လံာ်စီၤၡမူၤအ့လးခံဘ့ၣ်တဘ့ၣ် 12:21 - Sgaw Karen Common Bible

²¹ အဝဲအပဒိၣ်ပပှၢ်တဖၣ်စံးဘၣ်အီၤ, “ပနၢ်တပၢၢ်တၢ်အံၤဘၣ်. ဖဲဖိသၣ်အိၣ်မူဒံးဝဲအခါန့ၣ်, နဟီၣ်နယၢၤလၢအဂီၢ်ဒီးတအီၣ်တၢ်အီတၢ်ဘၣ်, မ့မ့ၢ်ဖဲအဝဲသံတဘျီဃီန့ၣ်, နဂဲၤဆၢထၢၣ်ဒီးအီၣ်တၢ်အီတၢ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 12:21 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:20

စီၤဒၤဝံးဂဲၤဆၢထၢၣ်လၢဟီၣ်ခိၣ်လိၤ, လုၢ်ထံလုၢ်နိ, ခွံထီၣ်အခိၣ်သူ, ဒီးလဲလိာ်အကူအသိးတဖၣ်န့ၣ်လီၤ. အန့ၣ်ဝံၤဒီး, အဝဲလဲၤဘူၣ်ထီၣ်ဘါထီၣ်တၢ်လၢယွၤအဟံၣ်ပူၤန့ၣ်လီၤ. ဖဲအဝဲဟဲက့ၤဆူနူၢ်ပူၤစီၤပူၤန့ၣ်အဝဲဃ့အီၣ်တၢ်ဒီးအီၣ်ဝဲတဘျီဃီ ဖဲပှၤဟဲပာ်လီၤန့ၢ်အီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 12:22

စီၤဒၤဝံးစံးဆၢဝဲ, “မ့ၢ်လီၤ. ဖဲအဝဲအိၣ်မူဒံးဝဲအခါန့ၣ် ယဒုၣ်တၢ်အီၣ်တၢ်အီဒီးဟီၣ်တၢ်ယၢၤတၢ်လီၤ. ယဆိကမိၣ်လၢယွၤကသးကညီၤယၤဒီးတပျဲဖိသၣ်သံဘၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 20:3

“ယွၤဧၢ, သ့ၣ်နီၣ်ထီၣ်က့ၤလၢ, ယမၤတ့ၢ်နတၢ်မၤလၢတၢ်သးတီ ဒီးတၢ်ကလုၢ်တီအပူၤ, ဒီးလၢထီဘိယကျဲးစၢးမၤတၢ်လၢနအဲၣ်ဒိးယမၤန့ၣ်တက့ၢ်.” ဒီးအဝဲစးထီၣ်ဟီၣ်ဝဲနးနးကလဲာ်န့ၣ်လီၤ.

1 ကရံၣ်သူး 2:15

မ့မ့ၢ်ပှၤတဂၤလၢ်လၢ်လၢအအိၣ်ဒီးယွၤအသးစီဆှံန့ၣ်, သ့ၣ်ညါနၢ်ပၢၢ်တၢ်ခဲလၢာ်အလုၢ်အပှ့ၤသ့ဝဲ, ဘၣ်ဆၣ်ပှၤသ့ၣ်ညါနၢ်ပၢၢ်ပှၤအဝဲန့ၣ်တသ့ဘၣ်နီတဂၤဘၣ်.