လံာ်စီၤၡမူၤအ့လးခံဘ့ၣ်တဘ့ၣ် 13:36 - Sgaw Karen Common Bible

³⁶ ဖဲအဝဲကတိၤတၢ်အံၤဝံၤတဘျီဃီန့ၣ်, စီၤဒၤဝံးအဖိခွါတဖၣ်ဟဲက့ၤနုာ်လီၤဝဲလီၤ. အဝဲသ့ၣ်စးထီၣ်ဟီၣ်ဝဲယၢၤဝဲ, ဒီးစီၤဒၤဝံးဒီးအပဒိၣ်ပပှၢ်တဖၣ်ဟီၣ်စ့ၢ်ကီးဝဲနးမးလီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:36 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:21

အဝဲအပဒိၣ်ပပှၢ်တဖၣ်စံးဘၣ်အီၤ, “ပနၢ်တပၢၢ်တၢ်အံၤဘၣ်. ဖဲဖိသၣ်အိၣ်မူဒံးဝဲအခါန့ၣ်, နဟီၣ်နယၢၤလၢအဂီၢ်ဒီးတအီၣ်တၢ်အီတၢ်ဘၣ်, မ့မ့ၢ်ဖဲအဝဲသံတဘျီဃီန့ၣ်, နဂဲၤဆၢထၢၣ်ဒီးအီၣ်တၢ်အီတၢ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 13:15

တၢ်န့ၣ်အလီၢ်ခံ, စီၤအၤမနိၣ်ပှဲၤဒီးတၢ်သးဟ့ပိာ်မုၣ်န့ၣ်ဒိၣ်မးလီၤ. အဝဲအတၢ်သးဟ့အီၤခဲအံၤန့ၣ်, အါန့ၢ်ဒံးအဝဲအတၢ်အဲၣ်တ့ၢ်အီၤ လၢညါန့ၣ်လီၤ. အဝဲစံးဘၣ်ပိာ်မုၣ်န့ၣ်, “ဟးထီၣ်ကွံာ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 13:35

စီၤယိၤနဒာ်စံးဘၣ်စီၤဒၤဝံး, “ပှၤဟဲလၢန့ၣ်တဖၣ်န့ၢ်မ့ၢ်နဖိခွါတဖၣ်, ဒ်ယတဲတ့ၢ်နၤလၢအဝဲသ့ၣ်ကဟဲက့ၤဝဲအသိးန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 13:37

စီၤအးဘၡါလိၣ်ဃ့ၢ်ပူၤဖျဲးအသးဒီးလဲၤဝဲဆူစီၤဧးမံၤဟူးအဖိခွါ, ဝ့ၢ်ကၡူၢ်အစီၤပၤ, စီၤတးလမဲအအိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:33

တၢ်သးအုးလုၣ်ဘၢကွံာ်စီၤပၤန့ၣ်လီၤ. အဝဲလဲၤထီၣ်ဆူဒၢးလၢကျဲစၢၤအတြဲၤအဖီခိၣ်ဒီးဟီၣ်ဝဲလီၤ. ဖဲအလဲၤထီၣ်အဖၢမုၢ်န့ၣ်ဟီၣ်တၢ်ယၢၤတၢ်စံးဝဲ, “အိယဖိခွါဧၢ, ယဖိခွါစီၤအးဘၡါလိၣ်ဧၢ. စီၤအးဘၡါလိၣ်, ယဖိခွါဧၢ. ဘၣ်မနုၤယတသံတ့ၢ်လၢနလီၢ်လဲၣ် ယဖိခွါဧၢ, စီၤအးဘၡါလိၣ်, ယဖိခွါဧၢ.”