လံာ်စီၤၡမူၤအ့လးခံဘ့ၣ်တဘ့ၣ် 11:17 - Sgaw Karen Common Bible

¹⁷ ဒုၣ်ဒါအသုးဖိတဖၣ်ဟဲထီၣ်လၢဝ့ၢ်ပူၤဒီးဒုးစီၤယိၤအာ်အသုးမုၢ်တဖၣ်န့ၣ်လီၤ. စီၤဒၤဝံးအသုးခိၣ်တနီၤသံဝဲဒီးစီၤအူၤရံယၤစ့ၢ်ကီးသံဝဲဒၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 11:17 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 11:16

လၢတၢ်န့ၣ်အဃိ, ဖဲစီၤယိၤအာ်ကဝီၤဃာ်ဝ့ၢ်တဖျၢၣ်အခါန့ၣ်, အဝဲဆှၢလီၤစီၤအူၤရံယၤဆူတၢ်လီၢ်တတီၤလၢအသ့ၣ်ညါဝဲလၢ မ့ၢ်တၢ်လီၢ်ဖဲဒုၣ်ဒါအဂံၢ်အဘါဆူၣ်ဝဲအလီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 11:18

အန့ၣ်တစု, စီၤယိၤအာ်ဆှၢလီၤတၢ်ဒုးတၢ်ယၤအတၢ်ကစီၣ်အလၢအပှဲၤဆူစီၤဒၤဝံးအအိၣ်,

လံာ်စီၤၡမူၤအ့လးခံဘ့ၣ်တဘ့ၣ် 11:21

သုတသ့ၣ်နီၣ်ဘၣ်လၢစီၤကံးဒဧိၣ် (စီၤယရူၤဘၡ့း) အဖိခွါစီၤအဘံၤမ့လ့း ဘၣ်တၢ်မၤသံအီၤဒ်လဲၣ်အဂ့ၢ်ဘၣ်ဧါ. တၢ်န့ၣ်မ့ၢ်ဖဲဝ့ၢ်သံဘ့း (တ့ဘ့း), ဖဲပိာ်မုၣ်တဂၤတ့ၢ်လီၤဆၢၣ်ဂူာ်လၢၢ်တဖျၢၣ်လၢဝ့ၢ်ခိၣ်ဒူဒီးမၤသံအီၤန့ၣ်လီၤ. မ့မ့ၢ်ဒ်န့ၣ်ဒီးဘၣ်မနုၤအဃိသုဘၣ်လဲၤဘူးကဲာ်ဆိးဒီးဝ့ၢ် ခိၣ်ဒူန့ၣ်လဲၣ်. စီၤပၤမ့ၢ်သံကွၢ်နၤတၢ်အံၤဒီးတဲဘၣ်အီၤလၢ, နသုးခိၣ်စီၤအူၤရံယၤစ့ၢ်ကီးသံလံ, န့ၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 12:9

မ့မ့ၢ်ဒ်န့ၣ်ဒီးဘၣ်မနုၤအဃိ, နတစူၢ်ဘၣ်ယတၢ်မၤလိာ်တဖၣ်န့ၣ်လဲၣ်. ဘၣ်မနုၤနမၤတၢ်အၢတၢ်သီတမံၤအံၤန့ၣ်လဲၣ်. နပျဲစီၤအူၤရံယၤဘၣ်တၢ်မၤသံကွံာ်အီၤလၢတၢ်ဒုးတၢ်ယၤအပူၤ, နပျဲပှၤဧၣ်မိၣ်ဖိတဖၣ်မၤသံကွံာ်အီၤ, အန့ၣ်ဝံၤဒီးနဟံးန့ၢ်ကွံာ်အမါန့ၣ်လီၤ.

စံးထီၣ်ပတြၢၤ 51:14

ကစၢ်ယွၤဧၢ, မၤပူၤမၤဖျဲးယၤလၢတၢ်သံန့ၣ်တက့ၢ်. နမ့ၢ်ယတၢ်အုၣ်က့ၤခီၣ်က့ၤအကစၢ်, ဒီးယပျ့ၤကသးဝံၣ်ထီၣ်နၤဒိၣ်ဒိၣ် လၢနတၢ်မၤပူၤဖျဲးအဃိလီၤ.