ်တၢ်စၢဃာ်အီၤဘၣ်, ဒီးအခီၣ်တဖၣ်တဘၣ်တၢ်စၢတံၢ်အီၤဘၣ်, အဝဲသံလီၤဂာ်ဒ်ပှၤတဂၤလၢအဘၣ်တၢ်မၤသံ အီၤလၢပှၤအၢပှၤသီတဖၣ်အသိးန့ၣ်လီၤ.” ဒီးပှၤဂီၢ်မုၢ်ဟီၣ်တၢ်ယၢၤတၢ်ကဒီးလၢအဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 2:2

ဒီးဖဲအလဲၤတၢ်အခါန့ၣ်, စီၤအ့ၤလံယၤစံးဘၣ်စီၤအလံၤၡါ, “ခဲအံၤအိၣ်တ့ၢ်ဖဲအံၤတက့ၢ်. ယွၤမၤလိာ်တ့ၢ်ယၤလၢယကဘၣ်လဲၤဆူဝ့ၢ်ဘ့ၤသ့လးန့ၣ်လီၤ.” ဘၣ်ဆၣ်စီၤအလံၤၡါစံးဆၢဝဲဒၣ်, “လၢယတၢ်သးတီအပူၤ, ယဆိၣ်တၢ်ဒီးယွၤလၢအမူဝဲတဂၤဒီးနၤလၢယတဟးဖးဒီးနၤဘၣ်.” လၢတၢ်န့ၣ်အဃိအဝဲသ့ၣ်လဲၤသကိးဝဲဆူဝ့ၢ်ဘ့ၤသ့လးန့ၣ်လီၤ.

လံာ်တၢ်ဟးထီၣ်ကွံာ် 4:15

ဒီးနဘၣ်ကတိၤတၢ်ဒီးအီၤ, တဲဘၣ်အီၤတၢ်လၢကဘၣ်စံးကတိၤဝဲန့ၣ် လီၤ. ဒီးယကမၤစၢၤသုဝဲခံဂၤလၢာ်လၢသု ကဘၣ်ကတိၤတၢ်ဒ်လဲၣ်ဒီးသိၣ်လိသုလၢသုကဘၣ်မၤတၢ်မနုၤလဲၣ်န့ၣ်လီၤ.

တၢ်ကတိၤဒိ. 25:2

တၢ်ပာ်တဒၢတၢ်တမံၤန့ၣ်မ့ၢ်ကစၢ်ယွၤအလၤကပီၤလီၤ. တၢ်ဃုထံၣ်မၤဖျါထီၣ်တၢ်တမံၤန့ၣ်မ့ၢ်စီၤပၤတဖၣ် အလၤကပီၤလီၤ.

တၢ်ကတိၤဒိ. 4:27

ဟးဆှဲးတၢ်အၢတၢ်သီဒီးလဲၤတၢ်ဆူညါလိၤလိၤတက့ၢ်. သုးကွံာ်နခီၣ်ခါတကါဒၣ်လဲာ်လၢကျဲအဘၣ်တဂ့ၤ.

လံာ်တၢ်ဂံၢ် 20:17

ပျဲပလဲၤတၢ်ခီဖျိနကီၢ်တက့ၢ်. ပဝဲဒီးပဂီၤဘုၣ်ဂီၤဖံးတဟး ထီၣ်ဘၣ်လၢကျဲဘိအလိၤမ့ၢ်ဂ့ၤ, တလဲၤဘၣ်ဆူသုစံာ်ပျီတဖၣ်မ့တမ့ၢ်စပံးလီၢ်တဖၣ်အပူၤ, ဒီးပတအီဘၣ်တၢ်လၢသုထံပူၤတဖၣ်ဘၣ်. ပကအိၣ်ဒၣ်လၢကျဲမုၢ်ဖးဒိၣ်အလိၤတုၤပဟးထီၣ်လၢသုလီၢ်ကဝီၤ အပူၤတစုန့ၣ်လီၤ.”

လံာ်လူၤကၣ် 21:15

အဂ့ၢ်ဒ်အံၤ, ယကဟ့ၣ်သုတၢ်စံးတၢ်ကတိၤတဖၣ် ဒီးတၢ်ကူၣ်ဘၣ်ကူၣ်သ့တုၤဒၣ်လဲာ်သုဒုၣ်သုဒါထီဒါတၢ်လၢသုတဲမ့ၢ်ဂ့ၤ, ဂ့ၢ်လိာ်ဝဲမ့ၢ်ဂ့ၤတသ့ဘၣ်နီတဂၤန့ၣ်လီၤ.

လံာ်သိၣ်လီၤသီလီၤတၢ် 28:14

ဘၣ်ဆၣ်သုတဘၣ်လဲၤကပာ်ကွံာ်အီၤလၢကျဲနီတဘိမ့ၢ်ဂ့ၤ, ဘူၣ်ထီၣ်ဘါထီၣ်ဒီးမၤကစၢ်အဂၤတဖၣ်အတၢ်မ့ၢ်ဂ့ၤ, နီတစုဘၣ်.

လံာ်သိၣ်လီၤသီလီၤတၢ် 5:32

ကီၢ်အံၣ်စရ့လးအပှၤဂီၢ်မုၢ်ဧၢ, မၤတၢ်ကိးမံၤလၢယွၤ, သုကစၢ်ယွၤမၤလိာ်တ့ၢ်သုသပှၢ်ကတၢၢ်တက့ၢ်. စူၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီတမံၤလၢ်လၢ်တက့ၢ်.

လံာ်စီၤယိၤၡူ 1:7

ထဲပာ်ဆူၣ်နသးဒီးအိၣ်ဒီးတၢ်သးဒူတက့ၢ်. ဒီးမၤလီၤတံၢ်နသးလၢနစူၢ်တၢ်သိၣ်တၢ်သီခဲလၢာ်လၢယခ့ယပှၤစီၤမိၤၡ့ ဟ့ၣ်လီၤနၤန့ၣ်တက့ၢ်. ဆူစုထွဲမ့ၢ်ဂ့ၤ, စုစ့ၣ်မ့ၢ်ဂ့ၤတဘၣ်ဃၣ်ကပၤကွံာ်နသးလၢအီၤ တဂ့ၤ. ဒီးဖဲနလဲၤတၢ်တပူၤလၢ်လၢ်န့ၣ်နကဘီၣ်ထီၣ်ညီထီၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:26

ဒီးနီၢ်ဃးနၤစံးဘၣ်အီၤ, “ဝံသးစူၤယၤတဘျး, တၢ်ဒိၣ်ဧၢ, နသ့ၣ်နီၣ်ယၤဒံးဧါ. ယမ့ၢ်ပိာ်မုၣ်တဂၤလၢနထံၣ်တ့ၢ်အိၣ်ဆၢထၢၣ် ဖဲအံၤဒီးဘါထုကဖၣ်တၢ်ဆူယွၤအအိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:55

ဖဲစီၤစီလူးထံၣ်စီၤဒၤဝံးလဲၤထီၣ်ဒ်သိးကဒုးစီၤကၤလယး န့ၣ်အဝဲသံကွၢ်အသုးခိၣ်ကျၢၢ်စီၤအဘံန့ၢ်, “စီၤအဘံန့ၢ်ဧၢ, အဝဲမ့ၢ်မတၤအဖိခွါလဲၣ်.” စီၤအဘံန့ၢ်စံးဆၢဝဲ, “တၢ်ဒိၣ်စီၤပၤဖးဒိၣ်ဧၢ, ယတသ့ၣ်ညါဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 20:3

ဘၣ်ဆၣ်ဒီးစီၤဒၤဝံးဆိၣ်တၢ်ဒီးစံးဝဲဒၣ်, “နပၢ်သ့ၣ်ညါဝဲဂ့ၤဂ့ၤကလဲာ်လၢနအဲၣ်ယၤထဲလဲၣ်ထဲလဲၣ်အဂ့ၢ်လီၤ. ဒီးအဝဲပာ်လီၤအသးလၢအတပျဲဒုးသ့ၣ်ညါနၤအတၢ်တိာ်ကျဲၤလၢ ကမၤဝဲအဂ့ၢ်န့ၣ်ဘၣ်. အဂ့ၢ်ဒ်အံၤ, ကမၤဘၣ်ဒိဘၣ်ထံးနသးဒိၣ်မးအဃိလီၤ. ယဆိၣ်တၢ်လၢနၤလၢယွၤလၢအမူဝဲတဂၤအမဲာ်ညါလၢယပူၤဖျဲးဒီး တၢ်သံထဲခီၣ်ကါတခါဧိၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 25:26

ပှၤလၢအပၢၤဃာ်နၤလၢတၢ်ဟ့ၣ်ကၣ်က့ၤဒီးမၤသံကွံာ်နဒုၣ်နဒါ တဖၣ်န့ၣ်မ့ၢ်ယွၤလီၤ. ဒီးခဲအံၤယဆိၣ်တၢ်ဒီးနၤလၢယွၤလၢအမူဝဲတဂၤအမံၤအပူၤ, လၢနဒုၣ်နဒါတဖၣ်ဒီးကယဲၢ်ပှၤသးအိၣ်မၤအၢမၤသီနၤဒ်စီၤနၤ ဘလးအသိးန့ၣ်, မ်အဘၣ်တၢ်စံၣ်ညီၣ်တက့ၢ်.