လံာ်စီၤၡမူၤအ့လးခံဘ့ၣ်တဘ့ၣ် 13:34 - Sgaw Karen Common Bible

³⁴ အကတီၢ်ဖဲန့ၣ်, စီၤအးဘၡါလိၣ်ထွးထီၣ်ဃ့ၢ်ကွံာ်ဝဲဒၣ်န့ၣ်လီၤ. တကီၢ်ခါဖဲန့ၣ်, ပှၤသုးဖိတဂၤလၢအမူဒါလီၤဝဲလၢခိးတၢ်အလီၢ်န့ၣ်, ထံၣ်ဘၣ်ပှၤဂီၢ်မုၢ်ဖးဒိၣ်တဖုဟဲလီၤလၢတၢ်လူၢ်ဒီခိၣ်လၢကျဲ လၢအဟဲဝဲလၢဝ့ၢ်ဃိရနဲၣ်တခီန့ၣ်လီၤ. အဝဲလဲၤဆူစီၤပၤအအိၣ်ဒီးတဲသ့ၣ်ညါအီၤတၢ်လၢအထံၣ်ဘၣ်တ့ၢ်ဝဲတဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:34 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 13:35

စီၤယိၤနဒာ်စံးဘၣ်စီၤဒၤဝံး, “ပှၤဟဲလၢန့ၣ်တဖၣ်န့ၢ်မ့ၢ်နဖိခွါတဖၣ်, ဒ်ယတဲတ့ၢ်နၤလၢအဝဲသ့ၣ်ကဟဲက့ၤဝဲအသိးန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 18:24

စီၤဒၤဝံးဆ့ၣ်နီၤဝဲဖဲတၢ်လီၢ်လီၤပျီအိၣ်ဝဲဖဲဝ့ၢ်အတြဲၤ လၢတၢ်အိပူၤဒီးတြဲၤလၢတၢ်ချၢအဘၢၣ်စၢၤန့ၣ်လီၤ. ပှၤခိးကွၢ်တၢ်ဖိတဂၤလဲၤထီၣ်ဆူဝ့ၢ်ခိၣ်ဒူ, ဒီးဆၢထၢၣ်ဝဲဖဲတိာ်လၢကျဲစၢၤအဖီခိၣ်အခိၣ်ဒုးလိၤန့ၣ်လီၤ. အဝဲကွၢ်စိဃီၤဆူတၢ်ချၢဒီးထံၣ်ဘၣ်ဝဲပှၤတဂၤဃ့ၢ်ဝဲထဲတဂၤ ဧိၤန့ၣ်လီၤ.

တၢ်ကတိၤဒိ. 28:17

ပှၤတဂၤလၢအမၤသံတၢ်န့ၣ်ခူၣ်အတၢ်သံအပူၤဒၣ်ဝဲအချ့ကတၢၢ်လီၤ. ကျဲးစၢးတြီအီၤတဂ့ၤ.

လံာ်ဧၤမိၣ် 5:19

ကမၤအသးဒ်ပှၤတဂၤဃ့ၢ်ကွံာ်လၢခ့ယုၢ်တဒုအအိၣ်, ဒီးဘၣ်သဂၢၢ်လိာ်အသးဒီးတၤသူတဒုအသိး, မ့တမ့ၢ်ဘၣ်ဒီးဒ်ပှၤတဂၤက့ၤနုာ်လၢဟံၣ်ပူၤ, ဒီးပာ်ထီၣ်အစုလၢတၢ်ဒူၣ် အလိၤအသိးလၢဂုၢ်တဘိကဖျးအီၤအဂီၢ်ဧိၤန့ၣ်လီၤ.