လံာ်စီၤၡမူၤအ့လးခံဘ့ၣ်တဘ့ၣ် 12:7 - Sgaw Karen Common Bible

⁷ စီၤနၤသၣ်စံးဘၣ်စီၤဒၤဝံး, “နမ့ၢ်ပှၤအဝဲန့ၣ်လီၤ. ဒီးတၢ်အံၤ, မ့ၢ်တၢ်လၢယွၤ, ကီၢ်အံၣ်စရ့လးအကစၢ်ယွၤစံးဝဲဒၣ်လီၤ. ယဒုးကဲထီၣ်နၤကီၢ်အံၣ်စရ့လးအစီၤပၤဒီးမၤပူၤဖျဲးနၤလၢ စီၤစီလူးအစုပူၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 12:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:13

ပိာ်မုၣ်န့ၣ်စံးဘၣ်အီၤ, “ဘၣ်မနုၤအဃိနကူၣ်ထီၣ်တၢ်ကမၣ်ဒ်န့ၣ်တမံၤ ထီဒါကစၢ်ယွၤအပှၤဂီၢ်မုၢ်န့ၣ်လဲၣ်. နတပျဲဘၣ်နဖိခွါဒၣ်နဲလၢကဟဲက့ၤကဒါက့ၤလၢတၢ်ဃ့ၢ်ပူၤဖျဲးအသးအလီၢ်ဘၣ်. လၢတၢ်န့ၣ်အဃိ, နမ့ၢ်ပှၤစံၣ်ညီၣ်လီၤနသးခီဖျိတၢ်လၢနစံးတ့ၢ်အီၤခဲအံၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 22:1

ဖဲယွၤအုၣ်က့ၤခီၣ်က့ၤစီၤဒၤဝံးလၢစီၤစီလူး ဒီးအဝဲအဒုၣ်အဒါအဂၤတဖၣ်အစုပူၤန့ၣ် စီၤဒၤဝံးအုၣ်ထါသးဝံၣ်တယုၢ်အံၤဆူ ယွၤအအိၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 22:49

ဒီးအုၣ်က့ၤခီၣ်က့ၤယၤလၢယဒုၣ်ယဒါတဖၣ် အစုပူၤန့ၣ်လီၤ. အိ, ယွၤဧၢ, နဟ့ၣ်ယၤတၢ်မၤနၢၤလၢယဒုၣ်ယဒါတဖၣ်အဖီခိၣ်, ဒီးဒီဒၣ်အိၣ်ပှိၤယၤလၢပှၤစုဆူၣ်ခီၣ်တကးတဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:8

လၢတၢ်န့ၣ်အဃိတဲဘၣ်ယခ့ယပှၤစီၤဒၤဝံလၢယၤ, ယွၤသ့တၢ်လၢာ်စံးဘၣ်အီၤဒ်အံၤ, ယဟံးထီၣ်နၤလၢတၢ်ကွၢ်ထွဲသိဖိတဖၣ် လၢပျီတဖၣ်အပူၤဒီးဒုးကဲထီၣ်နၤလၢပှၤပၢဘၣ်ယပှၤ ဂီၢ်မုၢ်အံၣ်စရ့လးန့ၣ်လီၤ.

လံာ်စီၤပၤအခီၣ်ထံးတဘ့ၣ် 14:7

လဲၤဒီးတဲဘၣ်စီၤယၤရၤဘၣ်လၢတၢ်အံၤမ့ၢ်တၢ်လၢယွၤ, အံၣ်စရ့လးအကစၢ်ယွၤစံးဘၣ်အီၤန့ၣ်တက့ၢ်. ယဃုထၢတ့ၢ်လံနၤလၢပှၤဂီၢ်မုၢ်အကျါဒီးဒုးကဲထီၣ်နၤလၢပှၤ ပၢဘၣ်ယပှၤဂီၢ်မုၢ်အံၣ်စရ့လးန့ၣ်လီၤ.

လံာ်စီၤပၤအခီၣ်ထံးတဘ့ၣ် 18:18

စီၤအ့ၤလံယၤစံးဆၢအီၤ, “ယတမ့ၢ်ဘၣ်ပှၤမၤကိၢ်မၤဂီၤတၢ် ဘၣ်. မ့ၢ်သုဝဲ, နၤဒီးနပၢ်တခီန့ၣ်လီၤ. သုတစူၢ်ဘၣ်ယွၤအတၢ်မၤ လိာ်တဖၣ်ဘၣ်ဒီးသုဘူၣ်ထီၣ်ဘါထီၣ်ဘဧၤလးအတၢ်ဂီၤတၢ်ဖီၣ်တဖၣ် န့ၣ်လီၤ.

လံာ်စီၤပၤအခီၣ်ထံးတဘ့ၣ် 20:40

ဘၣ်ဆၣ်လၢယတၢ်မၤအါတ့ၢ်လၢတၢ်အဂၤတဖၣ်အဃိဒီးပှၤတဂၤ န့ၣ်ထူၣ်ဖျဲးကွံာ်ဝဲန့ၣ်လီၤ.” စီၤပၤစံးဆၢအီၤ, “နစံၣ်ညီၣ်လီၤနသးဒၣ်နဲ, ဒီးနကဘၣ်ဟ့ၣ်နတၢ်ကမၣ်အပှ့ၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 20:42

အန့ၣ်ဒီး, ဝံန့ၣ်စံးဘၣ်စီၤပၤ, “အအံၤမ့ၢ်ယွၤအတၢ်ကတိၤန့ၣ် လီၤ. မ့ၢ်လၢနပျဲပူၤဖျဲးကွံာ်ပှၤတဂၤလၢယမၤလိာ်လၢကဘၣ်တၢ်မၤသံ ကွံာ်အီၤအသးသမူအဃိန့ၣ်, နကဘၣ်ဟ့ၣ်က့ၤတၢ်အံၤအပှ့ၤလၢနသးသမူဒၣ်နဲ, ဒီးနသုးမုၢ်ကဘၣ်တၢ်မၤဟးဂီၤကွံာ်အီၤလၢနပျဲအဝဲအသုးမုၢ် ပူၤဖျဲးကွံာ်အဃိန့ၣ်လီၤ.”

စံးထီၣ်ပတြၢၤ 18:1

ယွၤဧၢ, ယအဲၣ်နၤဆံးဒိၣ်လဲၣ်, နမ့ၢ်ယဂံၢ်ယဘါလီၤ.

လံာ်ယံးရမံယၤ 34:6

ဝံၤဒီး ယဟ့ၣ်လီၤတၢ်ကစီၣ်အံၤဆူ စီၤပၤစီၤစံးဒကံယၤအအိၣ်လၢ ဝ့ၢ်ယရူၤၡလ့ၣ်အပူၤ,

လံာ်ဒၤနံးယ့လး 4:22

မ့ၢ်ဒၣ်နၤလီၤစီၤပၤဧၢ. နဒိၣ်ထီၣ်နထီထီၣ်နဂံၢ်နဘါဆူၣ်ထီၣ်လီၤ. နတၢ်ဒိၣ်တၢ်မုၢ်, ထီၣ်ဘးဝဲတုၤလၢမူခိၣ်ဒီးနတၢ်ပၢတၢ်ပြး န့ၣ်လဲၤတုၤပၢၢ်တုၤလၢဟီၣ်ခိၣ်အကတၢၢ်လီၤ.

လံာ်မးသဲ 14:14

ဖဲယ့ၣ်ၡူးစံၣ်လီၤလၢချံအလိၤဒီးထံၣ်ပှၤဂီၢ်မုၢ်ဖးဒိၣ်န့ၣ်, အသူၣ်ကညီၤသးကညီၤဘၣ်အဝဲသ့ၣ်ဒီး, မၤဘျါက့ၤအဝဲသ့ၣ်အပှၤဆူးပှၤဆါတဖၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:13

စီၤၡမူၤအ့လးစံးဆၢဝဲဒၣ်, “တၢ်န့ၣ်မ့ၢ်တၢ်မၢးအတၢ်မၤ တမံၤလၢတၢ်ကမၤအီၤအဂီၢ်လီၤ. နတစူၢ်တ့ၢ်ယွၤအတၢ်မၤလိာ်လၢနကစၢ်ယွၤဟ့ၣ်လီၤတ့ၢ်နၤန့ၣ်ဘၣ်. နမ့ၢ်စူၢ်ဒီးအဝဲကပျဲနၤဒီးနစၢၤနသွဲၣ်တဖၣ်ပၢဘၣ် ကီၢ်အံၣ်စရ့လး လီၤထူလီၤယိာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:17

စီၤၡမူအ့လးစံးဆၢဝဲ, “နမ့ၢ်ဆိကမိၣ်လီၤနသးလၢနတမ့ၢ်တၢ် အကါဒိးနီတမံၤဒၣ်လဲာ်န့ၣ်, နမ့ၢ်ပှၤအံၣ်စရ့လးဖိအဒူၣ်တဖၣ်အခိၣ်လီၤ. ယွၤဖှူနၤဒ်ကီၢ်အံၣ်စရ့လးအစီၤပၤတဂၤအသိးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:13

စီၤၡမူၤအ့လးဟံးန့ၢ်သ့ၣ်စၤယံးအသိဒီးဖှူစီၤဒၤဝံးလၢ အဒီပုၢ်ဝဲၢ်ခွါတဖၣ်အမဲာ်ညါလီၤ. သတူၢ်ကလာ်န့ၣ်ယွၤအသးမုၢ်စီဆှံပၢၤဃးစီၤဒၤဝံးဒီးအိၣ် ဒီးအီၤစးထီၣ်လၢမုၢ်တနံၤန့ၣ်လီၤ. အန့ၣ်ဝံၤဒီးစီၤၡမူၤအ့လးက့ၤကဒါက့ၤဆူဝ့ၢ်ရၤမါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:11

ဒီးစံးလီၤအသး, “ယကဆဲးတ့ၢ်အီၤလၢဂီၤပၤအလိၤလီၤ.” ဒီးကွံာ်ဝဲဘီန့ၣ်ဆူစီၤဒၤဝံးအအိၣ်ခံဘျီဘၣ်ဆၣ်ဒီးစီၤ ဒၤဝံးပဒ့ၣ်အသးပူၤတဘျီဘၣ်တဘျီလီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:21

အဝဲစံးလီၤအသး, “ယကဟ့ၣ်နီၢ်မံကၤလးဆူစီၤဒၤဝံးဒီး ယကသူအီၤဒ်ထုအသိးလၢစီၤဒၤဝံးကဘၣ်တၢ်မၤသံကွံာ်အီၤလၢပှၤ ဖလ့ၡသးဖိတဖၣ်န့ၣ်လီၤ.” မၤသးဒ်န့ၣ်ဒီးစီၤစီလူးစံးဘၣ်စီၤဒၤဝံးခံစုတစု, “နကဘၣ်ကဲထီၣ်ယမာ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 23:14

စီၤဒၤဝံးအိၣ်ခူသူၣ်လၢတၢ်လူၢ်တၢ်တြီၤအထံအကီၢ်ပူၤ လၢပှၢ်မုၢ်ကနၢဘူးဒီးဝ့ၢ်စံဖးန့ၣ်လီၤ. စီၤစီလူးတခီကျဲးစၢးတဘိယူၢ်ဃီဒ်သိးအကထံၣ်န့ၢ်အီၤန့ၣ်လီၤ. ဘၣ်ဆၣ်ဒီးကစၢ်ယွၤတဟ့ၣ်လီၤကွံာ်အီၤဆူအစုပူၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 23:7

စီၤစီလူးဘၣ်တၢ်တဲဘၣ်အီၤလၢစီၤဒၤဝံးလဲၤလံဝဲဆူဝ့ၢ်ကံ လၤဒီးအဝဲဒၣ်စံး, “ကစၢ်ယွၤပာ်လီၤအီၤလၢယစိကမီၤအဖီလာ်လံ. စီၤဒၤဝံးပာ်လီၤထုလၢအဂီၢ်ဒၣ်ဝဲခီဖျိအတၢ်လဲၤနုာ်လီၤဆူ ဝ့ၢ်တဝ့ၢ်လၢအအိၣ်ဒီးအခိၣ်ဒူဃုာ်ဒီးတြဲၤအဂၢၢ်အကျၢၤတဖၣ်အဃိ န့ၣ်လီၤ.”