လံာ်စီၤၡမူၤအ့လးခံဘ့ၣ်တဘ့ၣ် 11:4 - Sgaw Karen Common Bible

⁴ စီၤဒၤဝံးပျဲလီၤအပှၤစိာ်တၢ်ကစီၣ်တဖၣ် လၢကလဲၤကိးပိာ်မုၣ်န့ၣ်လီၤ. အဝဲသ့ၣ်ဟဲက့ၤစိာ်ပိာ်မုၣ်န့ၣ်ဆူအဝဲအအိၣ်ဒီးအဝဲဒၣ်မံဃုာ်ဂဲၤဃုာ်ဒီးအီၤလီၤ. (ပိာ်မုၣ်န့ၣ်မၤကဆှီအသးဝံၤသီသီလၢပိာ်မုၣ်အလုၢ်အလၢ်တလါတဘျီန့ၣ်လီၤ.) အန့ၣ်ဝံၤဒီးပိာ်မုၣ်န့ၣ်က့ၤကဒါက့ၤဆူအဟံၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 11:4 Iomraidhean Croise

လံာ်တၢ်ကဲထီၣ်အခီၣ်ထံး 34:2

တုၤပှၤဃံၤဝံၤဖိစီၤဃမိၢ်အဖိခွါစီၤၡက့ၣ်, ပဒိၣ်ဖဲလီၢ်ကဝီၤန့ၣ်ထံၣ်အီၤဒီးဟံးန့ၢ်အီၤဒီးမၤဆူၣ်မၤ စိးအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 39:7

တယံာ်ဘၣ်အလီၢ်ခံန့ၣ်, အကစၢ်အမါစးထီၣ်မဲာ်ဘၣ်စီၤယိၤသးဒီး မၢအီၤလၢကမံဃုာ်ဒီးအီၤလီၤ.

လံာ်စီၤၡမူၤအ့လးခံဘ့ၣ်တဘ့ၣ် 12:12

နမၤတ့ၢ်တၢ်ဒဲးဘးလၢတၢ်ခူသူၣ်အပူၤ, ဘၣ်ဆၣ်ဒီးယကပျဲတၢ်အံၤမၤအသးလၢမုၢ်ထူၣ်မုၢ်ဆါအဆၢကတီၢ် ဒ်သိးကီၢ်အံၣ်စရ့လးဒီကီၢ်ကထံၣ်ဘၣ်အီၤအဂီၢ်န့ၣ်လီၤ.”

စံးထီၣ်ပတြၢၤ 50:18

နကဲထီၣ်ကယဲၢ်ပှၤဟုၣ်တၢ်တဂၤလၢ်လၢ်လၢ နထံၣ်အီၤအတံၤသကိး ဒီးနမၤသကိးတၢ်ဒီးပှၤအဲၣ်ဘၢတၢ်တဖၣ်လီၤ.

တၢ်ကတိၤဒိ. 30:20

တၢ်အံၤမ့ၢ်မါလၢအတတီတဂၤမၤဝဲန့ၣ်လီၤ. အဝဲအဲၣ်ဘၢအဝၤ, လုၣ်ထံလုၣ်နိဝံၤဒီးစံးဝဲ, “ယတမၤကမၣ်တၢ်နီတမံၤမးလဲၣ်.”

လံာ်တၢ်ဘူၣ်ထီၣ်ဘါထီၣ် 15:18

ပိာ်ခွါဒီးပိာ်မုၣ်မံဃုာ်လိာ်အသးမ့ၢ်ဝံၤန့ၣ်အဝဲသ့ၣ်ခံဂၤလိာ်ကဘၣ်လုၢ်ထံ, ဒီးကဲထီၣ်တၢ်တကဆှီတုၤမုၢ်ဟါလီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 18:19

သုတမံဃုာ်ဒီးပိာ်မုၣ်တဂၤလၢအသွံၣ်ဟဲန့ၣ်တဂ့ၤ. အဂ့ၢ်ဒ်အံၤ, ဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးန့ၣ်အဝဲ တကဆှီဝဲဒၣ်ဘၣ်.

လံာ်သိၣ်လီၤသီလီၤတၢ် 5:18

မၤကမၣ်မုၣ်ကမၣ်ခွါတဂ့ၤ.