လံာ်စီၤၡမူၤအ့လးခံဘ့ၣ်တဘ့ၣ် 13:13 - Sgaw Karen Common Bible

¹³ ယကမိာ်ထီၣ်ယခိၣ်လၢပှၤကမျၢၢ်အမဲာ်ညါကသ့ကဒီးဒ်လဲၣ်. ဒီးနဲဒၣ်, နကဘၣ်တၢ်မဲာ်ဆှးလၢာ်လၢာ်ဆ့ဆ့ လၢကီၢ်အံၣ်စရ့လးအပူၤန့ၣ်လီၤ. ဝံသးစူၤကတိၤတၢ်ဒီးစီၤပၤတက့ၢ်. ယနာ်သပှၢ်တၢၢ်လၢအဝဲကဟ့ၣ်လီၤယၤဆူနအိၣ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 13:13 Iomraidhean Croise

လံာ်တၢ်ကဲထီၣ်အခီၣ်ထံး 19:8

ကွၢ်, ယအိၣ်ဒီးယဖိမုၣ်ခံဂၤလၢအအိၣ်ဒံးဒၣ်မုၢ်ကနီၤဆှံဆှံ လီၤ. ပျဲယဟဲစိာ်ထီၣ်န့ၢ်အီၤဆူသုအိၣ်ဒီးသုမၤအဝဲသ့ၣ်ဖဲတၢ် မိၣ်မၤသုသးသ့ဝဲလီၤ. မ့မ့ၢ်ပှၤတဖၣ်အံၤမၤအီၤလၢတၢ်နီတမံၤတဂ့ၤ. အဝဲသ့ၣ်မ့ၢ်ဒၣ်ပှၤတမှံၤလၢယဟံၣ်ပူၤဒီးယကဘၣ်ဒီဒၣ်အိၣ်ပှိၤ အီၤန့ၣ်လီၤ.”

လံာ်တၢ်ကဲထီၣ်အခီၣ်ထံး 20:12

နီၢ်စၤရါမ့ၢ်ယဒီပုၢ်ဝဲၢ်မုၣ်နီၢ်နီၢ်လီၤ. အဝဲမ့ၢ်ယပၢ်အဖိမုၣ်ဘၣ်ဆၣ်တမ့ၢ်ယမိၢ်အဖိမုၣ်န့ၣ်ဘၣ်. ဒီးယဒိးတ့ဒိးဖျီယသးဒီးအီၤလီၤ.

လံာ်သိၣ်လီၤသီလီၤတၢ် 22:21

အန့ၣ်တစု, အဝဲသ့ၣ်ကဘၣ်ကိးထီၣ်ကွံာ်အီၤလၢအဝဲအပၢ်အဟံၣ်အကျဲစၢၤ, တၢ်လီၢ်ဖဲအဝဲအဝ့ၢ်အပှၤပိာ်ခွါတဖၣ်ကဘၣ်ကွံာ်သံအီၤလၢလၢၢ် န့ၣ်လီၤ. အဝဲမၤတ့ၢ်တၢ်လီၤမဲာ်ဆှးတမံၤလၢပပှၤဂီၢ်မုၢ်အကျါ ခီဖျိမံဃုာ်အိၣ်ဃုာ်တ့ၢ်ဒီးပှၤပိာ်ခွါတချုးဒံးလၢအဝဲဒိးတ့ဒိးဖျီအသးဘၣ်, ဖဲအဝဲအိၣ်ဆိးဒံးဒၣ်လၢအပၢ်အဟံၣ်အခါအဃိန့ၣ်လီၤ. လၢကျဲဒ်အံၤန့ၣ်သုကပူၤဖျဲးဒီးတၢ်အၢတၢ်သီအံၤန့ၣ်လီၤ.

လံာ်ပှၤစံၣ်ညီၣ်ကွီၢ် 19:24

ကွၢ်ကွၢ်, အဝဲအသံၣ်မါဒီးယဖိမုၣ်, မုၣ်ကနီၤဖိအိၣ်ဝဲလီၤ. ယကဟဲကိးထီၣ်အဝဲသ့ၣ်ခဲအံၤဒီးသုဟံးန့ၢ်အီၤသ့လီၤ. ကယဲၢ်တၢ်လၢသုသးအိၣ်မၤအဝဲသ့ၣ်တမံၤလၢ်လၢ်န့ၣ်မၤအီၤတက့ၢ်. မ့မ့ၢ်တၢ်အၢတၢ်သီတမံၤန့ၣ်မၤပှၤတဂၤအံၤတဂ့ၤ”