လံာ်စီၤၡမူၤအ့လးခံဘ့ၣ်တဘ့ၣ် 13:32 - Sgaw Karen Common Bible

³² ဘၣ်ဆၣ်ဒီးစီၤဒၤဝံးအဒီပုၢ်ဝဲခွါစီၤၡံမၤအဖိခွါစီၤယိၤနဒာ်စံးဝဲဒၣ်, “နဲဒၣ်တၢ်ဒိၣ်ကစၢ်စီၤပၤဧၢ, အဝဲတမၤသံကွံာ်ဘၣ်နဖိခွါခဲလၢာ်ဘၣ်. ထဲဒၣ်စီၤအၤမနိၣ်တဂၤဧိၤသံဝဲလီၤ. ခီဖျိနကွၢ်ဃီၤစီၤအးဘၡါလိၣ်န့ၣ်, နတဲသ့လၢအဝဲပာ်လီၤတ့ၢ်လံအသးလၢကမၤတၢ်အံၤစးထီၣ်ဒၣ်လဲာ်လၢ စီၤအၤမနိၣ်မၤဆူၣ်မၤစိးအဝဲအဒီပုၢ်ဝဲၢ်မုၣ်နီၢ်တၤမၢ်အကတီၢ်လံၤလံၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:32 Iomraidhean Croise

လံာ်တၢ်ကဲထီၣ်အခီၣ်ထံး 27:41

စီၤဧ့ၤၡီၤသးဟ့စီၤယၤကိာ်လီၤ. အဂ့ၢ်ဒ်အံၤ, အပၢ်ဟ့ၣ်လံစီၤယၤကိာ်လၢတၢ်ဆိၣ်ဂ့ၤအဃိန့ၣ်လီၤ. ဒီးဆိကမိၣ်ထီၣ်ဝဲ, “အကတီၢ်လၢတၢ်ဟီၣ်တၢ်ယၢၤလၢယပၢ်အတၢ်သံ အဂီၢ်အံၤဘူးထီၣ်လံ. တုၤနုၤတစု, ယကမၤသံစီၤယၤကိာ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 13:3

ဘၣ်ဆၣ်ဒီးအဝဲအိၣ်ဒီးအတံၤသကိးတဂၤလၢအဘူးဒီးအီၤ ဒီးအသးဒူမးလၢအမံၤမ့ၢ်ဝဲစီၤယိၤနဒာ်, စီၤဒၤဝံးအဒီပုၢ်ဝဲၢ်ခွါစီၤၡံမၤအဖိခွါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:33

လၢတၢ်န့ၣ်အဃိ, နာ်တၢ်ကစီၣ်လၢအစံးဝဲလၢ နဖိခွါခဲလၢာ်သံလံန့ၣ်တဂ့ၤ. ပှၤဘၣ်တၢ်မၤသံအီၤထဲစီၤအၤမနိၣ်တဂၤဧိၤန့ၣ်လီၤ.”

စံးထီၣ်ပတြၢၤ 7:14

ကွၢ်ကွၢ်ပှၤအၢပှၤသီတဖၣ် ဆိကမိၣ်ထီၣ်တၢ်အၢတၢ်သီ, ကူၣ်ကျဲၤတၢ်မၤကီမၤခဲတၢ်ဒီး မၤတၢ်လီတၢ်ဝ့ၤအတၢ်မၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:9

အန့ၣ်ဒီး, စီၤယံးၡဲဟဲကိးစီၤၡးမၤလီၤ. စီၤၡမူၤအ့လးစံးဝဲ, “တမ့ၢ်ဘၣ်. ယွၤတဃုထၢစ့ၢ်ကီးအီၤဘၣ်.”