လံာ်စီၤၡမူၤအ့လးခံဘ့ၣ်တဘ့ၣ် 13:28 - Sgaw Karen Common Bible

²⁸ ဒီးမၤလိာ်ပိာ်လီၤအခ့အပှၤတဖၣ်ဒ်အံၤ, ဖဲစီၤအၤမနိၣ် မုာ်လၤလၢတၢ်အီစပံးထံအါမးအခါန့ၣ်, ပာ်သူၣ်ပာ်သး, ဒီးတုၤယဟ့ၣ်လီၤယကလုၢ်န့ၣ်, မၤသံကွံာ်အီၤတက့ၢ်. ပျံၤတၢ်တဂ့ၤ. ယကဟံးန့ၢ်မူဒါလၢယနီၢ်ကစၢ်ဒၣ်ယဲလီၤ. အိၣ်ဒီးတၢ်သးဒူဒီးမၤသုသးယၢ်တံၢ်ယၢ်တၢၤတဂ့ၤ.

လံာ်စီၤၡမူၤအ့လးခံဘ့ၣ်တဘ့ၣ် 13:28 Iomraidhean Croise

လံာ်တၢ်ကဲထီၣ်အခီၣ်ထံး 9:21

ဒီးအဝဲအီစပံးထံတနီၤဝံၤအလီၢ်ခံမူၤဝဲဒီးဘ့ၣ်လီၤကွံာ် အကူအသိးဒီးမံဝဲအိၣ်ဘ့ၣ်ဆ့လၢအဒဲပူၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 11:13

စီၤဒၤဝံးကွဲအီၤဆူဟါအတၢ်အီၣ်ဒီးဒုးအီမူၤအီၤလၢသံးလီၤ. ဘၣ်ဆၣ်ဒီးအနၤအဝဲန့ၣ်စ့ၢ်ကီးစီၤအူၤရံယၤတက့ၤဆူအဟံၣ်ဘၣ်. အခိၣ်တလိာ်, အဝဲမံဒၣ်လၢအလီၢ်မံအဖီခိၣ်လၢစီၤပၤအနူၢ်ပူၤဖဲပှၤခိးတၢ်ဖိအဒၢးပူၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 11:15

အဝဲကွဲးဝဲဒၣ်, “ပာ်လီၤစီၤအူၤရံယၤလၢတၢ်မဲာ်ညါဖဲတၢ်ဒုးဆူၣ်ကတၢၢ်အလီၢ်, ဒီးဂုၤက့ၤသုဝဲဆူတၢ်လီၢ်ခံဒီးပျဲတၢ်မၤသံကွံာ်အီၤတက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 12:10

ခဲကနံၣ်အံၤ, လၢစိၤကိးစိၤဒဲးအပူၤ, နစၢၤနသွဲၣ်တနီၤကသံဝဲလၢတၢ်သံဆူၣ်သံစိးတမံၤ, မ့ၢ်လၢနတစူၢ်ယၤဘၣ်ဒီးနဟံးန့ၢ်စီၤအူၤရံယၤအမါ အဃိန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:27

ဘၣ်ဆၣ်ဒီးစီၤအးဘၡါလိၣ်တခီတဲထွဲဒံးအီၤသပှၢ်ပှၢ်, တုၤဒၣ်လဲာ်လၢခံကတၢၢ်န့ၣ်, စီၤပၤဒၤဝံးပျဲစီၤအၤမနိၣ်ဒီး အဖိခွါအဂၤတဖၣ်ခဲလၢာ်လဲၤဃုာ်တၢ်ဒီးစီၤအးဘၡါလိၣ်န့ၣ်လီၤ. စီၤအးဘၡါလိၣ်ကတဲာ်ကတီၤတၢ်အီၣ်အမူးတမူး လၢအကြၢးဝဲလၢစီၤပၤတဂၤအဂီၢ်,

လံာ်စီၤၡမူၤအ့လးခံဘ့ၣ်တဘ့ၣ် 14:6

တၢ်ဒိၣ်ဧၢ, ယအိၣ်ဒီးဖိခွါခံဂၤ, ဒီးဘၣ်တနံၤန့ၣ်အဝဲသ့ၣ် အ့ၣ်လိာ်အသးလၢပျီတဖၣ်အပူၤ, ဖဲပှၤတအိၣ်နီတဂၤလၢကထုးဖှၣ်အဝဲသ့ၣ်ဘၣ်, ဒီးလၢအကျါတဂၤန့ၣ်မၤသံကွံာ်အဂၤတဂၤလီၤ.

လံာ်စီၤပၤအခီၣ်ထံးတဘ့ၣ် 20:16

တၢ်ဒုးစးထီၣ်မၤအသးဖဲမုၢ်ထူၣ်အကတီၢ်ဖဲစီၤဘ့ၣ်ဟဒးဒီး အသိၣ်အမှံၤသၢဆံဂၤအီမူၤအသးလၢဒဲတဖၣ်အပူၤအခါန့ၣ်လီၤ.

လံာ်နီၢ်အ့ၤစတၢ် 1:10

ဒီးလၢတၢ်အီၣ်တၢ်အီအမူးဖးဒိၣ်နွံနံၤတနံၤ, ဖဲစီၤပၤမုာ်လၤဝဲလၢစပံးထံအကတီၢ်အခါန့ၣ်, ကိးဃီၤပှၤဒ့ဒံၣ်ဖိနွံဂၤလၢအမ့ၢ်အနီၢ်ကစၢ်ဒၣ်ဝဲအခ့အပှၤ, စီၤမဟူမၣ်, စီၤဘံးစသၤ, စီၤဃၤရဘိနၤ, စီၤဘံးကသၤ, စီၤအဘၤကသၤ, စီၤစ့သၢ်ဒီးစီၤကၤရယၣ်တဖၣ်န့ၣ်လီၤ.

စံးထီၣ်ပတြၢၤ 104:15

ဒီးစပံးထံလၢကမၤသးခုပှၤကညီအသး, သိလၢအကဒုးကပီၤထီၣ်ပှၤကညီအမဲာ်, ဒီးကိၣ်လၢကဟ့ၣ်ဂံၢ်ဟ့ၣ်ဘါ ပှၤကညီအသးအဂီၢ်လီၤ.

လံာ်တၢ်ဟးထီၣ်ကွံာ် 1:18

မၤသးဒ်န့ၣ်ဒီးစီၤပၤကိးန့ၢ်ပှၤကွၢ်ပဟုးတဖၣ်ဒီးသံကွၢ်ဝဲ, “ဘၣ်မနုၤလၢသုပျဲဖိသၣ်ပိာ်ခွါတဖၣ်အိၣ်မူဝဲဒၣ်န့ၣ်လဲၣ်.”

လံာ်ပှၤစံၣ်တဲၤတဲလီၤတၢ် 10:19

အီၣ်တၢ်အီတၢ်မၤသူၣ်ဖှံသးညီနၤဒီးစပံးထံမၤသးဖှံထီၣ် နၤလီၤ. ဘၣ်ဆၣ်စ့မ့ၢ်တအိၣ်ဘၣ်ဒီးနမၤတၢ်န့ၣ်တန့ၢ်နီတမံၤဘၣ်.

လံာ်ပှၤစံၣ်တဲၤတဲလီၤတၢ် 9:7

လဲၤကာ်နဲာ်, အီၣ်နတၢ်အီၣ်ဒီးသူၣ်ခုသးခုနဲ, အီနစပံးထံဒီးသူၣ်ဖှံသးညီနဲတက့ၢ်. တၢ်န့ၣ်ဂ့ၤဝဲလၢကစၢ်ယွၤအမဲာ်လီၤ.

လံာ်ဒၤနံးယ့လး 5:30

ဒီးလၢမုၢ်တနၤဃီန့ၣ်အပူၤ, ကီၢ်ဘၤဘူၤလိၣ်အစီၤပၤစီၤပၤ ဘ့ၤလၡါစၢ်ဘၣ်တၢ်မၤသံကွံာ်အီၤန့ၣ်လီၤ.

လံာ်နၤဃူၣ် 1:10

ဒ်မ့ၣ်အူအီၣ်ကွံာ်တၤဆှုၣ်တၤမဲဘံဘူအသးတဖၣ် ဒီးဘုလီၢ်ခိၣ်ဆၢၣ်အဃ့အသိးန့ၣ်, သုဝဲပှၤအီမူၤအသးသ့ၣ်တဖၣ်ဒီးသုတၢ်အိတၢ်အီၣ်တဖၣ် မ့ၣ်အူကအီၣ်ကွံာ်န့ၣ်လီၤ.

လံာ်လူၤကၣ် 21:34

အိၣ်ပလီၢ်သူၣ်ပလီၢ်သးတက့ၢ်. တဘၣ်ပျဲသုဆၢကတီၢ်လၢာ်ကွံာ်လၢ တၢ်အီၣ်လုၣ်ကိအီလုၣ်ကပာ်တၢ်ဒီးအအံၤတဃၣ်အတၢ်ကိၢ်တၢ်ဂီၤ တဖၣ်အဂီၢ်န့ၣ်တဂ့ၤ. မ့တမ့ၢ်ဘၣ်ဒီး, မုၢ်နံၤမုၢ်သီတနံၤန့ၣ်ကဟဲတုၤအိၣ်သုသတူၢ်ကလာ်လီၤ.

မၤတၢ် 5:29

စီၤပ့းတရူးဒီးပှၤတၢ်မၢဖိအဂၤတဖၣ်စံးဆၢဝဲ, “ပဘၣ်စူၢ်ကစၢ်ယွၤအါန့ၢ်ပစူၢ်ပှၤကညီတက့ၢ်လီၤ.

လံာ်စီၤယိၤၡူ 1:9

သ့ၣ်နီၣ်ထီၣ်လၢယမၤလိာ်တ့ၢ်နၤလၢနကပာ်ဆူၣ်နသးဒီးသူၣ်ဒူသး ဒူန့ၣ်တက့ၢ်. တဘၣ်ပျံၤတၢ်တဂ့ၤ, ဒီးတဘၣ်တ့ၢ်စၢ်လီၤနဂံၢ်နဘါတဂ့ၤ. ယၤ, ယွၤနကစၢ်အိၣ်ဒီးနၤဖဲနလဲၤတၢ်တပူၤလၢ်လၢ်န့ၣ်လီၤ.”

လံာ်ပှၤစံၣ်ညီၣ်ကွီၢ် 19:22

ဖဲအဝဲသ့ၣ်သူၣ်ဖှံသးညီအကတီၢ်န့ၣ်သတူၢ်ကလာ်ပှၤအလုၢ် အလၢ်တဂ့ၤလၢဝ့ၢ်ပူၤတနီၤကဝီၤဃာ်ဟံၣ်န့ၣ်ဒီးဒိတကျိာ်တြဲၤလီၤ. အဝဲသ့ၣ်စံးဘၣ်ပှၤသးပှၢ်န့ၣ်, “ဟဲကိးထီၣ်ပှၤတဂၤလၢအဟဲက့ၤပိာ်နခံဆူနဟံၣ်တက့ၢ်. ပအဲၣ်ဒိးမံဃုာ်ဒီးအီၤလီၤ.”

လံာ်ပှၤစံၣ်ညီၣ်ကွီၢ် 19:6

ဒီးပှၤခံဂၤန့ၣ်ဆ့ၣ်နီၤဒီးအီၣ်သကိးအီသကိးတၢ်လီၤ. တုၤနုၤတစု ပိာ်မုၣ်ဖိအပၢ်န့ၣ်စံးဘၣ်အီၤ, “မံဖဲအံၤတနၤဒီးမၤမုာ်နသးတက့ၢ်.”

လံာ်ပှၤစံၣ်ညီၣ်ကွီၢ် 19:9

ဖဲပှၤတဂၤန့ၣ်, ဒီးအသံၣ်မါဒီးအခ့အပှၤကဟးထီၣ်အဆၢန့ၣ်ပိာ် မုၣ်ဖိအပၢ်စံးအီၤ, “ကွၢ်ကွၢ်, ဘူးမုၢ်ကဟါလံ. နကြၢးအိၣ်ကဒီးအသီတနၤလီၤ. တၢ်ကခံးလီၤလီၤ. အိၣ်ဖဲအံၤဒီးမၤမုာ်နသးတက့ၢ်. ခဲမုၢ်ဆ့ၣ်နဂဲၤထၢၣ်ဂီၤဂီၤဒီးက့ၤဆူဟံၣ်သ့ဝဲလီၤ.”

လံာ်နီၢ်ရူၤသး 3:7

ဖဲစီၤဘိၤဧးအီၣ်တၢ်ဒီးအီတၢ်ဝံၤဝဲန့ၣ်, အသူၣ်ဖှံအသးညီဝဲလီၤ. ဒီးလဲၤမံလီၤဝဲလၢဘုပူၣ်အကတၢၢ်န့ၣ်လီၤ. အန့ၣ်ဒီး, နီၢ်ရူၤသးဟဲဝဲကယီကယီ, အိးထီၣ်တၢ်လၢအမၤဘၢအခီၣ်ဒီးမံလီၤဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:22

အဝဲမၤလိာ်အသုးခိၣ်သုးနၢ်တဖၣ်လၢကကတိၤခူသူၣ်တၢ်ဒီးစီၤဒၤ ဝံးဒီးစံးဘၣ်အီၤ, “စီၤပၤန့ၣ်ဘၣ်သူၣ်ဘၣ်သးလၢနၤဒီးကယဲၢ်အသုးခိၣ်သုးနၢ်တဖၣ် ဘၣ်သူၣ်ဘၣ်သးနၤလီၤ. ခဲအံၤမ့ၢ်တၢ်ဆၢကတီၢ်အဂ့ၤအဘၣ်လၢနကဖျီနသးဒီးအဖိမုၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 28:10

တုၤနုၤတစုစီၤစီလူးမၤတၢ်ဆိၣ်စီဆှံတခါစံးဝဲ, “ယအၢၣ်လီၤခီဖျိယွၤလၢအမူဝဲတဂၤအမံၤ, လၢနမၤတၢ်အံၤအဃိဒီးနတဘၣ်တၢ်စံၣ်ညီၣ်နၤဘၣ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 28:13

စီၤစီလူးစံးဘၣ်ပိာ်မုၣ်န့ၣ်, “ပျံၤတၢ်တဂ့ၤ. နထံၣ်တၢ်မနုၤလဲၣ်.” ပိာ်မုၣ်စံးဆၢဝဲ, “ယထံၣ်ဘၣ်ပှၤအကလၤတဂၤဟဲထီၣ်လၢဟီၣ်ခိၣ်လာ်လီၤ.”