လံာ်စီၤၡမူၤအ့လးခံဘ့ၣ်တဘ့ၣ် 13:3 - Sgaw Karen Common Bible

³ ဘၣ်ဆၣ်ဒီးအဝဲအိၣ်ဒီးအတံၤသကိးတဂၤလၢအဘူးဒီးအီၤ ဒီးအသးဒူမးလၢအမံၤမ့ၢ်ဝဲစီၤယိၤနဒာ်, စီၤဒၤဝံးအဒီပုၢ်ဝဲၢ်ခွါစီၤၡံမၤအဖိခွါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:3 Iomraidhean Croise

လံာ်တၢ်ကဲထီၣ်အခီၣ်ထံး 3:1

ဒီးတၢ်လၢဂုၢ်န့ၣ်မ့ၢ်ဆၣ်ဖိကီၢ်ဖိလၢကူၣ်လီတၢ်အသ့ကတၢၢ်လၢ ယွၤ, ကစၢ်ယွၤတ့လီၤန့ၣ်လီၤ. ဒီးဂုၢ်န့ၣ်သံကွၢ်ပိာ်မုၣ်, “မ့ၢ်ကစၢ် ယွၤတဲဘၣ်သုသပှၢ်တၢၢ်လၢသုတဘၣ်အီၣ်သ့ၣ်သၣ်လၢသ့ၣ်တထံးလၢ်လၢ် လၢတၤသၣ်လီၢ်အပူၤန့ၣ်ဧါ.”

လံာ်တၢ်ကဲထီၣ်အခီၣ်ထံး 38:1

အကတီၢ်ဖဲန့ၣ်စီၤယူဒၤဟးသဒၣ်အဒီပုၢ်ဝဲၢ်တဖၣ်ဒီးလဲၤတၢ်ဒ် သိးအကအိၣ်ဒီးပှၤတဂၤလၢအမံၤမ့ၢ်ဝဲစီၤဃံရၤလၢအဘၣ်ဃးဒီး ဝ့ၢ်ဧဒူးလၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 38:20

စီၤယူဒၤမၢလီၤအတံၤသကိးစီၤဃံရၤဒ်သိးကလဲၤစိာ်မဲာ်တဲး လဲးဒီးမၤန့ၢ်က့ၤတၢ်အပီးအလီတဖၣ်လၢအပာ်ကီၤတ့ၢ်ဝဲလၢပိာ် မုၣ်အအိၣ်န့ၣ်လီၤ. ဘၣ်ဆၣ်ဒီးစီၤဃံရၤဃုပိာ်မုၣ်န့ၣ်တဘၣ်ဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 13:2

အဝဲဒၣ်အဲၣ်ဘၣ်အီၤတုၤဒၣ်လဲာ်အဆါထီၣ်ဘၣ်မးအသးန့ၣ်လီၤ. အဂ့ၢ်ဒ်အံၤ, ဖျါလၢအဝဲအဂီၢ်လၢတညီလၢကမၤန့ၢ်အီၤဘၣ်. ဒ်မုၣ်ကနီၤတဂၤအသိးအဝဲဘၣ်တၢ်တြီအီၤ ဒ်သိးအသုတထံၣ်လိာ်ဒီးပိာ်ခွါတဖၣ်တဂ့ၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:32

ဘၣ်ဆၣ်ဒီးစီၤဒၤဝံးအဒီပုၢ်ဝဲခွါစီၤၡံမၤအဖိခွါစီၤယိၤနဒာ်စံးဝဲဒၣ်, “နဲဒၣ်တၢ်ဒိၣ်ကစၢ်စီၤပၤဧၢ, အဝဲတမၤသံကွံာ်ဘၣ်နဖိခွါခဲလၢာ်ဘၣ်. ထဲဒၣ်စီၤအၤမနိၣ်တဂၤဧိၤသံဝဲလီၤ. ခီဖျိနကွၢ်ဃီၤစီၤအးဘၡါလိၣ်န့ၣ်, နတဲသ့လၢအဝဲပာ်လီၤတ့ၢ်လံအသးလၢကမၤတၢ်အံၤစးထီၣ်ဒၣ်လဲာ်လၢ စီၤအၤမနိၣ်မၤဆူၣ်မၤစိးအဝဲအဒီပုၢ်ဝဲၢ်မုၣ်နီၢ်တၤမၢ်အကတီၢ်လံၤလံၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:4

စီၤယိၤနဒာ်စံးဘၣ်စီၤအၤမနိၣ်ဒ်အံၤ, “နမ့ၢ်စီၤပၤအဖိခွါတဂၤ, ဘၣ်ဆၣ်ဒီးယကွၢ်နၤတနံၤဘၣ်တနံၤန့ၣ်နဖျါသူၣ်အုးသးအုးနဲလီၤ. ဘၣ်မနုၤအဃိလဲၣ်.” အဝဲစံးဆၢဝဲဒၣ်, “ယအဲၣ်ဘၣ်နီၢ်တၤမၢ်လၢအမ့ၢ်ယဒီပုၢ်ဝဲၢ်ခွါလၢအမိၢ်လီၤဆီဒီးယမိၢ်, စီၤအးဘၡါလိၣ်အဒီပုၢ်ဝဲၢ်မုၣ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 14:2

လၢတၢ်န့ၣ်အဃိ, အဝဲမၢပှၤကိးန့ၢ်အီၤပိာ်မုၣ်တဂၤလၢအကူၣ်သ့ဒိၣ်မး လၢအအိၣ်ဆိးဝဲလၢဝ့ၢ်တကိၤန့ၣ်လီၤ. ဖဲပိာ်မုၣ်န့ၣ်ဟဲတုၤဒီးအဝဲစံးဘၣ်အီၤဒ်အံၤ, “ပာ်မၤနသးဒ်နအိၣ်လၢတၢ်ဟီၣ်တၢ်ယၢၤအပူၤ, ကူထီၣ်ကၤထီၣ်တၢ်ဘၣ်မိၣ်ဘၣ်မးအကူအသိးတဖၣ်ဒီးခွံနခိၣ်သူတဂ့ၤ. မၤနသးဒ်ပိာ်မုၣ်တဂၤလၢအဟီၣ်တၢ်ဖးယံာ်ဖးထၢလံအသိးန့ၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 21:21

အဝဲဒုၣ်ဒွဲၣ်ဒီးတၤတၢ်ဒီးပှၤအံၣ်စရ့လးဖိတဖၣ်အဃိ စီၤဒၤဝံးအဒီပုၢ်ဝဲၢ်ခွါစီၤၡံမံၤအဖိခွါစီၤယိနၤသၣ် မၤသံကွံာ်အီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 2:13

စီၤယံးၡဲအိၣ်ဒီးအဖိခွါနွံဂၤဒီးဒ်အဝဲသ့ၣ်အသးအနံၣ်အလါ ဒၣ်ဝဲန့ၣ်မ့ၢ်, စီၤအလံအာ်, စီၤအဘံနဒာ်, စီၤၡံမၤ,

လံာ်ကွဲးနီၣ်တၢ်အခီၣ်ထံးတဘ့ၣ် 27:32

စီၤပၤစီၤဒၤဝံးအဖါတံၢ်စီၤယိၤနၤသၣ်မ့ၢ်တ့ၢ်ပှၤဟ့ၣ်ကူၣ် ဟ့ၣ်ဖးတၢ်သ့ဂ့ၤဒိၣ်မးတဂၤဒီးပှၤသ့လံာ်သ့လဲၢ်ဂ့ၤဂ့ၤ ကလဲာ်တဂၤန့ၣ်လီၤ. အဝဲဒီးစီၤဃၤကမိၣ်အဖိခွါစီၤယဃံအ့လးမ့ၢ်ပှၤအခိၣ်အဒိၣ် ကတၢၢ်လၢအကွၢ်ထွဲစီၤပၤအဖိခွါတဖၣ်အတၢ်မၤလိမၤဒိးန့ၣ်လီၤ.

လံာ်နီၢ်အ့ၤစတၢ် 5:10

ဘၣ်ဆၣ်ဒီးစီၤဟၤမၣ်ကီၤအသးဒီးက့ၤဆူအဟံၣ်လီၤ. အန့ၣ်ဝံၤဒီးအဝဲကွဲဃီၤအတံၤသကိးတဖၣ်ဆူအဟံၣ်ဒီးမၢအမါ နီၢ်စ့ရ့ၣ်အိၣ်သကိးဒီးအဝဲသ့ၣ်စ့ၢ်ကီးလီၤ.

လံာ်နီၢ်အ့ၤစတၢ် 5:14

လၢတၢ်န့ၣ်အဃိအမါဒီးအတံၤသကိးခဲလၢာ်ဟ့ၣ်ကူၣ်အီၤစံးဝဲ, “မၢပှၤသူၣ်ထီၣ်သ့ၣ်တကျီၣ်, လၢအထီဝဲအပျၢ်ယဲၢ်ဆံတက့ၢ်. ခဲမုၢ်ဆ့ၣ်ဂီၤခီ, နဃ့စီၤပၤဒ်သိးကမၢတၢ်ဘျးထီၣ်စီၤမၢ်ဒကဲၤလၢ အလိၤသ့ဝဲဒီးနကလဲၤဘၣ်ဆူတၢ်အီၣ်အမူးလၢတၢ်သူၣ်ခု သးခုအပူၤလီၤ.” စီၤဟၤမၣ်ဆိကမိၣ်လၢတၢ်အံၤမ့ၢ်တၢ်ဟ့ၣ်ကူၣ်အဂ့ၤတမံၤအဃိ, မၢပှၤဘှီထီၣ်သ့ၣ်တကျီၣ်လီၤ.

လံာ်နီၢ်အ့ၤစတၢ် 6:13

အဝဲတဲဘၣ်အမါနီၢ်စ့ရ့ၣ်ဒီးအသကိးခဲလၢာ်လၢတၢ် ကိးမံၤဒဲးလၢအမၤအသးဒီးအီၤန့ၣ်လီၤ. အန့ၣ်တစု, အမါဒီးအတံၤသကိးလၢအကူၣ်တၢ်သ့တဖၣ်စံးဘၣ်အီၤ, “နတၢ်စိတၢ်ကမီၤစးထီၣ်လီၤမၢ်ကွံာ်ဆူစီၤမၢ်ဒကဲၤအအိၣ်လံ. အဝဲမ့ၢ်ပှၤယူဒၤဖိတဂၤဒီးနမၤနၢၤအီၤတသ့ဘၣ်. အဝဲကမၤနၢၤကွံာ်နၤသပှၢ်ကတၢၢ်န့ၣ်လီၤ.”

တၢ်ကတိၤဒိ. 19:6

ပှၤကိးဂၤဒဲးကျဲးစၢးဃုမၤန့ၢ်ပှၤလၢအကါဒိၣ်တဖၣ်အတၢ်ဘၣ် အသးလီၤ. ဒီးပှၤခဲလၢာ်စံးလီၤအသးလၢအဒီတံၤဒီသကိးဒီးပှၤ တဂၤလၢအဟ့ၣ်တၢ်ဟ့ၣ်တဖၣ်န့ၣ်လီၤ.

လံာ်ယံးရမံယၤ 4:22

ယွၤစံးဝဲဒၣ်, “ယပှၤဂီၢ်မုၢ်တဖၣ်အံၤမၢးဒိၣ်မးဒီး တသ့ၣ်ညါယၤဘၣ်. အဝဲသ့ၣ်လီၤဂာ်ဒီးဖိသၣ်လၢသးတဆးတဖၣ် ဒီးအတၢ်သ့ၣ်ညါနၢ်ပၢၢ်တအိၣ်နီတမံၤဘၣ်. အဝဲသ့ၣ်မ့ၢ်ပှၤစဲၣ်နိးတဖၣ်, လၢတၢ်မၤတၢ်အၢအပူၤဘၣ် ဆၣ်လၢတၢ်မၤတၢ်ဂ့ၤန့ၣ်, အဝဲသ့ၣ်ဃၣ်ကွံာ်ဝဲလီၤ.”

1 ကရံၣ်သူး 3:19

အဂ့ၢ်ဒ်အံၤ, တၢ်လၢဟီၣ်ခိၣ်တဘ့ၣ်အံၤထံၣ်လၢအမ့ၢ်တၢ်ကူၣ်ဘၣ် ကူၣ်သ့န့ၣ်, လၢကစၢ်ယွၤအမဲာ်ညါမ့ၢ်တၢ်ကလီကလီန့ၣ်လီၤ. ဒ်တၢ်ကွဲးအသးစံးဝဲအသိးန့ၣ်, “ကစၢ်ယွၤဖီၣ်န့ၢ်ပှၤကူၣ်ဘၣ် ကူၣ်သ့, လၢအဝဲသ့ၣ်အတၢ်ကူၣ်တၢ်ဆးအပူၤလီၤ.”

ယၤကိာ် 3:15

တၢ်ကူၣ်သ့ဒ်န့ၣ်တကလုာ်တဟဲလီၤလၢမူခိၣ်ဘၣ်. မ့ၢ်တၢ်လၢအဘၣ်ဃးဒီးဟီၣ်ခိၣ်, တဘၣ်ဃးဒီးတၢ်လၢ သူၣ်လၢသးဘၣ်, ဒီးဘၣ်ဃးဒၣ်ဒီးတၢ်ဝံတၢ်နါတဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 14:20

ဒီးအမါန့ၣ်ဘၣ်တၢ်ဟ့ၣ်လီၤအီၤဆူပှၤတဂၤလၢအဆှၢထီၣ်အီၤ ဖဲအဒိးတ့ဒိးဖျီအသးအကတီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:11

အန့ၣ်ဝံၤဒီးစီၤၡမူၤအ့လးသံကွၢ်အီၤ, “နဖိခွါအဂၤအိၣ် ဒံးဧါ.” စီၤယံးၡဲစံးဆၢဝဲ, “အိၣ်တ့ၢ်ဒံးအဆံးကတၢၢ် တဂၤလီၤဘၣ်ဆၣ်အဝဲလဲၤဆူတၢ်ချၢဒ်သိး ကဒုးအီၣ်အသိတဖၣ်အဆၣ်လီၤ.” စီၤၡမူၤအ့လးစံးဘၣ်အီၤ, “တဲဘၣ်အီၤလၢကဟဲဆူတၢ်လီၢ်အံၤတက့ၢ်. အဝဲမ့ၢ်တဟဲတုၤဒံးဘၣ်ဒီးပတလုၢ်ထီၣ်ပာ်ထီၣ် တၢ်ဒံးဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 16:9

အန့ၣ်ဒီး, စီၤယံးၡဲဟဲကိးစီၤၡးမၤလီၤ. စီၤၡမူၤအ့လးစံးဝဲ, “တမ့ၢ်ဘၣ်. ယွၤတဃုထၢစ့ၢ်ကီးအီၤဘၣ်.”