လံာ်စီၤၡမူၤအ့လးခံဘ့ၣ်တဘ့ၣ် 11:27 - Sgaw Karen Common Bible

²⁷ ဖဲတၢ်ဟီၣ်တၢ်ယၢၤအကတီၢ်ဝံၤဝဲန့ၣ် စီၤဒၤဝံးမၢပှၤဟဲကိးပိာ်မုၣ်န့ၣ်ဆူနီပူၤလီၤ. ပိာ်မုၣ်န့ၣ်ကဲထီၣ်အမါဒီးဆံးစၢ်န့ၢ်အီၤဖိခွါတဂၤလီၤ. ဘၣ်ဆၣ်ဒီးတၢ်လၢစီၤဒၤဝံးမၤတ့ၢ်အံၤ တဘၣ်ယွၤအသးဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 11:27 Iomraidhean Croise

လံာ်တၢ်ကဲထီၣ်အခီၣ်ထံး 38:10

တၢ်လၢအမၤတ့ၢ်ဝဲန့ၣ်တဘၣ်ယွၤအသးဘၣ်အဃိယွၤမၤသံ ကွံာ်စ့ၢ်ကီးအီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 12:9

မ့မ့ၢ်ဒ်န့ၣ်ဒီးဘၣ်မနုၤအဃိ, နတစူၢ်ဘၣ်ယတၢ်မၤလိာ်တဖၣ်န့ၣ်လဲၣ်. ဘၣ်မနုၤနမၤတၢ်အၢတၢ်သီတမံၤအံၤန့ၣ်လဲၣ်. နပျဲစီၤအူၤရံယၤဘၣ်တၢ်မၤသံကွံာ်အီၤလၢတၢ်ဒုးတၢ်ယၤအပူၤ, နပျဲပှၤဧၣ်မိၣ်ဖိတဖၣ်မၤသံကွံာ်အီၤ, အန့ၣ်ဝံၤဒီးနဟံးန့ၢ်ကွံာ်အမါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 15:26

မ့မ့ၢ်အဝဲမ့ၢ်တဘၣ်သူၣ်ဘၣ်သးယၤဘၣ်ဒီး, ဂ့ၤလံ, အန့ၣ်တစုပျဲအဝဲမၤယၤဒ်အတၢ်ဘၣ်အသးအသိးန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 21:16

တဘျီဃီစီၤအၤဃာ်လဲၤဝဲဆူစပံးအလီၢ်, လၢကဟံးန့ၢ်ကွံာ်အီၤ အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 21:20

တုၤစီၤအၤဃာ်ထံၣ်ဘၣ်စီၤအ့ၤလံယၤန့ၣ်, အဝဲစံးဝဲ, “ယဒုၣ်ယဒါဧၢ, မ့ၢ်နချုးန့ၢ်ယၤလံဧါ.” စီၤအ့ၤလံယၤစံးဆၢဝဲ, “မ့ၢ်ယချုးန့ၢ်နၤလံ. နဟ့ၣ်လီၤတ့ၢ်လံနသးလၢာ်လၢာ်ဆ့ဆ့လၢနကမၤတၢ်လၢအကမၣ်လၢယွၤ အမဲာ်ညါန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:7

တၢ်လၢအမၤတ့ၢ်အသးအံၤကစၢ်ယွၤတဘၣ်အသးဘၣ်အဃိ စံၣ်ညီၣ်တ့ၢ်အံၣ်စရ့လးန့ၣ်လီၤ.

စံးထီၣ်ပတြၢၤ 5:6

နမၤဟးဂီၤပှၤလၢအကတိၤကဘျံးကဘျၣ်တၢ်လီၤ. ပှၤလၢအအဲၣ်ဒိးတၢ်ဂၢ်သွံၣ်ဂၢ်စီၤ, ဒီးပှၤလီတၢ်သ့ၣ်တဖၣ်န့ၣ် နသးဘၣ်အၢအီၤလီၤ.

တၢ်ကတိၤဒိ. 6:29

တၢ်မံဃုာ်ဒီးပှၤအဂၤတဂၤအမါန့ၣ်မ့ၢ်တၢ်လၢအလီၤပျံၤလီၤဖုး ဒ်န့ၣ်အသိးလီၤ. ပှၤလၢအမၤတၢ်အံၤတဂၤလၢ်လၢ်န့ၣ်ကတူၢ်ဘၣ်ဝဲလီၤ.

လံာ်ယၡါယၤ 29:15

ပှၤတဖၣ်လၢအကျဲးစၢးပာ်ခူသူၣ်အတၢ်တိာ်ကျဲၤတဖၣ်လၢ ယွၤန့ၣ်, ဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်မၤထွဲအတၢ်ကူၣ်တဖၣ် လၢတၢ်ခူသူၣ်အပူၤဒီးဆိကမိၣ်ဝဲလၢပှၤတထံၣ်ဒီးတသ့ၣ်ညါတၢ် လၢအဝဲသ့ၣ်မၤန့ၣ်နီတဂၤဘၣ်န့ၣ်လီၤ.

လံာ်သးသယုၢ်တၢ် 3:36

ဖဲတၢ်စံၣ်ညီၣ်တီဘၣ်တၢ်ဘိးကဒါကွံာ်အီၤလၢကွီၢ်ဘျီၣ်ပူၤန့ၣ် အဝဲသ့ၣ်ညါဝဲလီၤ.

လံာ်မးသဲ 1:6

စီၤဘိၤဧး (အမိၢ်မ့ၢ်နီၢ်ရၤဃး), စီၤဧိၤဘ့း (အမိၢ်မ့ၢ်နီၢ်ရူၤသး), စီၤယံးၡဲ, စီၤပၤဒၤဝံးလီၤ.

လံာ်သိၣ်လီၤသီလီၤတၢ် 22:29

အဝဲကဘၣ်ဟ့ၣ်တၢ်အပှ့ၤလၢပိာ်မုၣ်ဖိသၣ်န့ၣ်အဂီၢ်ဆူအပၢ်အအိၣ်စ့ညၣ်အဘ့ၣ်ယဲၢ်ဆံ, ဒီးပိာ်မုၣ်ဖိသၣ်ကဘၣ်ကဲထီၣ်အဝဲအမါလီၤ. အဂ့ၢ်ဒ်အံၤအဝဲဖီၣ်ဆူၣ်ပိာ်မုၣ်ဖိသၣ်န့ၣ်ဒ်သိးကအိၣ်ဃုာ်ဝဲအဃိလီၤ. လၢအတၢ်အိၣ်မူ ဒီတစိၤညါန့ၣ်, အဝဲမၤလီၤဖှၣ်အသးဒီးပိာ်မုၣ်ဖိသၣ်န့ၣ်တသ့ နီတစုဘၣ်. အဝဲကဘၣ်ဟ့ၣ်စ့အဘ့ၣ်ယဲၢ်ဆံဒ်တလးမူးပိာ်မုၣ်အပှ့ၤအသိးဆူ ပိာ်မုၣ်ဖိအပၢ်အအိၣ်, ဒီးပိာ်မုၣ်ဖိန့ၣ်ကဘၣ်ကဲထီၣ်အဝဲအ မါ, မ့ၢ်လၢအဝဲမၤဆူၣ်တ့ၢ်အီၤလၢကမံဃုာ်အိၣ်ဃုာ်ဒီးအီၤအဂီၢ် အဃိန့ၣ်လီၤ. ဖဲအဝဲအိၣ်မူဒံးဝဲအဆၢကတီၢ်န့ၣ်ပာ်မၢ်ကွံာ်ပိာ်မုၣ်ဖိန့ၣ် တသ့နီတစုဘၣ်.

ဧ့ၤဘြံၤ 13:4

မ်တၢ်န့ၢ်မါန့ၢ်ဝၤဒီးလီၢ်မံတဘၣ်အၢဘၣ်န့ၣ်, အိၣ်ဒီးအလၤကပီၤလၢပှၤခဲလၢာ်အကျါတက့ၢ်. အဂ့ၢ်ဒ်အံၤ, ကစၢ်ယွၤကစံၣ်ညီၣ်ပှၤလၢအမၤကမၣ်ပိာ်မုၣ် ပိာ်မၢၤဒီးပှၤလၢအအဲၣ်ဘၢတၢ်န့ၣ်လီၤ.