လံာ်စီၤၡမူၤအ့လးခံဘ့ၣ်တဘ့ၣ် 13:26 - Sgaw Karen Common Bible

²⁶ ဘၣ်ဆၣ်, စီၤအးဘၡါလိၣ်စံးအီၤ, “ဂ့ၤလံ. မ့မ့ၢ်ဒ်န့ၣ်ဒီး, အစှၤကတၢၢ်မ်နကပျဲယဒီပုၢ်ဝဲၢ်ခွါစီၤအၤမနိၣ်ဟဲတက့ၢ်.” စီၤပၤသံကွၢ်အီၤ, “ဘၣ်မနုၤလၢအဝဲကဘၣ်လဲၤဝဲန့ၣ်လဲၣ်.”

လံာ်စီၤၡမူၤအ့လးခံဘ့ၣ်တဘ့ၣ် 13:26 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 13:25

စီၤပၤစံးဆၢဝဲဒၣ်, “တသ့ဘၣ်, ယဖိခွါဧၢ, ပမ့ၢ်လဲၤခဲလၢာ်ဒီးကကဲထီၣ်တၢ်ကီတၢ်ခဲဒိၣ်ကဲာ်ဆိးလၢနဂီၢ်န့ၣ်လီၤ.” စီၤအးဘၡါလိၣ်တဲအီၤသပှၢ်ပှၢ်ဘၣ်ဆၣ်ဒီး စီၤပၤတအၢၣ်လီၤဝဲဘၣ်. ဒီးအဝဲမၢစီၤအးဘၡါလိၣ်ဟးထီၣ်ကွံာ်ဝဲန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:27

ဘၣ်ဆၣ်ဒီးစီၤအးဘၡါလိၣ်တခီတဲထွဲဒံးအီၤသပှၢ်ပှၢ်, တုၤဒၣ်လဲာ်လၢခံကတၢၢ်န့ၣ်, စီၤပၤဒၤဝံးပျဲစီၤအၤမနိၣ်ဒီး အဖိခွါအဂၤတဖၣ်ခဲလၢာ်လဲၤဃုာ်တၢ်ဒီးစီၤအးဘၡါလိၣ်န့ၣ်လီၤ. စီၤအးဘၡါလိၣ်ကတဲာ်ကတီၤတၢ်အီၣ်အမူးတမူး လၢအကြၢးဝဲလၢစီၤပၤတဂၤအဂီၢ်,

လံာ်စီၤၡမူၤအ့လးခံဘ့ၣ်တဘ့ၣ် 20:9

စီၤယိၤအာ်စံးဘၣ်စီၤဧမါစၤ, “ယတံၤသကိးဧၢ, နအိၣ်ဆူအိၣ်ချ့စ့ၢ်ကီးဧါ.” ဒီးစီၤယိၤအာ်ဖီၣ်ဃးစီၤဧမါ စၤအခၣ်ဆူၣ်လၢအစုထွဲဒ်သိးအကနၢမူအီၤအဂီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:27

ဖဲစီၤအဘံန့ၢ်ဟဲတုၤလၢဝ့ၢ်ဃ့ဘြိၣ်န့ၣ်စီၤယိၤအာ်ကိးအီၤ ဆူကျဲစၢၤအကပၤမၤသးဒ်အအဲၣ်ဒိးကတိၤတၢ်ဒီးအီၤထဲခံဂၤဧိၤ န့ၣ်လီၤ. ဒီးဖဲန့ၣ်အဝဲဆဲးအီၤလၢအဟၢဖၢန့ၣ်လီၤ. အဂ့ၢ်ဒ်အံၤ, အဝဲမၤသံတ့ၢ်စီၤယိၤအာ်အဒီပုၢ်ဝဲၢ်ခွါစီၤဧစၤအ့လးအဃိလီၤ.

စံးထီၣ်ပတြၢၤ 55:21

အတၢ်စံးတၢ်ကတိၤဘျ့န့ၢ်တၢ်နုၢ်ထံအသိတက့ၢ်လီၤ. မ့မ့ၢ်တၢ်ဒုးသုးအသးန့ၣ်အိၣ်လၢအပူၤလီၤ. အတၢ်ကတိၤတဖၣ်စၢ်န့ၢ်သိတက့ၢ်လီၤ, ဘၣ်ဆၣ်မ့ၢ်နးလၢအဘီၣ်ထီၣ်အသးတဖၣ်လီၤ.

တၢ်ကတိၤဒိ. 26:24

ပှၤပာ်မၤအသးတဂၤန့ၣ်ပာ်ခူသူၣ်အတၢ်သးဟ့လၢအတၢ်ကတိၤလွဲန့ၢ် တၢ်တဖၣ်အပူၤလီၤ.

လံာ်ယံးရမံယၤ 9:7

လၢတၢ်အံၤအဃိယွၤသ့တၢ်လၢာ်စံးဝဲဒၣ်, “ယကပှံၢ်ယပှၤဂီၢ်မုၢ်ဒ်တိၢ်စ့ထးအသိး, ဒီးမၤကွၢ်အဝဲသ့ၣ်န့ၣ်လီၤ. ယပှၤဂီၢ်မုၢ်မၤတ့ၢ်တၢ်အၢတၢ်သီလံ. ယသူအဝဲသ့ၣ်လၢတၢ်အဂုၤအဂၤအဂီၢ်ကသ့ဒ်လဲၣ်.