လံာ်စီၤၡမူၤအ့လးခံဘ့ၣ်တဘ့ၣ် 12:27 - Sgaw Karen Common Bible

²⁷ အဝဲဆှၢလီၤပှၤစိာ်တၢ်ကစီၣ်တဖၣ်ဆူစီၤဒၤဝံးအအိၣ်လၢကတဲဖျါ ထီၣ်တၢ်ဂ့ၢ်ဒ်အံၤ, “ယဒုးထီဒါဝ့ၢ်ရးဘါဒီးမၤန့ၢ်ကွံာ်အတၢ်ဟ့ၣ်ထံအလီၢ်လံ.

လံာ်စီၤၡမူၤအ့လးခံဘ့ၣ်တဘ့ၣ် 12:27 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 11:1

လၢခံတနံၣ်ဖဲတၢ်မဲထီၣ်သီအကတီၢ်, ဖဲတၢ်ဆၢကတီၢ်လၢ စီၤပၤညီနူၢ်လဲၤထီၣ်ဆူတၢ်ဒုးတၢ်ယၤအခါန့ၣ်, စီၤဒၤဝံးဆှၢလီၤစီၤယိၤအာ်ဃုာ်ဒီးအသုးခိၣ်သုးနၢ်တဖၣ် ဒီးကီၢ်အံၣ်စရ့လးအသုးမုၢ်လၢကလဲၤထီၣ်ဒုးတၢ်အဂီၢ်န့ၣ်လီၤ. အဝဲသ့ၣ်မၤနၢၤကွံာ်ပှၤဧၣ်မိၣ်ဖိတဖၣ်, ဒီးကဝီၤဃးဝ့ၢ်ရးဘၤ န့ၣ်လီၤ. ဘၣ်ဆၣ်ဒီးစီၤဒၤဝံးအကစၢ်ဒၣ်ဝဲအိၣ်တ့ၢ်ဒၣ်လၢဝ့ၢ်ယရူၤၡလ့ၣ် အပူၤလီၤ.

လံာ်စီၤၡမူၤအ့လးခံဘ့ၣ်တဘ့ၣ် 12:26

အခါဖဲန့ၣ်, စီၤယိၤအာ်ထီၣ်ဒုးထွဲဒံးတၢ်ထီဒါပှၤဧၣ်မိၣ်ဖိ အဝ့ၢ်ခိၣ်ဝ့ၢ်ရးဘါဒီးဘူးတ့ၢ်လၢကမၤန့ၢ်အီၤလီၤ.

လံာ်စီၤၡမူၤအ့လးခံဘ့ၣ်တဘ့ၣ် 12:28

ခဲအံၤပာ်ဖှိၣ်ထီၣ်နသုးမုၢ်တဖၣ်လၢအအိၣ်လီၤတဲာ်ဒံး, ထီၣ်ဒုးဝ့ၢ်န့ၣ်ဒီးမၤန့ၢ်အီၤလၢနကစၢ်ဒၣ်နဲတက့ၢ်. ယတအဲၣ်ဒိးမၤန့ၢ်ယမံၤလၢတၢ်မၤန့ၢ်ဝ့ၢ်န့ၣ်အဃိဘၣ်.”

လံာ်ယဃ့းစက့လး 21:20

တၢ်ပနီၣ်တမံၤန့ၣ်ကဒုးနဲၣ်စီၤပၤအကျဲဆူပှၤဧၤမိၣ်ဖိအဝ့ၢ် ရးဘးအပူၤ, ဒီးအဂၤတမံၤန့ၣ်မ့ၢ်ဆူကီၢ်ယူဒၤ, ဆူဝ့ၢ်အိၣ်ဒီးအတိာ်ခၢၣ်သနၢၣ်ယရူၤၡလ့ၣ်န့ၣ်လီၤ.

လံာ်သိၣ်လီၤသီလီၤတၢ် 3:11

(စီၤပၤစီၤဧိာ်မ့ၢ်အစီၤပၤလၢခံကတၢၢ်တဂၤဖဲဝ့ၢ်ရးဘးန့ၣ်လီၤ. အဝဲအကျုာ်န့ၣ်ဘၣ်တၢ်မၤအီၤလၢလၢၢ်ဒီးအလဲၢ်အိၣ်လွံၢ်ပျၢ်ဒီး အထီအိၣ်ဝဲဃုပျၢ်ဃၣ်ဃၣ်ဒ်နီၣ်ထီၣ်အတီလၢတၢ်ပာ်လီၤအီၤအသိး န့ၣ်လီၤ. တၢ်န့ၣ်ဘၣ်တၢ်ထံၣ်အီၤသ့ဒံးဝဲတုၤခဲကနံၣ်အံၤ, လၢပှၤဧၣ်မိၣ်ဖိအဝ့ၢ်, ဝ့ၢ်ရးဘးအပူၤန့ၣ်လီၤ.)