လံာ်စီၤၡမူၤအ့လးခံဘ့ၣ်တဘ့ၣ် 12:9 - Sgaw Karen Common Bible

⁹ မ့မ့ၢ်ဒ်န့ၣ်ဒီးဘၣ်မနုၤအဃိ, နတစူၢ်ဘၣ်ယတၢ်မၤလိာ်တဖၣ်န့ၣ်လဲၣ်. ဘၣ်မနုၤနမၤတၢ်အၢတၢ်သီတမံၤအံၤန့ၣ်လဲၣ်. နပျဲစီၤအူၤရံယၤဘၣ်တၢ်မၤသံကွံာ်အီၤလၢတၢ်ဒုးတၢ်ယၤအပူၤ, နပျဲပှၤဧၣ်မိၣ်ဖိတဖၣ်မၤသံကွံာ်အီၤ, အန့ၣ်ဝံၤဒီးနဟံးန့ၢ်ကွံာ်အမါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 12:9 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 11:4

စီၤဒၤဝံးပျဲလီၤအပှၤစိာ်တၢ်ကစီၣ်တဖၣ် လၢကလဲၤကိးပိာ်မုၣ်န့ၣ်လီၤ. အဝဲသ့ၣ်ဟဲက့ၤစိာ်ပိာ်မုၣ်န့ၣ်ဆူအဝဲအအိၣ်ဒီးအဝဲဒၣ်မံဃုာ်ဂဲၤဃုာ်ဒီးအီၤလီၤ. (ပိာ်မုၣ်န့ၣ်မၤကဆှီအသးဝံၤသီသီလၢပိာ်မုၣ်အလုၢ်အလၢ်တလါတဘျီန့ၣ်လီၤ.) အန့ၣ်ဝံၤဒီးပိာ်မုၣ်န့ၣ်က့ၤကဒါက့ၤဆူအဟံၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 12:10

ခဲကနံၣ်အံၤ, လၢစိၤကိးစိၤဒဲးအပူၤ, နစၢၤနသွဲၣ်တနီၤကသံဝဲလၢတၢ်သံဆူၣ်သံစိးတမံၤ, မ့ၢ်လၢနတစူၢ်ယၤဘၣ်ဒီးနဟံးန့ၢ်စီၤအူၤရံယၤအမါ အဃိန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 16:7

စီၤၡံမံၤဆိၣ်အၢအီၤဒီးစံးဝဲဒၣ်, “ဟးထီၣ်ကွံာ်တက့ၢ်. ဟးထီၣ်ကွံာ်တက့ၢ်. ပှၤမၤသံမၤဝီတၢ်ဧၢ, ပှၤမၤကမၣ်တၢ်ဖိဧၢ.

လံာ်စီၤပၤအခီၣ်ထံးတဘ့ၣ် 15:5

ယွၤမၤတ့ၢ်တၢ်အံၤမ့ၢ်လၢစီၤဒၤဝံးမၤတ့ၢ်တၢ်လၢအမၤမုာ်ယွၤ အသးဒီးစူၢ်အဝဲအတၢ်မၤလိာ်တဖၣ်ထီဘိ, မ့တမ့ၢ်ဘၣ်ထဲလၢတၢ်ဂ့ၢ်တမံၤလၢအဘၣ်ထွဲဒီးပှၤဃ့ၤသးဖိစီၤ အူၤရံယၤဘၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 21:19

တဲဘၣ်အီၤလၢယၤ, ယွၤစံးဘၣ်အီၤ, ဖဲနမၤသံကွံာ်ပှၤတဂၤဝံၤ အလီၢ်ခံန့ၣ်, မ့ၢ်နကဟံးန့ၢ်ကွံာ်အတၢ်စုလီၢ်ခီၣ်ခိၣ်စ့ၢ်ကီးဧါ. တဲဘၣ်အီၤလၢအအံၤမ့ၢ်တၢ်လၢယစံးန့ၣ်တက့ၢ်. ဖဲတၢ်လီၢ်တတီၤဃီလၢထွံၣ်တဖၣ်လ့ၣ်ကွံာ်စီၤနၤဘိးအသွံၣ်န့ၣ် အဝဲသ့ၣ်ကလ့ၣ်ထီၣ်ကွံာ်နသွံၣ်စ့ၢ်ကီးန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 33:6

အဝဲလုၢ်ထီၣ်တ့ၢ်အဖိခွါတဖၣ်လၢဟံၣ်နိၣ်အတၢ်တြီၤအပူၤဒ်တၢ် လုၢ်မ့ၣ်အူတဖၣ်အသိးန့ၣ်လီၤ. အဝဲမၤတၢ်ဒ်ပှၤနာ်တၢ်ဝံတၢ်ကလၤဒီးတၢ်မၤကဒါမဲာ်ဒီးသံကွၢ် တၢ်လၢပှၤဒွးတၢ်ဟဲဝံဟဲစိာ်ဒီးပှၤအိၣ်ဒီးပှၤသံအကလၤတဖၣ် န့ၣ်လီၤ. အဝဲမၤတၢ်ဒဲးဘးဖးဒိၣ်ထီဒါယွၤဒီးထိၣ်ဂဲၤထီၣ်အတၢ်သးထီၣ် န့ၣ်လီၤ.

စံးထီၣ်ပတြၢၤ 51:14

ကစၢ်ယွၤဧၢ, မၤပူၤမၤဖျဲးယၤလၢတၢ်သံန့ၣ်တက့ၢ်. နမ့ၢ်ယတၢ်အုၣ်က့ၤခီၣ်က့ၤအကစၢ်, ဒီးယပျ့ၤကသးဝံၣ်ထီၣ်နၤဒိၣ်ဒိၣ် လၢနတၢ်မၤပူၤဖျဲးအဃိလီၤ.

စံးထီၣ်ပတြၢၤ 51:16

အဂ့ၢ်ဒ်အံၤ, နတဘၣ်ဘၣ်နသးလၢတၢ်လုၢ်ဘၣ်. မ့ၢ်ယကဟ့ၣ်နၤတၢ်လုၢ်မ့ၣ်အူလၢ နတဘၣ်ဘၣ်နသးန့ၣ်ဧါ.

စံးထီၣ်ပတြၢၤ 51:4

ယမၤကမၣ်ဘၣ်တ့ၢ်လံနၤ, ထဲနၤတဂၤဧိၤ, ဒီးမၤတၢ်အၢလၢနမဲာ်ညါလံ. မၤသးဒ်န့ၣ်ဒီး, နမၤတၢ်တီတၢ်လိၤလၢ နတၢ်စံၣ်ညီၣ်ယၤအပူၤ ဒီးတၢ်ပာ်တၢ်ကမၣ်အလီၢ်တအိၣ်လၢ နတၢ်စံၣ်ညီၣ်အပူၤဘၣ်န့ၣ်လီၤ.

စံးထီၣ်ပတြၢၤ 90:8

နပာ်လီၤပတၢ်ဒဲးဘးတဖၣ်လၢနမဲာ်ညါ, ပတၢ်ဒဲးဘးခူသူၣ်တဖၣ်လၢတၢ်လီၢ်ဖဲ နထံၣ်သ့ဝဲအလီၢ်န့ၣ်လီၤ.

တၢ်ကတိၤဒိ. 14:2

တၢ်အိၣ်မူတီတီလိၤလိၤမ့ၢ်နတၢ်ပာ်ဖျါထီၣ်နအိၣ်ဒီးတၢ်ပျံၤ ယွၤလီၤ. တၢ်အိၣ်မူတတီတလိၤန့ၣ်မ့ၢ်နတၢ်ပာ်ဖျါထီၣ်လၢနတအိၣ် ဒီးတၢ်ပျံၤအီၤဘၣ်လီၤ.

လံာ်ယၡါယၤ 5:24

လၢတၢ်န့ၣ်အဃိအခဲအံၤ, ဒ်ဘုလီၢ်ဒီးကပံာ်ဃ့သွံးထီၣ်ကွံာ် ဒီးမ့ၣ်အူအီၣ်အီၤအသိး, သုဂံၢ်တဖၣ်ကအုၣ်ကကျၣ်ကွံာ် ဒီးသုသိၣ်သုဖီတဖၣ်ကဃ့ထီဒီးဒံကွံာ်ဝဲလီၤ. အဂ့ၢ်ဒ်အံၤ, သုညိကွံာ်တၢ်လၢယွၤသ့တၢ်လၢာ်ကစၢ်, အံၣ်စရ့လးအကစၢ်ယွၤစီဆှံ, သိၣ်လိတ့ၢ်ပှၤအဃိန့ၣ်လီၤ.

လံာ်ယံးရမံယၤ 18:10

ပှၤကလုာ်အဝဲန့ၣ်မ့ၢ်တစူၢ်ယၤဘၣ်ဒီးမၤတၢ်အၢန့ၣ်, ယတမၤ တၢ်လၢယစံးတ့ၢ်လၢယကမၤအီၤန့ၣ်ဘၣ်.

လံာ်ဧၤမိၣ် 2:4

ဒီးယွၤစံးဝဲဒၣ်, “ပှၤကီၢ်ယူဒၤဖိတဖၣ်မၤတ့ၢ်လံတၢ်ဒဲးဘးတဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်တပာ်ကဲဘၣ်ယတၢ်သိၣ်လိဒီးတတိၢ်န့ၢ်ဘၣ် ယတၢ်မၤလိာ်တဖၣ်ဘၣ်. အဝဲသ့ၣ်ဘၣ်တၢ်ဆှၢကမၣ်တ့ၢ်လံအီၤလၢတၢ်ဂီၤတၢ်ဖီၣ်တမံၤဃီလၢ အမိၢ်ပၢ်လၢပျၢၤတဖၣ်မၤတ့ၢ်အတၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:19

ဒီးဘၣ်မနုၤလၢနတစူၢ်အီၤန့ၣ်လဲၣ်. ဘၣ်မနုၤလၢနဃ့ၢ်သဖှိ ဃီၤဒ်သိးနကစှီၤတၢ်ဂုာ်န့ၢ်တဖၣ်ဒီးမၤတၢ်န့ၣ်လၢတၢ်မၤသး အုးယွၤအသးန့ၣ်လဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 15:23

တၢ်ပူထီၣ်ထီဒါအီၤန့ၣ်အၢထဲသိးဒီးတၢ်ဝံတၢ်နါအတၢ်ဖံးတၢ်မၤတဖၣ် ဒီးတၢ်ပာ်ထီၣ်ထီသးန့ၣ်မ့ၢ်တၢ်ဒဲးဘးပှဲၤသိးသိးဒီး တၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်န့ၣ်လီၤ. မ့ၢ်လၢနဂ့ၢ်လိာ်ယွၤအတၢ်မၤလိာ်တဖၣ်အဃိအဝဲညိကွံာ်နၤဒ်စီၤ ပၤတဂၤအသိးန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 15:26

စီၤၡမူၤအ့လးစံးဝဲ, “ယတက့ၤဒီးနၤဘၣ်. နသမၢတ့ၢ်ယွၤအတၢ်မၤလိာ်ဒီးအဝဲညိကွံာ်လံၤနၤဒ်ကီၢ်အံၣ်စရ့ လးအစီၤပၤလံ.”