လံာ်စီၤၡမူၤအ့လးခံဘ့ၣ်တဘ့ၣ် 12:17 - Sgaw Karen Common Bible

¹⁷ အဝဲအကွီၢ်ဘျီၣ်အပဒိၣ်ပပှၢ်တဖၣ်လဲၤဆူအအိၣ် ဒီးကျဲးစၢးဒုးဂဲၤထၢၣ်အီၤ ဘၣ်ဆၣ်ဒီးအဝဲဂ့ၢ်လိာ်ဝဲဒီးတအီၣ်ဃုာ်တၢ်နီတမံၤဒီးအဝဲသ့ၣ်ဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 12:17 Iomraidhean Croise

လံာ်တၢ်ကဲထီၣ်အခီၣ်ထံး 24:2

စီၤအၤဘြၤဟၣ်စံးဘၣ်အခ့အပှၤလၢအသးပှၢ်ကတၢၢ်, ပှၤလၢတၢ်ဟ့ၣ်စိဟ့ၣ်ကမီၤအီၤဒ်သိးကပၢဆှၢသုးကျဲၤကယဲၢ်တၢ် အိၣ်ဒီးစီၤအၤဘြၤဟၣ်န့ၣ်, “ပာ်နစုလၢယကံၣ်ဒုၣ်အကဆူးဒီးမၤတၢ်ဆိၣ်တမံၤတက့ၢ်.

လံာ်တၢ်ကဲထီၣ်အခီၣ်ထံး 37:35

ကယဲၢ်အဖိခွါဒီးအဖိမုၣ်တဖၣ်ဟဲဝဲလၢကမၤမုာ်အီၤအဂီၢ်, ဘၣ်ဆၣ်ဒီးအဝဲဂ့ၢ်လိာ်ကွံာ်တၢ်မၤမုာ်အီၤဒီးစံးဝဲ, “ယကလဲၤလီၤဆူတၢ်သံအကီၢ်ပူၤ, အိၣ်ဒံးဒီးတၢ်သူၣ်အုးသး အုးလၢယဖိခွါအဃိန့ၣ်လီၤ.” အန့ၣ်ဒီးအဝဲဟီၣ်ယၢၤထွဲဒံးဝဲလၢအဖိခွါစီၤယိၤသးအဃိ န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 12:18

တနွံပူၤကွံာ်အလီၢ်ခံဖိသၣ်န့ၣ်သံဝဲလီၤ. ဒီးစီၤဒၤဝံးအပဒိၣ်ပပှၢ်တဖၣ်ပျံၤတၢ်လၢကတဲအီၤတၢ်ကစီၣ်အဂီၢ်န့ၣ်လီၤ. အဝဲသ့ၣ်စံးဒၣ်, “ဖဲဖိသၣ်မူဒံးအခါန့ၣ်, ပကတိၤတၢ်ဒီးအီၤဘၣ်ဆၣ် စီၤဒၤဝံးတစံးဆၢပှၤဘၣ်. အဖိသံလံန့ၣ်, မ့ၢ်ပတဲဘၣ်အီၤကသ့ဒ်လဲၣ်. အဝဲကမၤဆါလီၤဘၣ်ဖုးအသးတမံၤမံၤလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 3:35

ဒီတနံၤညါန့ၣ်ပှၤဂီၢ်မုၢ်ကျဲးစၢးဝဲဒ်သိးစီၤဒၤဝံးကအီၣ် တၢ်တမံၤမံၤဘၣ်ဆၣ်အဝဲမၤတၢ်ဆိၣ်သညူးသပှၢ်တမံၤ, “ယမ့ၢ်အီၣ်တၢ်တမံၤမံၤတချုးမုၢ်လီၤနုာ်န့ၣ်မ်ကစၢ်ယွၤ မၤသံယၤတက့ၢ်.”

စံးထီၣ်ပတြၢၤ 102:4

ယဘၣ်တၢ်တီၢ်လီၤကွံာ်အီၤဒ်နီၣ်ဧိၤမံၤဧိၤလၢ အဃ့ထီၣ်ကွံာ်အသိးန့ၣ်လီၤ. ယသးပ့ၤနီၣ်လၢယကအီၣ်ယကိၣ်လီၤ.

လံာ်ဒၤနံးယ့လး 6:18

အန့ၣ်ဝံၤဒီး, စီၤပၤက့ၤနုာ်ဝဲဒၣ်ဆူအနီပူၤန့ၣ်လီၤ. တၢ်အီၣ်တၢ် အီမ့ၢ်ဂ့ၤတၢ်မၤမုာ်မၤလၤအသးမ့ၢ်ဂ့ၤတတူၢ်လိာ်ဝဲနီတမံၤဘၣ်. ဒီးသီတနၤကျၢၤန့ၣ်မံဝဲတန့ၢ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 28:23

စီၤစီလူးဂ့ၢ်လိာ်ဝဲဒီးစံးလၢအဝဲတအီၣ်တၢ်နီတမံၤဘၣ်. ဘၣ်ဆၣ်ဒီးအသုးခိၣ်သုးနၢ်တဖၣ်မၢဆူၣ်အီၤဒ်သိးကအီၣ်တၢ်အဂီၢ်လီၤ. လၢခံကတၢၢ်န့ၣ်အဝဲတူၢ်လိာ်ဝဲဒီးဂဲၤဆၢထၢၣ်လၢဟီၣ်ခိၣ်ဒီး ဆ့ၣ်နီၤလၢလီၢ်မံခးအလိၤလီၤ.