လံာ်စီၤၡမူၤအ့လးခံဘ့ၣ်တဘ့ၣ် 12:25 - Sgaw Karen Common Bible

²⁵ ဒီးယွၤမၤလိာ်ဝံစီၤနၤသၣ်လၢကယုၢ်ဖိသၣ်န့ၣ်အမံၤလၢစီၤယဒံဒယၤ လီၤ. အဂ့ၢ်ဒ်အံၤ, ယွၤအဲၣ်အီၤဒိၣ်မးလီၤ.

လံာ်စီၤၡမူၤအ့လးခံဘ့ၣ်တဘ့ၣ် 12:25 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:24

အန့ၣ်ဝံၤဒီး, စီၤဒၤဝံးမၤမုာ်ထီၣ်က့ၤအမါနီၢ်ဘၤသၡ့ဘၤ န့ၣ်လီၤ. အဝဲမံဃုာ်ဂဲၤဃုာ်ဒီးအီၤဒီးအဝဲဆံးစၢ်ထီၣ်န့ၢ်အီၤလၢဖိခွါတဂၤ ဒီးစီၤဒၤဝံးယုၢ်အမံၤလၢစီၤၡလိၤမိၤန့ၣ်လီၤ. ယွၤအဲၣ်ဖိသၣ်ပိာ်ခွါန့ၣ်,

လံာ်စီၤၡမူၤအ့လးခံဘ့ၣ်တဘ့ၣ် 12:26

အခါဖဲန့ၣ်, စီၤယိၤအာ်ထီၣ်ဒုးထွဲဒံးတၢ်ထီဒါပှၤဧၣ်မိၣ်ဖိ အဝ့ၢ်ခိၣ်ဝ့ၢ်ရးဘါဒီးဘူးတ့ၢ်လၢကမၤန့ၢ်အီၤလီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:4

ဘၣ်ဆၣ်ဒီးမုၢ်နၤအဝဲန့ၣ်ယွၤစံးဘၣ်စီၤနၤသၣ်,

လံာ်စီၤပၤအခီၣ်ထံးတဘ့ၣ် 1:11

တုၤနုၤတစု, စီၤနၤသၣ်လဲၤဃီၤဆူစီၤၡလိၤမိၤအမိၢ်နီၢ်ဘၤ သၡ့ဘၤအအိၣ်, ဒီးသံကွၢ်အီၤ, “မ့ၢ်နတနၢ်ဟူဘၣ်လၢနီၢ်ဃးကံၤအဖိခွါစီၤ အဒိနံၤယၤပာ်ထီၣ်လံအသးဒၣ်ဝဲလၢစီၤပၤအလီၢ်န့ၣ်ဘၣ်ဧါ. ဒီးစီၤပၤဒၤဝံးတသ့ၣ်ညါတၢ်မၤအသးအံၤနီတမံၤဘၣ်.

လံာ်စီၤပၤအခီၣ်ထံးတဘ့ၣ် 1:23

ဒီးပှၤတဲဘၣ်စီၤပၤလၢဝံအိၣ်ဝဲဖဲန့ၣ်ဒီးစီၤနၤသၣ်လဲၤ နုာ်ဝဲဒီးသကူးလီၤအသးလၢစီၤပၤအမဲာ်ညါန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:8

မ့မ့ၢ်ပှၤလုၢ်တၢ်အခိၣ်စီၤစၤဒိး, စီၤဘနါယၤလၢအမ့ၢ်စီၤ ယဟိၤယဒါအဖိခွါ, ဝံနၤသၣ်, စီၤၡံမံၤ, စီၤရ့ဧံၤဒီးစီၤဒၤဝံးအပှၤခိးအသးသမူသ့ၣ်တဖၣ်တအိၣ်လၢ စီၤအဒိနံၤယၤအအိၣ်တကပၤဘၣ်.

လံာ်စီၤပၤအခီၣ်ထံးတဘ့ၣ် 4:5

ကီၢ်ဆၣ်တဖၣ်အပဒိၣ်အဒိၣ်ကတၢၢ်မ့ၢ်ဝဲစီၤနၤသၣ်အဖိခွါစီၤဧစၤ ရယၤ, စီၤပၤအပှၤဟ့ၣ်ကူၣ်တၢ်မ့ၢ်ဝဲစီၤနၤသၣ်အဖိခွါပှၤလုၢ်တၢ် အခိၣ်စီၤစၤဘူးလီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:9

ဘၣ်ဆၣ်ဒီး, အဝဲမၤတ့ၢ်တၢ်အၢၣ်လီၤတမံၤဒီးယၤလီၤ. အဝဲစံးဘၣ်ယၤလၢယကအိၣ်ဒီးယဖိခွါတဂၤ, လၢအကပၢတၢ်လၢတၢ်ဃူ တၢ်ဖိးအပူၤ, မ့ၢ်လၢသါကဟ့ၣ်အီၤတၢ်ဃူတၢ်ဖိးဒီးအဒုၣ်အဒါ တဖၣ်ခဲလၢာ်အဃိန့ၣ်လီၤ. အဝဲအမံၤကမ့ၢ်စီၤၡလိၤမိၤ, မ့ၢ်လၢဖဲအဝဲပၢဘၣ်တၢ်အကတီၢ်န့ၣ် သါကဟ့ၣ်အံၣ်စရ့လးလၢတၢ်ဃူတၢ်ဖိးဒီးတၢ်ဘံၣ်တၢ်ဘၢအဃိန့ၣ် လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 3:5

ဒီးဖိခွါအါဂၤအိၣ်ဖျဲၣ်ထီၣ်လၢအဂီၢ်ဖဲန့ၣ်လီၤ. အမါနီၢ်ဘၤသၡ့ဘၤလၢအမ့ၢ်စီၤဧးမံၤအ့လးအဖိမုၣ်ဆံးစၢ် န့ၢ်အီၤလၢအဖိခွါလွံၢ်ဂၤလၢအမ့ၢ်ဝဲ, စီၤၡံမၤ, စီၤၡိၤဘာ်, စီၤနၤသၣ်ဒီးစီၤၡလိၤမိၤတဖၣ်န့ၣ်လီၤ.

လံာ်စီၤနဃ့မယၤ 13:26

ယစံးဘၣ်အဝဲသ့ၣ်ဒ်အံၤ, “စီၤပၤၡလိၤမိၤမၤတၢ်ဒဲးဘးန့ၣ် မ့ၢ်လၢပှၤတခီဘီမုၢ်ဖိပိာ်မုၣ်တဖၣ်အဃိန့ၣ်လီၤ. အဝဲမ့ၢ်တ့ၢ်ပှၤတဂၤလၢအဒိၣ်န့ၢ်ကယဲၢ်ထံဧိၤကီၢ်ဧိၤအစီၤပၤ အဂၤတဖၣ်တက့ၢ်န့ၣ်လီၤ. ကစၢ်ယွၤအဲၣ်အီၤဒီးဒုးကဲထီၣ်အီၤစီၤပၤလၢကီၢ်အံၣ်စရ့လး ဒီဘ့ၣ်အဖီခိၣ်ဘၣ်ဆၣ်အဝဲလီၤတဲာ်ဆူတၢ်ဒဲးဘးအံၤအပူၤန့ၣ်လီၤ.

လံာ်မးသဲ 17:5

ဖဲအဝဲကတိၤဒံးတၢ်အဖၢမုၢ်န့ၣ်, တၢ်အၢၣ်လၢအကပီၤတလိၣ်ဟဲလီၤကဒုဘၣ်အဝဲသ့ၣ်, ဒီးတၢ်ကလုၢ်သီၣ်ထီၣ်လၢတၢ်အၢၣ်အပူၤဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤ, ဒီးဘၣ်ယသးလၢအီၤဒိၣ်မးလီၤ. ကနၣ်အကလုၢ်တက့ၢ်.”

လံာ်မးသဲ 3:17

အန့ၣ်ဒီး တၢ်အကလုၢ်သီၣ်ထီၣ်လၢမူခိၣ်ဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤဒီးဘၣ်သူၣ်ဘၣ် သးယၤဒိၣ်မးတဂၤလီၤ.”

လံာ်သိၣ်လီၤသီလီၤတၢ် 33:12

ဘၣ်ဃးဒီးဘံၣ်ယၤမံၣ်အဒူၣ်အဂ့ၢ်န့ၣ်အဝဲစံးဝဲ, “အအံၤမ့ၢ်ဒူၣ်လၢယွၤအဲၣ်အီၤဒီးဒီဒၣ်အိၣ်ပှိၤအီၤန့ၣ်လီၤ. အဝဲအိၣ်ခိးကဟုကယာ်အဝဲသ့ၣ်ကိးဆၢကိးကတီၢ်ဒဲး, ဒီးအဝဲအိၣ်ဝဲဆိးဝဲလၢအဝဲသ့ၣ်အကျါန့ၣ်လီၤ.”