လံာ်စီၤၡမူၤအ့လးခံဘ့ၣ်တဘ့ၣ် 13:29 - Sgaw Karen Common Bible

²⁹ လၢတၢ်န့ၣ်အဃိတၢ်ခ့တၢ်ပှၤတဖၣ်မၤထွဲစီၤအၤဘၡါလိၣ်အတၢ်မၤလိာ်ပိာ်လီၤတဖၣ် ဒီးမၤသံကွံာ်စီၤအၤမနိၣ်န့ၣ်လီၤ. ကယဲၢ်စီၤဒၤဝံးအဖိခွါအဂၤတဖၣ်ဒိးထီၣ်အကသ့ၣ်ဒီးထွးထီၣ်ဃ့ၢ်ကွံာ်ဝဲဒၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:29 Iomraidhean Croise

လံာ်တၢ်ကဲထီၣ်အခီၣ်ထံး 36:24

စီၤစံးဘဧိၣ်အိၣ်ဒီးအဖိခွါခံဂၤလၢအမ့ၢ်ဝဲစီၤအၤယၤဒီး စီၤဧနၤလီၤ. (အဝဲအံၤမ့ၢ်စီၤဧနၤလၢအထံၣ်န့ၢ်ထံကိၢ်ထီၣ်ပၢၢ်တဖၣ်လၢပှၢ် မုၢ်ကနၢအပူၤဖဲအဝဲကွၢ်အပၢ်အကသ့ၣ်ယီၤတဖၣ်အခါန့ၣ်လီၤ.)

လံာ်စီၤၡမူၤအ့လးခံဘ့ၣ်တဘ့ၣ် 12:10

ခဲကနံၣ်အံၤ, လၢစိၤကိးစိၤဒဲးအပူၤ, နစၢၤနသွဲၣ်တနီၤကသံဝဲလၢတၢ်သံဆူၣ်သံစိးတမံၤ, မ့ၢ်လၢနတစူၢ်ယၤဘၣ်ဒီးနဟံးန့ၢ်စီၤအူၤရံယၤအမါ အဃိန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:30

ဖဲအဝဲသ့ၣ်အိၣ်လၢကျဲလၢတၢ်က့ၤဆူဟံၣ်အဖၢမုၢ်န့ၣ်, စီၤဒၤဝံးဘၣ်တၢ်တဲအီၤ, “စီၤအးဘၡါလိၣ်မၤသံကွံာ်နဖိခွါခဲလၢာ်လံ. တအိၣ်တ့ၢ်နီတဂၤလၢၤဘၣ်.”

လံာ်စီၤၡမူၤအ့လးခံဘ့ၣ်တဘ့ၣ် 14:6

တၢ်ဒိၣ်ဧၢ, ယအိၣ်ဒီးဖိခွါခံဂၤ, ဒီးဘၣ်တနံၤန့ၣ်အဝဲသ့ၣ် အ့ၣ်လိာ်အသးလၢပျီတဖၣ်အပူၤ, ဖဲပှၤတအိၣ်နီတဂၤလၢကထုးဖှၣ်အဝဲသ့ၣ်ဘၣ်, ဒီးလၢအကျါတဂၤန့ၣ်မၤသံကွံာ်အဂၤတဂၤလီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:9

သတူၢ်ကလာ်, စီၤအးဘၡါလိၣ်ဘၣ်သဂၢၢ်လိာ်သးဒီးစီၤဒၤဝံးအပှၤတနီၤန့ၣ်လီၤ. စီၤအးဘၡါလိၣ်ဒိးဝဲကသ့ၣ်လၤတဒု, ဒီးဖဲကသ့ၣ်န့ၣ်လဲၤတၢ်လၢသ့ၣ်သ့ထိးဖးဒိၣ်တထံးအဖီလာ်အခါန့ၣ်, စီၤအးဘၡါလိၣ်အခိၣ်သူဘၣ်ဘျးဒီးသ့ၣ်ဒ့တဖၣ်လီၤ. ကသ့ၣ်လၤဃ့ၢ်ဆူညါဒီးစီၤအးဘၡါလိၣ်အိၣ်လီၤစဲၤတ့ၢ်လၢတၢ်ဖးဖီန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:33

အဝဲစံးဘၣ်အဝဲသ့ၣ်, “ကိးဃုာ်ယကွီၢ်အပဒိၣ်ပပှၢ်တဖၣ်ဒီးသု, ဒုးဒိးထီၣ်ယဖိခွါစီၤၡလိၤမိၤလၢယကသ့ၣ်လၤဒၣ်ယဲဒီးလဲၤ ယုၤဒီးကဟုကယာ်အီၤတုၤလီၤဆူထံကီၢ်အထံမူထီၣ်ပၢၢ်,

လံာ်စီၤပၤအခီၣ်ထံးတဘ့ၣ် 1:38

လၢတၢ်န့ၣ်အဃိစီၤစၤဒိး, စီၤနၤသၣ်, စီၤဘနါယၤဒီးစီၤပၤ အခ့အပှၤတဖၣ်ဒုးဒိးထီၣ်စီၤၡလိၤမိၤလၢစီၤပၤဒၤဝံးအကသ့ၣ် လၤဒီးလဲၤယုၤဒီးကဟုကယာ်အီၤတုၤလီၤဆူကံဃိၣ်အထံမူ ထီၣ်ပၢၢ်န့ၣ်လီၤ.

တၢ်ကတိၤဒိ. 29:12

ပှၤပၢတၢ်တဂၤမ့ၢ်ကနၣ်ဃုာ်တၢ်ကစီၣ်တတီတလိၤတဖၣ်ဒီး, အပဒိၣ်ပပှၢ်ခဲလၢာ်ကမ့ၢ်ပှၤလီတၢ်တဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:19

တိၢ်န့ၢ်ယတၢ်မၤလိာ်တဖၣ်တက့ၢ်. ဒုးဒၢထီၣ်သုဆၣ်ဖိကီၢ်ဖိလၢအကလုာ်လီၤဆီလိာ်အသးန့ၣ်တဂ့ၤ. ဖှံလီၤတၢ်ချံခံမံၤလၢအလီၤဆီလိာ်အသးလၢသုစံာ်ပူၤတဂ့ၤ. ဒီးကူထီၣ်သိးထီၣ်တၢ်ကူတၢ်သိးလၢအဘၣ်တၢ်မၤအီၤလၢလုၣ်လီၤ ဆီလိာ်အသးခံမံၤန့ၣ်တဂ့ၤ.

လံာ်မံကၤ 7:3

အဝဲသ့ၣ်ခဲလၢာ်မ့ၢ်ပှၤစဲၣ်နီးလၢတၢ်မၤတၢ်အၢန့ၣ်လီၤ. ပဒိၣ်ဖးဒိၣ်တဖၣ်ဒီးပှၤစံၣ်ညီၣ်ကွီၢ်တဖၣ်ဃ့ခိၣ်ဖးလာ် ဆှိးတဖၣ်လီၤ. ပှၤဟံးစိဟံးကမီၤတဲဘၣ်အဝဲသ့ၣ်တၢ်လၢအသးလီဝဲသတးဒီးအဝဲ သ့ၣ်ကူၣ်ထီၣ်သကိးတၢ်အၢလီၤ.