လံာ်စီၤၡမူၤအ့လးခံဘ့ၣ်တဘ့ၣ် 14:17 - Sgaw Karen Common Bible

¹⁷ တၢ်ဒိၣ်ဧၢ, ယစံးလီၤယသးလၢနတၢ်အၢၣ်လီၤအီလီၤန့ၣ်, ကမၤပူၤဖျဲးယၤလီၤ. အဂ့ၢ်ဒ်အံၤ, စီၤပၤန့ၣ်လီၤဂာ်ဒီးကစၢ်ယွၤအကလူးတဂၤဒီးနီၤ ဖးတၢ်ဂ့ၤဒီးတၢ်အၢအဆၢသ့ဝဲဒၣ်န့ၣ်လီၤ. မ်ယွၤ, နကစၢ်ယွၤအိၣ်ဒီးနၤတက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 14:17 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:18

စီၤပၤစံးဘၣ်ပိာ်မုၣ်န့ၣ်, “ယကသံကွၢ်နၤတၢ်တမံၤ ဒီးနကဘၣ်တဲယၤတၢ်မ့ၢ်တၢ်တီလၢာ်လၢာ်ဆ့ဆ့န့ၣ်လီၤ.” ပိာ်မုၣ်န့ၣ်စံးဆၢအီၤ, “သံကွၢ်ယၤတၢ်တမံၤဂ့ၤတမံၤဂ့ၤတက့ၢ်. နဲဒၣ်, တၢ်ဒိၣ်ကစၢ်စီၤပၤဧၢ.”

လံာ်စီၤၡမူၤအ့လးခံဘ့ၣ်တဘ့ၣ် 14:20

ဘၣ်ဆၣ်ဒီးအဝဲမၤတ့ၢ်တၢ်အံၤဒ်သိးလၢကမၤလိၤမၤဘၣ်က့ၤတၢ်ဂ့ၢ်ခဲလၢာ်အံၤန့ၣ်လီၤ. နဲဒၣ်တၢ်ဒိၣ်ကစၢ်စီၤပၤမ့ၢ်ပှၤကူၣ်သ့ထဲသိးဒီးကစၢ်ယွၤအကလူး ဒီးသ့ၣ်ညါတၢ်ခဲလၢာ်လၢအမၤအသးန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 19:27

အဝဲတဲတၢ်တတီတလိၤဘၣ်ဃးယဂ့ၢ်လၢနဲဒၣ်တၢ်ဒိၣ်ကစၢ်စီၤပၤအမဲာ်ညါလီၤ. ဘၣ်ဆၣ်ဒီးနလီၤဂာ်မးဒ်ကစၢ်ယွၤအကလူးအသိး, အဃိဒီးမၤနဲဒ်နဆိကမိၣ်ဘၣ်ဝဲတီဝဲန့ၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 19:28

ကယဲၢ်ယပၢ်အဒူၣ်ဖိထၢဖိခဲလၢာ်ကြၢးလၢ အဘၣ်တၢ်မၤသံကွံာ်အီၤလၢနဲဒၣ်တၢ်ဒိၣ်ကစၢ်စီၤပၤဘၣ်ဆၣ်ဒီး, နဟ့ၣ်လံယၤတၢ်ခွဲးတၢ်ယာ်လၢယကအီၣ်တၢ်လၢနစီၢ်နီၤခိၣ်လီၤ. တကြၢးလၢၤလၢယကဃ့အါထီၣ်တၢ်ကွၢ်မဲာ်လၢနဲဒၣ် တၢ်ဒိၣ်ကစၢ်စီၤပၤအအိၣ်နီတမံၤဘၣ်.”

လံာ်စီၤပၤအခီၣ်ထံးတဘ့ၣ် 3:28

တုၤအံၣ်စရ့လးအပှၤဂီၢ်မုၢ်နၢ်ဟူဘၣ်စီၤၡလိၤမိၤအတၢ်စံၣ်ညီၣ် န့ၣ်အဝဲသ့ၣ်ခဲလၢာ်ပှဲၤဝဲဒီးအတၢ်ယူးယီၣ်ပာ်ကဲအီၤဒိၣ်ဒိၣ် မုၢ်မုၢ်မ့ၢ်လၢအဝဲသ့ၣ်, သ့ၣ်ညါဝဲလၢကစၢ်ယွၤဟ့ၣ်လီၤလံအီၤတၢ်ကူၣ်သ့လၢကမၤဘၣ်လီၢ် ဘၣ်စးတၢ်ဂ့ၢ်လိာ်ဘှီလိာ်တီတီလိၤလိၤအဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 3:9

လၢတၢ်န့ၣ်အဃိဟ့ၣ်လီၤယၤတၢ်ကူၣ်သ့လၢယလိၣ်ဘၣ်အီၤဒ်သိး ယကပၢနပှၤဂီၢ်မုၢ်လၢတၢ်စံၣ်ညီၣ်တီအပူၤဒီးယကသ့ၣ်ညါနီၤဖးတၢ်ဂ့ၤ ဒီးတၢ်အၢအဆၢန့ၣ်တက့ၢ်. မ့တမ့ၢ်ဘၣ်ဒ်န့ၣ်ဒီးယပၢနပှၤဂီၢ်မုၢ်ဖးဒိၣ်အံၤကသ့ဝဲတစုစုဒ်လဲၣ်.”

လံာ်စီၤယိၤဘး 6:30

ဘၣ်ဆၣ်သုဆိကမိၣ်လၢယလီတၢ်လီၤ. သုဆိကမိၣ်လၢယနီၤ ဖးတၢ်အဘၣ်ဒီးတၢ်အကမၣ်တသ့ဘၣ်လီၤ.

တၢ်ကတိၤဒိ. 27:21

ထူဒီးစ့ဘၣ်တၢ်မၤကွၢ်အီၤလၢမ့ၣ်အူလီၤ. ပှၤကညီတဂၤအမံၤဂ့ၤသၣ်ဂ့ၤဘၣ်တၢ်မၤကွၢ်အီၤသ့စ့ၢ်ကီးန့ၣ်လီၤ.

တၢ်ကတိၤဒိ. 29:5

နမ့ၢ်ကတိၤပတြၢၤမုာ်နၢ်နတံၤသကိးတဖၣ်ဒီး, နဆဲထီၣ်ထုတခါလၢနဂီၢ်ဒၣ်နဲလီၤ.

ဧ့ၤဘြံၤ 5:14

ဘၣ်ဆၣ်ဒီးတၢ်အသံးအကာ်မ့ၢ်လၢပှၤဒိၣ်တုာ်ခိၣ်ပှဲၤ အဂီၢ်, ပှၤလၢအအိၣ်ကတဲာ်ကတီၤတ့ၢ်လံအသးခီဖျိ အပဲာ်ဖးနီၤဖးညီနုၢ်တၢ်ဂ့ၤဒီးတၢ်အၢအဆၢန့ၣ်လီၤ.

လံာ်စီၤယိၤၡူ 1:17

ဒ်ပဒိကနၣ်စီၤမိၤၡ့ထီဘိအသိးန့ၣ်ပကစူၢ်နၤဒီးမ်ယွၤနကစၢ် ယွၤကအိၣ်ဒီးနၤဒ်အအိၣ်တ့ၢ်ဒီးစီၤမိၤၡ့အသိးန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 29:9

စီၤအၤကံၣ်စံးဝဲ, “ယအၢၣ်လီၤလီၤ. ယပာ်ကဲနၤဒ်ပှၤသူၣ်တီသးလိၤထဲသိးကစၢ်ယွၤအကလူးတဂၤန့ၣ်လီၤ. ဘၣ်ဆၣ်ဒီးစီၤပၤအဂၤတဖၣ်စံးဝဲလၢနလဲၤဒီးပှၤဆူတၢ်ဒုးပူၤ တသ့ဘၣ်လီၤ.