လံာ်စီၤၡမူၤအ့လးခံဘ့ၣ်တဘ့ၣ် 12:16 - Sgaw Karen Common Bible

¹⁶ စီၤဒၤဝံးဘါထုကဖၣ်တ့ၢ်ဆူကစၢ်ယွၤအအိၣ် လၢဖိသၣ်ကအိၣ်ဆူၣ်ထီၣ်က့ၤအဂီၢ်န့ၣ်လီၤ. အဝဲဂ့ၢ်လိာ်လၢကအီၣ်တၢ်တမံၤဂ့ၤတမံၤဂ့ၤအဂီၢ်, ဒီးကိးမုၢ်နၤဒဲးန့ၣ်လဲၤမံလီၤဝဲလၢဟီၣ်ခိၣ်လိၤသီတနၤကျၢၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 12:16 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:15

အန့ၣ်ဝံၤဒီးစီၤနၤသၣ်က့ၤဝဲဆူဟံၣ်လီၤ. ဖိသၣ်လၢစီၤအူၤရံယၤအမါဆံးစၢ်ထီၣ်အီၤလၢစီၤဒၤဝံးအဂီၢ်န့ၣ် ယွၤဒုးဘၣ်ဆူးဘၣ်ဆါအီၤနးနးကလဲာ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 12:22

စီၤဒၤဝံးစံးဆၢဝဲ, “မ့ၢ်လီၤ. ဖဲအဝဲအိၣ်မူဒံးဝဲအခါန့ၣ် ယဒုၣ်တၢ်အီၣ်တၢ်အီဒီးဟီၣ်တၢ်ယၢၤတၢ်လီၤ. ယဆိကမိၣ်လၢယွၤကသးကညီၤယၤဒီးတပျဲဖိသၣ်သံဘၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:31

စီၤပၤဂဲၤဆၢထၢၣ်ဝဲ, ဖှီအကူအသိးတဖၣ်လၢတၢ်သးအုးအပူၤဒီး စုးလီၤအသးဆူဟီၣ်ခိၣ်လိၤန့ၣ်လီၤ. တၢ်ခ့တၢ်ပှၤတဖၣ်လၢအအိၣ်ဒီးအီၤဖဲန့ၣ်စ့ၢ်ကီးဖှီအကူအသိးတဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 21:27

တုၤစီၤအ့ၤလံယၤကတိၤတၢ်ဝံၤန့ၣ်, စီၤအၤဃာ်ဖှီယာ်ကွံာ်အကူ အသိးတဖၣ်, ဘ့ၣ်လီၤကွံာ်အီၤဒီးကူထီၣ်ကၤထီၣ်ဆ့ကၤထၢၣ်တၢ်ကံးယာ်န့ၣ် လီၤ. အဝဲဂ့ၢ်လိာ်လၢကအီၣ်တၢ်, မံလီၤလၢထၢၣ်တၢ်ကံးယာ်အပူၤဒီးအိၣ် ဝဲဒၣ်လၢတၢ်သူၣ်အုးသးအုးဒီးတၢ်သူၣ်လီၤဘှံးသးလီၤတီၤ အပူၤန့ၣ်လီၤ.

လံာ်စီၤနဃ့မယၤ 1:4

ဒီးတုၤယနၢ်ဟူတၢ်သ့ၣ်တဖၣ်အံၤခဲလၢာ်ဝံၤန့ၣ်ဒီးယဆ့ၣ်နီၤ ဟီၣ်ယဲလီၤ. ယဟီၣ်ဒီးယတအီၣ်တအီတၢ်နီတမံၤတဘျုးသီန့ၣ်လီၤ. ဒီးယဃ့ဘါထုကဖၣ်ဆူကစၢ်ယွၤအအိၣ်လီၤ.

စံးထီၣ်ပတြၢၤ 50:15

လၢတၢ်ကိၢ်တၢ်ဂီၤအမုၢ်တနံၤန့ၣ်ကိးထီၣ်ယၤတက့ၢ်. ယကမၤပူၤဖျဲးနၤ ဒီးနကမၤလၤကပီၤယၤလီၤ.

စံးထီၣ်ပတြၢၤ 69:10

တုၤယဆီၣ်လီၤယသးလၢတၢ်ဒုၣ်တၢ်အီၣ်န့ၣ် ကဲထီၣ်က့ၤဝဲလၢတၢ်ဒုၣ်ဒွဲၣ်ယၤန့ၣ်လီၤ.

လံာ်ယၡါယၤ 22:12

ယွၤစိဒိၣ်ကမီၤထီ, သ့တၢ်လၢာ်ကစၢ်ကိးထီၣ်တ့ၢ်လံသုလၢ သုကဟီၣ်တၢ်ယၢၤတၢ်ဒီးသူၣ်အုးသးအုး, လၢသုကလူၤသု ခိၣ်တဖၣ်ဒီးကူထီၣ်ကၤထီၣ်ထၢၣ်တၢ်ကံးယာ်လီၤ.

လံာ်ယၡါယၤ 26:16

နစံၣ်ညီၣ်နပှၤဂီၢ်မုၢ်, ယွၤဧၢ, ဒီးလၢတၢ်သးကိၢ်သးဂီၤအပူၤ အဝဲသ့ၣ်ဘါထုကဖၣ်တၢ်ဆူနအိၣ်လီၤ.

လံာ်ဒၤနံးယ့လး 6:18

အန့ၣ်ဝံၤဒီး, စီၤပၤက့ၤနုာ်ဝဲဒၣ်ဆူအနီပူၤန့ၣ်လီၤ. တၢ်အီၣ်တၢ် အီမ့ၢ်ဂ့ၤတၢ်မၤမုာ်မၤလၤအသးမ့ၢ်ဂ့ၤတတူၢ်လိာ်ဝဲနီတမံၤဘၣ်. ဒီးသီတနၤကျၢၤန့ၣ်မံဝဲတန့ၢ်ဘၣ်.

လံာ်ဒၤနံးယ့လး 9:3

ဒီးယဘါထုကဖၣ်တၢ်လၢသူၣ်လၢသးသပှၢ်ပှၢ်ဆူယွၤ, ကစၢ်ယွၤအအိၣ်ဒီးဒုၣ်တၢ်အီၣ်တၢ်အီ, ကူထီၣ်သိးထီၣ်ဆ့ဆးအသးလၢတၢ် ကံးယာ်ဒီးဆ့ၣ်နီၤလၢဖၣ်ဆါကျါဒီးဃ့ကညးအီၤလီၤ.

လံာ်ယိၤနါ 3:9

ဘၣ်တဘၣ်ကစၢ်ယွၤကလဲလိာ်က့ၤအသး, ဘၣ်တဘၣ်အဝဲကဆိ ကတီၢ်ကွံာ်အတၢ်သးဒိၣ်ဒီးပတတုၤလၢတၢ်ဟးဂီၤလၢၤဘၣ်.”

မၤတၢ် 9:9

လၢသၢသီအတီၢ်ပူၤအဝဲအမဲာ်တထံၣ်တၢ်ဘၣ်. ဒီးတအီၣ်တအီတၢ်နီတမံၤဘၣ်.

လံာ်စီၤယိၤၡူ 7:6

စီၤယိၤၡူဒီးပှၤအံၣ်စရ့လးဖိအခိၣ်အနၢ်တဖၣ် ဖှီယာ်အကူအသိးလၢတၢ်သူၣ်အုးသးအုးအပူၤ, ထိၣ်လီၤပှီၤအသးလၢဟီၣ်ခိၣ်လိၤလၢယွၤအတလါစီဆှံအမဲာ်ညါ ဒီးအိၣ်မံလီၤဖဲန့ၣ်တုၤမုၢ်ဟါလီၤဒီးပာ်ဟီၣ်ခိၣ် အကမူၣ်လၢအခိၣ်အဖီခိၣ်လၢကဒုးနဲၣ်အတၢ်သးအုးအဂီၢ်န့ၣ်လီၤ.