လံာ်စီၤၡမူၤအ့လးခံဘ့ၣ်တဘ့ၣ် 12:31 - Sgaw Karen Common Bible

³¹ ဒီးမၢဝ့ၢ်အပှၤဂီၢ်မုၢ်တဖၣ်မၤတၢ်လၢထးဘူးသ့ၣ်တဖၣ်, ထးကြၢ်တဖၣ်, ဒီးထးကွါတဖၣ်ဒီးမၢဆူၣ်အဝဲသ့ၣ်လၢကမၤတၢ်ဖဲ တၢ်မၤဒၢးခီတဖၣ်အလီၢ်န့ၣ်လီၤ. ကယဲၢ်ဝ့ၢ်အဂၤတဖၣ်အပှၤဂီၢ်မုၢ်လၢကီၢ်ဧၣ်မိၣ်အပူၤန့ၣ်အဝဲမၢစ့ၢ်ကီးဝဲတမံၤဃီဒ်န့ၣ်လီၤ. အန့ၣ်ဝံၤဒီးအပှၤတဖၣ်ဟဲက့ၤကဒါက့ၤဆူဝ့ၢ်ယရူၤၡလ့ၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 12:31 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 8:2

အန့ၣ်ဝံၤဒီးအဝဲမၤနၢၤကွံာ်ပှၤမိၤအးဖိတဖၣ်လီၤ. အဝဲမၢပှၤဃိာ်ဖိတဖၣ်မံလီၤလၢဟီၣ်ခိၣ်လိၤဒီးမၤသံကွံာ်ပှၤ သၢဂၤအကျါခံဂၤစုာ်စုာ်လီၤ. မၤသးဒ်န့ၣ်ဒီး, ပှၤမိၤအးဖိတဖၣ်ကဲထီၣ်ပှၤဃၣ်ကွံာ်လၢအဝဲပၢ ဘၣ်အီၤဒီးဘၣ်ဟ့ၣ်အီၤလၢတၢ်အခိအသွဲတဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 20:2

ပှၤဧၣ်မိၣ်ဖိအတၢ်ဂီၤမိလး (လၢဧ့ၤဘြံၤကျိာ်အဝဲသ့ၣ်အစီၤပၤ) အိၣ်ဒီးခိၣ်သလုးထူတဖျၢၣ်လၢအဃၢလီၤတယၢၢ်တကံကၢ်န့ၣ်လီၤ. လၢအလိၤအိၣ်ဝဲဒီးတၢ်မျၢ်တဖျၢၣ်လၢစီၤဒၤဝံးဟံးန့ၢ်ဝဲဒီး ပာ်နုာ်ဝဲလၢအခိၣ်သလုးပူၤန့ၣ်လီၤ. အဝဲဟံးန့ၢ်စ့ၢ်ကီးဝဲတၢ်ဂုာ်န့ၢ်အါအါကလဲာ်လၢဝ့ၢ်ပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 20:3

အဝဲဖီၣ်န့ၢ်ဝ့ၢ်အပှၤဂီၢ်မုၢ်ဒီးမၢအမၤတၢ်လၢထးဘူးတၢ်တဖၣ်, ထးကြဲတဖၣ်ဒီးကွါတဖၣ်န့ၣ်လီၤ. ပှၤဂီၢ်မုၢ်လၢကယဲၢ်ပှၤဧၣ်မိၣ်ဖိအဝ့ၢ်အဂၤတဖၣ်အပူၤန့ၣ်, မၤဝဲဒ်န့ၣ်အသိးတမံၤဃီန့ၣ်လီၤ. အန့ၣ်ဝံၤဒီးအဝဲဒီးအပှၤတဖၣ်ဟဲက့ၤကဒါက့ၤဆူဝ့ၢ်ယရူၤၡလ့ၣ်န့ၣ်လီၤ.

လံာ်ဧၤမိၣ် 1:13

ဒီးယွၤစံးဝဲဒၣ်, “ပှၤကီၢ်ဧၤမိၣ်ဖိတဖၣ်မၤတ့ၢ်လံတၢ်ဒဲးဘး တဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်န့ၣ်လီၤ. လၢအဝဲသ့ၣ်တၢ်ဒုးတၢ်ယၤတဖၣ်ဒ်သိးကမၤလဲၢ်ထီၣ်အကီၢ်အဃၢၤအဂီၢ် အပူၤန့ၣ်, ကွဲးသ့ၣ်ဖးဒၣ်လဲာ်ကီၢ်ကံးလဧးအပိာ်မုၣ်လၢအဒၢတဖၣ် အဟၢဖၢန့ၣ်လီၤ.

လံာ်ဧၤမိၣ် 1:14

မၤသးဒ်န့ၣ်ဒီးယဆှၢလီၤမ့ၣ်အူဆူဝ့ၢ်ရးဘးအခိၣ်ဒူဒီးဒွဲၣ်အူကွံာ် အတိာ်ဧိၤတာ်ဧိၤတဖၣ်န့ၣ်လီၤ. တုၤနုၤတစု, တၢ်ကိးပသူ တဖၣ်ကအိၣ်ထီၣ်လၢတၢ်ဒုးတၢ်ယၤအမုၢ်တနံၤဒီးတၢ်ဒုးလိာ်ယၤလိာ် ကဆူၣ်ဝဲဒ်ကလံၤသဝံးအသိးန့ၣ်လီၤ.

လံာ်ဧၤမိၣ် 1:3

ဒီးယွၤစံးဝဲဒၣ်, “ပှၤဒၤမ့ၤစ့းဖိတဖၣ်မၤတ့ၢ်လံတၢ်ဒဲးဘးတဘျီ ဝံၤတဘျီလံ. လၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်မၤဆါတ့ၢ်ပှၤကံးလဧးဖိအၢအၢသီသီန့ၣ်လီၤ.

ဧ့ၤဘြံၤ 11:37

အဝဲသ့ၣ်ဘၣ်တၢ်ကွံာ်အီၤလၢလၢၢ်, ဘၣ်တၢ်ဘူးတဲာ်အီၤခံကူာ်ဒီးဘၣ်တၢ်မၤသံအီၤလၢနးလီၤ. အဝဲသ့ၣ်ဟးဝ့ၤဝီၤကူသိးဝဲလၢသိဒီးမဲာ်တဲးလဲးအဖံး, ဘၣ်ဖှီၣ်ဘၣ်ယာ်, ဘၣ်တၢ်မၤနးမၤဖှီၣ်အီၤဒီးဘၣ်တၢ်မၤ အၢမၤနးအီၤလီၤ.

လံာ်စီၤယိၤၡူ 10:15

အန့ၣ်ဝံၤဒီး, စီၤယိၤၡူဒီးအသုးမုၢ်က့ၤကဒါက့ၤဆူသူၣ်ဒဲ အလီၢ်လၢဝ့ၢ်ကံးလကၤလးန့ၣ်လီၤ.