လံာ်စီၤၡမူၤအ့လးခံဘ့ၣ်တဘ့ၣ် 12:20 - Sgaw Karen Common Bible

²⁰ စီၤဒၤဝံးဂဲၤဆၢထၢၣ်လၢဟီၣ်ခိၣ်လိၤ, လုၢ်ထံလုၢ်နိ, ခွံထီၣ်အခိၣ်သူ, ဒီးလဲလိာ်အကူအသိးတဖၣ်န့ၣ်လီၤ. အန့ၣ်ဝံၤဒီး, အဝဲလဲၤဘူၣ်ထီၣ်ဘါထီၣ်တၢ်လၢယွၤအဟံၣ်ပူၤန့ၣ်လီၤ. ဖဲအဝဲဟဲက့ၤဆူနူၢ်ပူၤစီၤပူၤန့ၣ်အဝဲဃ့အီၣ်တၢ်ဒီးအီၣ်ဝဲတဘျီဃီ ဖဲပှၤဟဲပာ်လီၤန့ၢ်အီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 12:20 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:19

ဖဲစီၤဒၤဝံးပာ်သူၣ်ပာ်သးလၢ အဝဲသ့ၣ်ကတိၤကသွံလိာ်အသးတဂၤဒီးတဂၤန့ၣ် အဝဲထံၣ်သ့ၣ်ညါဝဲလၢဖိသၣ်သံလံန့ၣ်လီၤ. သတးဒီး, အဝဲသံကွၢ်အဝဲသ့ၣ်, “ဖိသၣ်သံလံဧါ”. အဝဲသ့ၣ်စံးဆၢဝဲ, “မ့ၢ်, အဝဲသံလံ.”

လံာ်စီၤၡမူၤအ့လးခံဘ့ၣ်တဘ့ၣ် 12:21

အဝဲအပဒိၣ်ပပှၢ်တဖၣ်စံးဘၣ်အီၤ, “ပနၢ်တပၢၢ်တၢ်အံၤဘၣ်. ဖဲဖိသၣ်အိၣ်မူဒံးဝဲအခါန့ၣ်, နဟီၣ်နယၢၤလၢအဂီၢ်ဒီးတအီၣ်တၢ်အီတၢ်ဘၣ်, မ့မ့ၢ်ဖဲအဝဲသံတဘျီဃီန့ၣ်, နဂဲၤဆၢထၢၣ်ဒီးအီၣ်တၢ်အီတၢ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 14:2

လၢတၢ်န့ၣ်အဃိ, အဝဲမၢပှၤကိးန့ၢ်အီၤပိာ်မုၣ်တဂၤလၢအကူၣ်သ့ဒိၣ်မး လၢအအိၣ်ဆိးဝဲလၢဝ့ၢ်တကိၤန့ၣ်လီၤ. ဖဲပိာ်မုၣ်န့ၣ်ဟဲတုၤဒီးအဝဲစံးဘၣ်အီၤဒ်အံၤ, “ပာ်မၤနသးဒ်နအိၣ်လၢတၢ်ဟီၣ်တၢ်ယၢၤအပူၤ, ကူထီၣ်ကၤထီၣ်တၢ်ဘၣ်မိၣ်ဘၣ်မးအကူအသိးတဖၣ်ဒီးခွံနခိၣ်သူတဂ့ၤ. မၤနသးဒ်ပိာ်မုၣ်တဂၤလၢအဟီၣ်တၢ်ဖးယံာ်ဖးထၢလံအသိးန့ၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 19:24

ဒီးစီၤစီလူးအလံၤခွါစီၤမဖံဘိၤၡ့း ဟဲလီၤဝဲဒ်သိးကသဂၢၢ်စီၤပၤန့ၣ်လီၤ. အဝဲတသ့ဘၣ်အခီၣ်, တတံာ်ဃူဘၣ်အခၣ်ဆူၣ်ဒီးတဆှူၣ်ဘၣ်အကူအသိးတဖၣ် စးထီၣ်လၢစီၤပၤဟးထီၣ်လၢဝ့ၢ်ယရူၤၡလ့ၣ်အမုၢ်တနံၤန့ၣ် တုၤအဟဲက့ၤတုၤအိၣ်ဒီးတၢ်မၤနၢၤတစုန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:17

အဝဲသ့ၣ်ဟဲစိာ်ဃီၤတလါစီဆှံန့ၣ်ဒီးပာ်ထီၣ်အီၤလၢအလီၢ်ဖဲ ယွၤအဒဲစီဆှံပူၤ, တၢ်လီၢ်ဖဲစီၤဒၤဝံးမၤပာ်န့ၢ်အလီၢ်န့ၣ်လီၤ. အန့ၣ်ဝံၤဒီးအဝဲလုၢ်ထီၣ်တၢ်လုၢ်တၢ်ပာ်တဖၣ် ဒီးတၢ်လုၢ်မၤဃူမၤဖိးတဖၣ်ဆူယွၤအအိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:18

တုၤနုၤတစု, စီၤပၤစီၤဒၤဝံးလဲၤနုာ်ဆူယွၤအဒဲစီဆှံလၢ ယွၤအိၣ်ဝဲဆိးဝဲအပူၤ, ဆ့ၣ်နီၤဝဲဒီးဘါထုကဖၣ်ဝဲ, “ယွၤ, ပၢဘၣ်တၢ်ခဲလၢာ်ကစၢ်ဧၢ, ယၤမ့ၢ်ဂ့ၤ, ယပှၤဟံၣ်ဖိဃီဖိမ့ၢ်ဂ့ၤ, တကြၢးဘၣ်ဒီးတၢ်လၢနမၤတ့ၢ်အီၤလၢယဂီၢ်န့ၣ်ဘၣ်.

လံာ်စီၤယိၤဘး 1:20

တုၤနုၤတစုစီၤယိၤဘးဂဲၤဆၢထၢၣ်ဒီးဖှီအဆ့လၢတၢ်သးအုး အပူၤန့ၣ်လီၤ. အဝဲလူၤဝဲအခိၣ်ဒီးထိၣ်လီၤပှီၤအသးလၢဟီၣ် ခိၣ်လိၤဒီးဘူၣ်ထီၣ်ဘါထီၣ်တၢ်လီၤ.

လံာ်စီၤယိၤဘး 2:10

မ့မ့ၢ်စီၤယိၤဘးစံးဆၢအီၤ, “နကတိၤတၢ်ဒ်ပှၤဟးဂီၤမုၣ်တ ဂၤကတိၤတၢ်အသိးန့ၣ်လီၤ. မ့ၢ်ပကဒိးန့ၢ်ဘၣ်တၢ်ဂ့ၤလၢကစၢ်ယွၤ အစုပူၤဒီးပတဒိးန့ၢ်ဘၣ်တၢ်အၢဘၣ်ဧါ.” လၢတၢ်အံၤခဲလၢာ်အပူၤန့ၣ်စီၤယိၤဘးတမၤဘၣ်တၢ်ဒဲးဘး လၢအထးခိၣ်ဘၣ်.

စံးထီၣ်ပတြၢၤ 103:1

ယသးဧၢ, စံးထီၣ်ပတြၢၤယွၤတက့ၢ်. ဒီးကယဲၢ်တၢ်အိၣ်လၢယပူၤခဲလၢာ်သ့ၣ်ဧၢ, စံးထီၣ်ပတြၢၤအမံၤစီဆှံန့ၣ်တက့ၢ်.

စံးထီၣ်ပတြၢၤ 103:8

ယွၤသူၣ်ကညီၤသးကညီၤတၢ်ဒီး သူၣ်အိၣ်သးအိၣ်တၢ်, အသးထီၣ်ကီဒီးအတၢ်အဲၣ်ဂၢၢ်ကျၢၤ အိၣ်ဝဲအါမးလီၤ.

စံးထီၣ်ပတြၢၤ 39:9

ယအိၣ်တအုၣ်လီၤ. ယတအဲးထီၣ်ယထးခိၣ်ဘၣ်. အဂ့ၢ်ဒ်အံၤ, တၢ်အံၤမ့ၢ်တၢ်လၢနမၤတ့ၢ်နဲလီၤ.

စံးထီၣ်ပတြၢၤ 95:6

အိဟဲ, မ်ပတီၤလီၤဒီးဘူၣ်ထီၣ်ဘါထီၣ်အီၤန့ၣ်တက့ၢ်. မ်ပတီၤလီၤကဒွံကျိာ်လၢပှၤတ့လီၤပှၤ, ယွၤအမဲာ်ညါန့ၣ်တက့ၢ်.

တၢ်ကတိၤဒိ. 3:7

ပျဲနတၢ်ဆိကမိၣ်ဆှၢနၤလၢနကူၣ်တၢ်သ့န့ၢ်ဒံးနမ့ၢ်တၢ်န့ၣ်တဂ့ၤ. စူၢ်ဒၣ်ထဲယွၤဒီးဂ့ၢ်လိာ်တၢ်မၤကမၣ်တၢ်တက့ၢ်.

လံာ်ပှၤစံၣ်တဲၤတဲလီၤတၢ် 9:8

ပာ်ဖျါနမဲာ်လၢတၢ်သူၣ်ခုသးခုဒီးတၢ်သူၣ်ဖှံသးညီအပူၤထီ ဘိတက့ၢ်.

လံာ်မးသဲ 6:17

တုၤသုဒုၣ်တၢ်အီၣ်ဒီးပျၢ်သုမဲာ်, ဖှူသုခိၣ်လၢသိဒီး ခွံသုခိၣ်,

လံာ်လူၤကၣ် 7:46

နတဖှူယခိၣ်လၢသိနီတစဲးဘၣ်. မ့မ့ၢ်အဝဲဒၣ်လူလီၤသိနၢမူလၢယခီၣ်တဖၣ်အလိၤလီၤ.

လံာ်နီၢ်ရူၤသး 3:3

လၢတၢ်န့ၣ်အဃိ, သ့စီနသး, ဖှူနသးဒီးတၢ်နၢမူ, ဒီးကူသိးထီၣ်တၢ်ကူတၢ်သိးလၢအဂ့ၤကတၢၢ်န့ၣ်တက့ၢ်. ဒီးလဲၤလီၤဆူကြဲၢ်ပူၤဖဲအဝဲပညၢဘုအလီၢ်န့ၣ်တက့ၢ်. ဘၣ်ဆၣ်, ဒုးသ့ၣ်ညါနသးလၢအီၤတုၤအဝဲအီၣ်တၢ်ဒီးအီတၢ်ဝံၤအကတီၢ်န့ၣ်တဂ့ၤ.

လံာ်စီၤၡမူၤအ့လးအခီၣ်ထံးတဘ့ၣ် 15:25

ဘၣ်ဆၣ်ဒီးခဲအံၤယဃ့ကညးနၤ, ပျၢ်လၢ်ယတၢ်ဒဲးဘးဒီးက့ၤသကိး ဒီးယၤဆူဝ့ၢ်ကံးလကၤလး, ဒ်သိးယဘူၣ်ထီၣ်ဘါထီၣ်ယွၤကသ့အဂီၢ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 15:31

မၤသးဒ်န့ၣ်ဒီး, စီၤၡမူၤအ့လးက့ၤကဒါက့ၤဃုာ်ဒီးအီၤဆူ ဝ့ၢ်ကံးလကၤလးဒီးစီၤစီလူးဘူၣ်ထီၣ်ဘါထီၣ်ယွၤလီၤ.