လံာ်စီၤၡမူၤအ့လးခံဘ့ၣ်တဘ့ၣ် 13:20 - Sgaw Karen Common Bible

²⁰ ဖဲအဒီပုၢ်ဝဲၢ်ခွါစီၤအၤဘၡါလိၣ်ထံၣ်အီၤန့ၣ်အဝဲသံကွၢ်အီၤ, “မ့ၢ်စီၤအၤမနိၣ်မၤတရီတပါနၤန့ၣ်ဧါ. ဝံသးစူၤလီၤ, ပျဲတၢ်မၤအသးန့ၣ်မၤတံာ်တာ်နသးနးကဲၣ်ဆိးတဂ့ၤ, ယဒီပုၢ်ဝဲၢ်မုၣ်ဧၢ. အဝဲမ့ၢ်နဒီပုၢ်ဝဲၢ်ခွါလၢအမိၢ်တမ့ၢ်တမိၢ်ဃီဘၣ်အဃိ, တဲဘၣ်ပှၤနီတဂၤလၢတၢ်ဂ့ၢ်အံၤတဂ့ၤ.” လၢတၢ်န့ၣ်အဃိ, နီၢ်တၤမၢ်အိၣ်ဆိးဝဲလၢစီၤအးဘၡါလိၣ်အဟံၣ်ပူၤ, ပှဲၤဒီးတၢ်သူၣ်အုးသးအုးဒီးတၢ်သယုၢ်သညိန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:20 Iomraidhean Croise

လံာ်တၢ်ကဲထီၣ်အခီၣ်ထံး 34:2

တုၤပှၤဃံၤဝံၤဖိစီၤဃမိၢ်အဖိခွါစီၤၡက့ၣ်, ပဒိၣ်ဖဲလီၢ်ကဝီၤန့ၣ်ထံၣ်အီၤဒီးဟံးန့ၢ်အီၤဒီးမၤဆူၣ်မၤ စိးအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 46:15

လၢအဖိမုၣ်နီၢ်ဒံနၤအမဲာ်ညါန့ၣ်, ပှၤသ့ၣ်တဖၣ်အံၤ, မ့ၢ်ဖိခွါတဖၣ်လၢနီၢ်လ့ၤအၤဆံးစၢ်န့ၢ်လၢစီၤယၤကိာ်အဂီၢ် လၢကီၢ်မ့းစပတၤမံအပူၤန့ၣ်လီၤ. အစၢၤအသွဲၣ်တဖၣ်လၢနီၢ်လ့ၤအၤအတၢ်ဂံၢ်မ့ၢ်ဝဲခဲလၢာ်သၢဆံသၢ ဂၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:19

အဝဲဖှံလီၤဖၣ်ဆါတဖၣ်လၢအခိၣ်လိၤ, ဖှီယာ်အဆ့ကၤဖးထီ ဒီးမၤဘၢအမဲာ်သၣ်လၢအစုတဖၣ်ဒီးဟးထီၣ်ကွံာ်လၢတၢ်ဟီၣ်တၢ်ယၢၤ အပူၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:21

ဖဲစီၤပၤဒၤဝံးနၢ်ဟူဘၣ်တၢ်လၢအမၤတ့ၢ်အသးန့ၣ်, အဝဲအသးထီၣ်ကဲၤဝဲနးနးကလဲာ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 14:24

ဘၣ်ဆၣ်ဒီးစီၤပၤဟ့ၣ်လီၤအကလုၢ်လၢစီၤအးဘၡါလိၣ်တဘၣ်အိၣ်လၢနူၢ်ပူၤစီၤပူၤဘၣ်. စီၤပၤစံးဝဲဒၣ်, “ယတအဲၣ်ဒိးထံၣ်အီၤဘၣ်.” လၢတၢ်န့ၣ်အဃိစီၤအးဘၡါလိၣ်အိၣ် လၢအဟံၣ်ဒၣ်ဝဲအပူၤဒီးတပာ်ဖျါထီၣ်အသးလၢစီၤပၤအမဲာ်ညါန့ၣ်ဘၣ်.

တၢ်ကတိၤဒိ. 26:24

ပှၤပာ်မၤအသးတဂၤန့ၣ်ပာ်ခူသူၣ်အတၢ်သးဟ့လၢအတၢ်ကတိၤလွဲန့ၢ် တၢ်တဖၣ်အပူၤလီၤ.

ရိမ့ၤ 12:19

ယတံၤသကိးသးဘိသ့ၣ်ဧၢ, တဘၣ်မၤကၣ်တၢ်တဂ့ၤ, မ့မ့ၢ်ပျဲကစၢ်ယွၤအတၢ်သးထီၣ်ကမၤဒၣ်ဝဲတက့ၢ်. အဂ့ၢ်ဒ် လဲၣ်န့ၣ်, တၢ်ကွဲးအသးစီဆှံစံးဝဲ, “ယကမၤကၣ်က့ၤတၢ်, ယကမၤဆၢက့ၤတၢ်, ကစၢ်စံးဝဲဒၣ်လီၤ.”