လံာ်စီၤၡမူၤအ့လးခံဘ့ၣ်တဘ့ၣ် 11:26 - Sgaw Karen Common Bible

²⁶ ဖဲနီၢ်ဘၤသၡ့ဘၤနၢ်ဟူဘၣ်လၢအဝၤဘၣ်တၢ်မၤသံကွံာ်အီၤန့ၣ် အဝဲဟီၣ်တၢ်ယၢၤတၢ်လၢအဝၤအတၢ်သံအဃိန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 11:26 Iomraidhean Croise

လံာ်တၢ်ကဲထီၣ်အခီၣ်ထံး 27:41

စီၤဧ့ၤၡီၤသးဟ့စီၤယၤကိာ်လီၤ. အဂ့ၢ်ဒ်အံၤ, အပၢ်ဟ့ၣ်လံစီၤယၤကိာ်လၢတၢ်ဆိၣ်ဂ့ၤအဃိန့ၣ်လီၤ. ဒီးဆိကမိၣ်ထီၣ်ဝဲ, “အကတီၢ်လၢတၢ်ဟီၣ်တၢ်ယၢၤလၢယပၢ်အတၢ်သံ အဂီၢ်အံၤဘူးထီၣ်လံ. တုၤနုၤတစု, ယကမၤသံစီၤယၤကိာ်လီၤ.”

လံာ်တၢ်ကဲထီၣ်အခီၣ်ထံး 50:10

ဖဲအဝဲသ့ၣ်လဲၤတုၤဆူအၤတၤအကြဲၢ်လၢအအိၣ်လၢထံကျိ ယၢ်ဒ့ၣ်အမုၢ်ထီၣ်န့ၣ်, အဝဲသ့ၣ်ဟီၣ်ဝဲယၢၤဝဲဒိၣ်ဒိၣ်မုၢ်မုၢ်, ယံာ်ယံာ်ထၢထၢ, ဒီးစီၤယိၤသးမၤတၢ်ဟီၣ်တၢ်ယၢၤအမူးတဖၣ်နွံ သီန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 11:25

စီၤဒၤဝံးစံးဘၣ်ပှၤစိာ်တၢ်ကစီၣ်န့ၣ်, “ဟ့ၣ်ဆူၣ်ထီၣ်စီၤယိၤအာ်အဂံၢ်အဘါ ဒီးတဲဘၣ်အီၤလၢအသုတသးဘၣ်တံာ်တာ်တဂ့ၤ. အဂ့ၢ်ဒ်အံၤ, မတၤမတၤကသံလၢတၢ်ဒုးတၢ်ယၤအပူၤလဲၣ်န့ၣ်နတဲတသ့ဘၣ်. တဲဘၣ်အီၤလၢကမၤဆူၣ်အါထီၣ်တၢ်ဒုးတဘျီလၢဝ့ၢ်န့ၣ်အဖီခိၣ် ဒီးမၤန့ၢ်ကွံာ်အီၤန့ၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 14:2

လၢတၢ်န့ၣ်အဃိ, အဝဲမၢပှၤကိးန့ၢ်အီၤပိာ်မုၣ်တဂၤလၢအကူၣ်သ့ဒိၣ်မး လၢအအိၣ်ဆိးဝဲလၢဝ့ၢ်တကိၤန့ၣ်လီၤ. ဖဲပိာ်မုၣ်န့ၣ်ဟဲတုၤဒီးအဝဲစံးဘၣ်အီၤဒ်အံၤ, “ပာ်မၤနသးဒ်နအိၣ်လၢတၢ်ဟီၣ်တၢ်ယၢၤအပူၤ, ကူထီၣ်ကၤထီၣ်တၢ်ဘၣ်မိၣ်ဘၣ်မးအကူအသိးတဖၣ်ဒီးခွံနခိၣ်သူတဂ့ၤ. မၤနသးဒ်ပိာ်မုၣ်တဂၤလၢအဟီၣ်တၢ်ဖးယံာ်ဖးထၢလံအသိးန့ၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 3:31

အန့ၣ်ဝံၤဒီးစီၤဒၤဝံးဟ့ၣ်လီၤအကလုၢ်လၢစီၤယိၤအာ်ဒီးအပှၤ တဖၣ်ကဖှီယာ်အကူအသိးတဖၣ်ဒီးကၤထီၣ်ထၢၣ်ကံးယာ်ဒီးဟီၣ်တၢ် ယၢၤတၢ်လၢစီၤအဘံန့ၢ်အဂီၢ်န့ၣ်လီၤ. ဒီးလၢတၢ်လဲၤခူၣ်လီၤအကတီၢ်န့ၣ်, စီၤပၤစီၤဒၤဝံးအနီၢ်ကစၢ်ဒၣ်ဝဲဟးလၢကျုာ်အလီၢ်ခံန့ၣ်လီၤ.

လံာ်စီၤပၤအခီၣ်ထံးတဘ့ၣ် 21:16

တဘျီဃီစီၤအၤဃာ်လဲၤဝဲဆူစပံးအလီၢ်, လၢကဟံးန့ၢ်ကွံာ်အီၤ အဂီၢ်န့ၣ်လီၤ.

လံာ်သိၣ်လီၤသီလီၤတၢ် 34:8

ကီၢ်အံၣ်စရ့လးအပှၤဂီၢ်မုၢ်ဟီၣ်ဝဲယၢၤဝဲလၢအဝဲအဃိလၢအသီ သၢဆံအတီၢ်ပူၤလၢကီၢ်မိၤအးအတၢ်ပၢၤခိၣ်တတီၤအပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 31:13

အန့ၣ်ဝံၤဒီးအဝဲသ့ၣ်ဟံးန့ၢ်အဃံတဖၣ်ဒီးခူၣ်လီၤအဝဲသ့ၣ်ဖဲ သ့ၣ်ဖိတထံးအခီၣ်ထံး, လၢဝ့ၢ်ပူၤဒီးအဝဲသ့ၣ်ဒုၣ်တၢ်အီၣ်နွံသီန့ၣ်လီၤ.