လံာ်စီၤၡမူၤအ့လးခံဘ့ၣ်တဘ့ၣ် 12:3 - Sgaw Karen Common Bible

³ ဖဲပှၤအဖှီၣ်တဂၤန့ၣ်အိၣ်ဒၣ်ထဲသိဖိတဒုဧိၤလၢအဝဲပှ့ၤန့ၢ်ဝဲဒၣ်န့ၣ်လီၤ. အဝဲအံးထွဲကွၢ်ထွဲသိဖိန့ၣ်ဒီးသိဖိန့ၣ်ဒိၣ်ထီၣ်ဝဲ ဃုာ်ဒီးအဝဲအဖိတဖၣ်လၢအဟံၣ်ပူၤလီၤ. အဝဲဒုးအီၣ်အီၤလၢအတၢ်အီၣ်ဒၣ်ဝဲတနီၤ, ဒီးဒုးအီအီၤတၢ်လၢအဝဲအလီခီအပူၤဒီးစိာ်အီၤလၢအကံၣ်ဖျၢၣ်ခိၣ်န့ၣ်လီၤ. သိဖိန့ၣ်လီၤဂာ်ဒ်ဖိမုၣ်တဂၤအသိးလၢအဝဲအဂီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 12:3 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 11:3

လၢတၢ်န့ၣ်အဃိ, အဝဲပျဲလီၤပှၤစိာ်တၢ်ကစီၣ်တဂၤဒ်သိးကလဲၤဃုသ့ၣ်ညါပိာ်မုၣ်န့ၣ်မ့ၢ်မတၤလဲၣ် ဒီးသ့ၣ်ညါဘၣ်ဝဲလၢပိာ်မုၣ်န့ၣ်မ့ၢ် စီၤအလံဧၣ်အဖိမုၣ်, ဒီးပှၤဃ့ၤသးဖိစီၤအူၤရံယၤအမါနီၢ်ဘၤသၡ့ဘၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 12:2

ပှၤထူးပှၤတီၤတဂၤန့ၣ်အိၣ်ဒီးဂီၤဘုၣ်ဂီၤဖံးအါအါကလဲာ်ဒီး သိတဖၣ်,

လံာ်စီၤၡမူၤအ့လးခံဘ့ၣ်တဘ့ၣ် 12:4

ဘၣ်မုၢ်တနံၤန့ၣ်, ပှၤသမှံၤတဂၤဟဲတုၤဝဲဆူပှၤထူးပှၤတီၤတဂၤအဟံၣ်န့ၣ်လီၤ. ပှၤထူးပှၤတီၤတဂၤန့ၣ်တအဲၣ်ဒိးမၤသံအဆၣ်ဖိကီၢ်ဖိဒၣ်ဝဲ အကျါတဒုဒၣ်လဲာ် လၢကကတဲာ်ကတီၤတၢ်အီၣ်တၢ်အီလၢအဂီၢ်ဘၣ်. အခိၣ်တလိာ်, အဝဲဟံးန့ၢ်ပှၤဖှီၣ်ဖိအသိတဒုန့ၣ်ဒီး ကတဲာ်ကတီၤတၢ်အီၣ်တၢ်အီလၢအဝဲအပှၤသမှံၤအဂီၢ်န့ၣ်လီၤ.”

လံာ်မံကၤ 7:5

နာ်ပှၤအိၣ်လၢနဃၢၤမ့တမ့ၢ်သန့ၤနသးလၢနတံၤသကိးတဂ့ၤ. ပလီၢ်နသးလၢတၢ်လၢနစံးဘၣ်နမါဒၣ်လဲာ်တက့ၢ်. လၢဆၢကတီၢ်တဖၣ်အံၤအပူၤ, ဖိခွါတဖၣ်မၤအပၢ်တဖၣ်ဒ်ပှၤဟးဂီၤ ဖိတဖၣ်အသိး,

လံာ်သိၣ်လီၤသီလီၤတၢ် 13:6

သုဒီပုၢ်ဝဲၢ်ခွါမ့တမ့ၢ်သုဖိခွါ, မ့တမ့ၢ်သုဖိမုၣ်မ့ တမ့ၢ်သုမါလၢသုအဲၣ်အီၤမ့တမ့ၢ်သုတံၤသကိးလၢအဘူးတံၢ်ကတၢၢ်ဒီးသုဒၣ်လဲာ်, ကဟ့ၣ်ဂံၢ်ဟ့ၣ်ဘါခူသူၣ်သုလၢသုကဘါထီၣ်ကစၢ်အဂၤတဖၣ်, ကစၢ်တဖၣ်လၢသုဝဲဒီးသုမိၢ်ပၢ်ဖံဖုလၢပျၢၤတဖၣ်တဘါတ့ၢ်အီၤ နီတစုဘၣ်န့ၣ်လီၤ.