လံာ်စီၤၡမူၤအ့လးခံဘ့ၣ်တဘ့ၣ် 14:14 - Sgaw Karen Common Bible

¹⁴ ဒ်ထံလၢအလီၤဂၢ်လၢဟီၣ်ခိၣ်လိၤ, လၢအဘၣ်တၢ်ပာ်ဖှိၣ်က့ၤကဒီး အီၤတသ့ဘၣ်အသိးန့ၣ်, ပကဘၣ်သံကိးဂၤဒဲးန့ၣ်လီၤ. ဘၣ်ဆၣ်ကစၢ်ယွၤတမၤသံဘၣ်တၢ်လီၤထူလီၤယိာ်ဘၣ်. လၢတၢ်န့ၣ်အဃိ, အစှၤကတၢၢ်စီၤပၤကိးက့ၤပှၤတဂၤလၢအဃ့ၢ်ပူၤဖျဲးအသးသ့ဝဲလီၤ.

လံာ်စီၤၡမူၤအ့လးခံဘ့ၣ်တဘ့ၣ် 14:14 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 11:25

စီၤဒၤဝံးစံးဘၣ်ပှၤစိာ်တၢ်ကစီၣ်န့ၣ်, “ဟ့ၣ်ဆူၣ်ထီၣ်စီၤယိၤအာ်အဂံၢ်အဘါ ဒီးတဲဘၣ်အီၤလၢအသုတသးဘၣ်တံာ်တာ်တဂ့ၤ. အဂ့ၢ်ဒ်အံၤ, မတၤမတၤကသံလၢတၢ်ဒုးတၢ်ယၤအပူၤလဲၣ်န့ၣ်နတဲတသ့ဘၣ်. တဲဘၣ်အီၤလၢကမၤဆူၣ်အါထီၣ်တၢ်ဒုးတဘျီလၢဝ့ၢ်န့ၣ်အဖီခိၣ် ဒီးမၤန့ၢ်ကွံာ်အီၤန့ၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 14:15

ခဲကနံၣ်အံၤ, နဲဒၣ်, တၢ်ဒိၣ်ကစၢ်စီၤပၤဧၢ, တၢ်အဂ့ၢ်အခၢးလၢယဟဲဒ်သိးယကကတိၤတၢ်ဒီးနၤန့ၣ်, မ့ၢ်ဒၣ်ပှၤဂီၢ်မုၢ်မၤပျံၤမၤဖုးယၤ, ဒီးလၢတၢ်န့ၣ်အဃိ, ယစံးလီၤယသးလၢယကဘၣ်ကတိၤတၢ်ဒီးနၤ, အိၣ်ဒီးတၢ်မုၢ်လၢ်လၢနကမၤတၢ်လၢဒ်ယဃ့နၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:39

မ့ၢ်လၢစီၤၡလိၤမိၤအတၢ်ဒဲးဘးအဃိန့ၣ်, ယကစံၣ်ညီၣ်စီၤဒၤဝံး အစၢၤအသွဲၣ်တဖၣ်, ဘၣ်ဆၣ်တမ့ၢ်ဘၣ်ထီဘိတထံၣ်ဃီဘၣ်.”

လံာ်စီၤယိၤဘး 14:14

ပှၤကညီမ့ၢ်သံဒီးကမူထီၣ်ဒံးစ့ၢ်ကီးဧါ. ဘၣ်ဆၣ်ယကအိၣ်ခိး တၢ်ဆၢကတီၢ်လၢအဂ့ၤ, ဒီးအိၣ်ခိးပာ်တုၤလီၤလၢတၢ်ကိၢ် တၢ်ဂီၤအကတီၢ်ကတၢၢ်ဝဲတစုန့ၣ်လီၤ.

လံာ်စီၤယိၤဘး 30:23

ယသ့ၣ်ညါလၢနကစိာ်လီၤယၤဆူတၢ်သံဒီးဆူတၢ်လီၢ်လၢ အဘၣ်တၢ်တိာ်ပာ်အီၤလၢ ပှၤကိးဂၤဒဲးအဂီၢ်န့ၣ်လီၤ.

လံာ်စီၤယိၤဘး 34:15

ကယဲၢ်ပှၤကိးဂၤဒဲးလၢအမူကသံဝဲဒီးကကဲထီၣ်ကဒါ က့ၤဖၣ်ဆါန့ၣ်လီၤ.

လံာ်စီၤယိၤဘး 34:19

အဝဲတကွၢ်မဲာ်ဘၣ်ပှၤပၢတၢ်သ့ၣ်တဖၣ်ဒီးတပာ်ဒိၣ်ပာ်ဂ့ၤဘၣ် ပှၤထူးပှၤတီၤလၢပှၤဖီၣ်ဖိယာ်ဖိအဖီခိၣ်န့ၣ်ဘၣ်. အဂ့ၢ်ဒ်အံၤအဝဲတ့လီၤပှၤကိးဂၤဒဲးလီၤ.

စံးထီၣ်ပတြၢၤ 22:14

ယဂံၢ်ယဘါလၢာ်တ့ၢ်လံ, လၢာ်ကွံာ်ဒ်ထံလၢအလီၤဂၢ်လၢ ဟီၣ်ခိၣ်လိၤအသိးန့ၣ်လီၤ. ယဃံခဲလၢာ်လီၤဖျုကွံာ်ဝဲ, ယသးမၤအသးဒ် ဃိးလၢအပှံၢ်လီၤကွံာ်ဝဲအသိးန့ၣ်လီၤ.

စံးထီၣ်ပတြၢၤ 22:15

ယဂံၢ်ယဘါဃ့ထီကွံာ်ဝဲဒ်သပၢၤတက့အသိး, ဒီးယပျုၤစဲဘူးဒီးယခၣ်ခိၣ်န့ၣ်လီၤ. နဒုးမံလီၤယၤလၢတၢ်သံအဟီၣ်ခိၣ်အကမူၣ် အပူၤန့ၣ်လီၤ.

စံးထီၣ်ပတြၢၤ 58:7

မ်အဟါမၢ်ကွံာ်ဒ်ထံလၢအယွၤကွံာ်အသိး, ဒီးနီၣ်လၢအဘၣ်တၢ်ယီၢ်တံၢ်ဒီး ဃ့ထီၣ်ကွံာ်လၢကျဲအသိးန့ၣ်တက့ၢ်.

စံးထီၣ်ပတြၢၤ 77:8

ဆိကတီၢ်တ့ၢ်လံအတၢ်အဲၣ်ပှၤန့ၣ်ဧါ. မ့ၢ်အတၢ်အၢၣ်လီၤတဖၣ်တအိၣ်နီတဘျီ လၢၤဘၣ်န့ၣ်ဧါ.

စံးထီၣ်ပတြၢၤ 79:3

အဝဲသ့ၣ်လူလီၤနပှၤဂီၢ်မုၢ်အသွံၣ်ဒ်ထံအသိး သွံၣ်လၢအယွၤလီၤဒ်ထံအသိးသကုၤဝ့ၢ်ယရူၤၡလ့ၣ် ဒီးပှၤလၢကခူၣ်လီၤကွံာ်ပှၤသံတအိၣ်တ့ၢ်နီတဂၤဘၣ်.

စံးထီၣ်ပတြၢၤ 90:10

ပနံၣ်တဖၣ်အမုၢ်နံၤန့ၣ်မ့ၢ်အနံၣ်နွံဆံလီၤ. ဒီးလၢတၢ်ဂံၢ်တၢ်ဘါအဃိန့ၣ် မ့ၢ်အိၣ်ဝဲဃိးဆံဘၣ်ဆၣ်ဒီး, ဟဲစိာ်န့ၢ်ဒၣ်ပှၤတၢ်ကိၢ်တၢ်ဂီၤ ဒီးတၢ်သူၣ်အုးသးအုးန့ၣ်လီၤ. တၢ်အိၣ်မူအံၤတစိၢ်ဖိဒီးလဲၤပူၤကွံာ်ဝဲ, ဒီးပယူၤထီၣ်ကွံာ်လီၤ.

စံးထီၣ်ပတြၢၤ 90:3

နဒုးဃၣ်က့ၤပှၤကညီဆူဖၣ်ဆါ, ဒီးစံး, “ပှၤကညီဖိသ့ၣ်ဧၢ, က့ၤက့ၤဆူလီၢ်ခံန့ၣ်တက့ၢ်.”

လံာ်တၢ်ဟးထီၣ်ကွံာ် 21:13

ဘၣ်ဆၣ်ဒီးတၢ်န့ၣ်မ့မ့ၢ်တၢ်ကဲထီၣ်အသးလၢတၢ်တပာ်သူၣ်ပာ်သး အပူၤဒီးတမ့ၢ်လၢတၢ်အဲၣ်ဒိးမၤသံအီၤအဃိဘၣ်ဒီးအဝဲဃ့ၢ်ပူၤ ဖျဲးအသးဆူတၢ်လီၢ်တပူၤလၢယကဃုထၢန့ၢ်သုဒီးဖဲန့ၣ်အဝဲအိၣ် ပူၤအိၣ်ဖျဲးသ့ဝဲဒၣ်လီၤ.

လံာ်ပှၤစံၣ်တဲၤတဲလီၤတၢ် 9:5

ပှၤအမူတဖၣ်သ့ၣ်ညါဝဲလၢကဘၣ်သံဝဲ, ဘၣ်ဆၣ်ပှၤသံတဖၣ်တသ့ၣ်ညါ တၢ်နီတမံၤဘၣ်. ခိၣ်ဖးဆူညါလၢအဂီၢ်တအိၣ်ဘၣ်. အဝဲသ့ၣ်ဘၣ်တၢ်သးပ့ၤနီၣ်ကွံာ်အီၤလၢာ်လၢာ်ဆ့ဆ့လီၤ.

လံာ်သးသယုၢ်တၢ် 3:31

ယွၤန့ၣ်သူၣ်ကညီၤသးကညီၤတၢ်အါဒီးတမ့ၢ်လၢကညိကွံာ် ပှၤလီၤထူလီၤယိာ်ဘၣ်.

လံာ်ယဃ့းစက့လး 18:23

မ့ၢ်သုဆိကမိၣ်လၢယသးမုာ်သးခုလၢယထံၣ်ဘၣ်ပှၤအၢပှၤသီ တဂၤသံဝဲန့ၣ်ဧါ. ယွၤပၢဘၣ်တၢ်ခဲလၢာ်ကစၢ်သံကွၢ်ဝဲ. တမ့ၢ်ဘၣ်, ယအဲၣ်ဒိးထံၣ်ဒါခီလၢအဝဲကပီၢ်ယၢ်လီၤက့ၤအသးဒီး မူဝဲန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:40

မ့မ့ၢ်သုစၢၤသုသွဲၣ်တဖၣ်ကအၢၣ်လီၤအတၢ်ဒဲးဘးဒီးပှၤလၢအဝဲ သ့ၣ်ဟဲလီၤစၢၤလီၤသွဲၣ်လၢအီၤတဖၣ်အတၢ်ဒဲးဘးတဖၣ်လၢ အမၤကမၣ်ယၤဒီးပူထီၣ်ထီဒါယၤ,

လံာ်တၢ်ဂံၢ် 35:15

ဝ့ၢ်တဖၣ်အံၤကမ့ၢ်တၢ်ပူၤဖျဲးအဝ့ၢ်တဖၣ်လၢပှၤအံၣ်စရ့လးဖိ တဖၣ်အဂီၢ်မ့ၢ်ဂ့ၤ, ပှၤတခီဘီမုၢ်ဖိလၢအအိၣ်တစိၢ်တလီၢ်အဂီၢ်မ့ၢ်ဂ့ၤ, အိၣ်ဆိးဂၢၢ်ကျၢၤအဂီၢ်မ့ၢ်ဂ့ၤ, ဒီးပှၤတဂၤလၢ်လၢ်လၢအမၤသံဘၣ်ပှၤအဂၤတဂၤဂၤလၢတၢ်တပာ်သူၣ်ပာ် သးအပူၤမ့ၢ်ဂ့ၤဃ့ၢ်ပူၤဖျဲးအသးဆူဝ့ၢ်တဖျၢၣ်ဖျၢၣ်အံၤကသ့ဝဲဒၣ်လီၤ.

လံာ်တၢ်ဂံၢ် 35:25

ကမျၢၢ်ဒူၣ်ထၢကဘၣ်အုၣ်က့ၤခီၣ်က့ၤပှၤတဂၤလၢအမၤကမၣ်တၢ်လၢ အမၤသံဘၣ်ပှၤအဃိန့ၣ်, လၢပှၤသံတဂၤအဘူးအတံၢ်အစုပူၤ, ဒီးအဝဲသ့ၣ်ကဘၣ်ဆှၢကဒါက့ၤအီၤဆူဝ့ၢ်တၢ်ပူၤဖျဲးလၢ အဝဲအိၣ်ပူၤဖျဲးအလီၢ်န့ၣ်လီၤ. အဝဲကဘၣ်အိၣ်ဖဲန့ၣ်တုၤလၢ, ပှၤတဂၤလၢဖဲန့ၣ်အခါမ့ၢ်ပှၤလုၢ်တၢ်အခိၣ်အဒိၣ်, သံဝဲတစုန့ၣ်လီၤ.

လံာ်တၢ်ဂံၢ် 35:28

ပှၤလၢအတၢ်ကမၣ်အိၣ်ဝဲလၢအမၤသံဘၣ်ပှၤတဂၤန့ၣ်ကဘၣ်အိၣ်ဝဲလၢ ဝ့ၢ်တၢ်ပူၤဖျဲးအပူၤတုၤလၢပှၤလုၢ်တၢ်အခိၣ်အဒိၣ်သံတစုလီၤ. အန့ၣ်ဝံၤဒီးက့ၤကဒါက့ၤဝဲဆူအဟံၣ်သ့ဝဲဒၣ်န့ၣ်လီၤ.

လံာ်မးသဲ 22:16

တၢ်န့ၣ်ဝံၤအလီၢ်ခံ, အဝဲသ့ၣ်ဆှၢလီၤအပျဲၢ်အဘီၣ်တနီၤ, ဃုာ်ဒီးပှၤအိၣ်လၢဟ့ၤရိာ်အကရၢပူၤတနီၤ, ဆူယ့ၣ်ၡူးအအိၣ်လီၤ. အဝဲသ့ၣ်စံးဘၣ်အီၤ, “သရၣ်ဧၢ, ပသ့ၣ်ညါလၢနမ့ၢ်ပှၤလၢအတဲတၢ်တီတီတဂၤဒီးသိၣ် လီၤသီလီၤတၢ်မ့ၢ်တၢ်တီဘၣ်ဃးကစၢ်ယွၤအတၢ်ဘၣ်အသး လၢပှၤကညီအဂီၢ်, ဒီးနတပျံၤဒီးကွၢ်မဲာ်ပှၤနီတဂၤဘၣ်. အဂ့ၢ်ဒ်အံၤ ပှၤကညီအလီၢ်အလၤန့ၣ်, နတပာ်ဒိၣ်လီၤဆီအီၤဘၣ်.

မၤတၢ် 10:34

ဒီးစီၤပ့းတရူးအဲးထီၣ်အထးခိၣ်ဒီးစံးဝဲ, “ခဲကနံၣ်အံၤယသ့ၣ်ညါလံတၢ်မ့ၢ်တၢ်တီလၢ ကစၢ်ယွၤတကွၢ်မဲာ်ပှၤနီတဂၤဘၣ်န့ၣ်လီၤ.

ရိမ့ၤ 2:11

အဂ့ၢ်ဒ်အံၤ, ယွၤစံၣ်ညီၣ်ပှၤကိးဂၤဒဲးလၢတၢ်တကွၢ်ဒိၣ်ဆံးအါစှၤတၢ် အပူၤန့ၣ်လီၤ.

လံာ်သိၣ်လီၤသီလီၤတၢ် 10:17

ယွၤ, သုကစၢ်ယွၤန့ၣ်ဒိၣ်စိဝဲဒၣ်လၢကစၢ်အဂၤတဖၣ်ခဲလၢာ်ဒီး ကယဲၢ်တၢ်စိတၢ်ကမီၤခဲလၢာ်အဖီခိၣ်န့ၣ်လီၤ. အဝဲဒၣ်န့ၣ်ဒိၣ်ဝဲဒီးအဂံၢ်အဘါဆူၣ်ဝဲဒီးအဝဲကဘၣ်တၢ်ပျံၤအီၤန့ၣ်လီၤ. အဝဲတကွၢ်မဲာ်တၢ်ဘၣ်ဒီးတတူၢ်လိာ်ဘၣ်ခိၣ်ဖးလာ်ဆှိးန့ၣ်ဘၣ်.

ဧ့ၤဘြံၤ 9:27

ဒ်ပှၤကိးဂၤဒဲးဘၣ်သံဝဲတဘျီဒီးလၢခံက့ၤဘၣ်တၢ်စံၣ်ညီၣ် အီၤလၢကစၢ်ယွၤအသိး,

၁ ပ့းတရူး 1:17

ဖဲသုဘါထုကဖၣ်ကစၢ်ယွၤဒီး, သုကိးအီၤလၢပၢ်လၢအစံၣ်ညီၣ်ပှၤခဲလၢာ်လၢနီၣ်ထိၣ်တမံၤ ဃီဒ်ပှၤတဂၤဒီးတဂၤမၤတၢ်အသိးန့ၣ်လီၤ. လၢတၢ်န့ၣ်အဃိ, မၤလၢာ်ကွံာ်သုတၢ်အိၣ်မူလၢအအိၣ်လီၤတဲာ်လၢဟီၣ်ခိၣ် ချၢအံၤလၢတၢ်ယူးယီၣ်ပာ်ကဲကစၢ်ယွၤအပူၤန့ၣ်တက့ၢ်.