လံာ်စီၤၡမူၤအ့လးခံဘ့ၣ်တဘ့ၣ် 11:15 - Sgaw Karen Common Bible

¹⁵ အဝဲကွဲးဝဲဒၣ်, “ပာ်လီၤစီၤအူၤရံယၤလၢတၢ်မဲာ်ညါဖဲတၢ်ဒုးဆူၣ်ကတၢၢ်အလီၢ်, ဒီးဂုၤက့ၤသုဝဲဆူတၢ်လီၢ်ခံဒီးပျဲတၢ်မၤသံကွံာ်အီၤတက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 11:15 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 11:16

လၢတၢ်န့ၣ်အဃိ, ဖဲစီၤယိၤအာ်ကဝီၤဃာ်ဝ့ၢ်တဖျၢၣ်အခါန့ၣ်, အဝဲဆှၢလီၤစီၤအူၤရံယၤဆူတၢ်လီၢ်တတီၤလၢအသ့ၣ်ညါဝဲလၢ မ့ၢ်တၢ်လီၢ်ဖဲဒုၣ်ဒါအဂံၢ်အဘါဆူၣ်ဝဲအလီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 11:17

ဒုၣ်ဒါအသုးဖိတဖၣ်ဟဲထီၣ်လၢဝ့ၢ်ပူၤဒီးဒုးစီၤယိၤအာ်အသုးမုၢ်တဖၣ်န့ၣ်လီၤ. စီၤဒၤဝံးအသုးခိၣ်တနီၤသံဝဲဒီးစီၤအူၤရံယၤစ့ၢ်ကီးသံဝဲဒၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 12:9

မ့မ့ၢ်ဒ်န့ၣ်ဒီးဘၣ်မနုၤအဃိ, နတစူၢ်ဘၣ်ယတၢ်မၤလိာ်တဖၣ်န့ၣ်လဲၣ်. ဘၣ်မနုၤနမၤတၢ်အၢတၢ်သီတမံၤအံၤန့ၣ်လဲၣ်. နပျဲစီၤအူၤရံယၤဘၣ်တၢ်မၤသံကွံာ်အီၤလၢတၢ်ဒုးတၢ်ယၤအပူၤ, နပျဲပှၤဧၣ်မိၣ်ဖိတဖၣ်မၤသံကွံာ်အီၤ, အန့ၣ်ဝံၤဒီးနဟံးန့ၢ်ကွံာ်အမါန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:5

ယွၤမၤတ့ၢ်တၢ်အံၤမ့ၢ်လၢစီၤဒၤဝံးမၤတ့ၢ်တၢ်လၢအမၤမုာ်ယွၤ အသးဒီးစူၢ်အဝဲအတၢ်မၤလိာ်တဖၣ်ထီဘိ, မ့တမ့ၢ်ဘၣ်ထဲလၢတၢ်ဂ့ၢ်တမံၤလၢအဘၣ်ထွဲဒီးပှၤဃ့ၤသးဖိစီၤ အူၤရံယၤဘၣ်န့ၣ်လီၤ.

စံးထီၣ်ပတြၢၤ 51:14

ကစၢ်ယွၤဧၢ, မၤပူၤမၤဖျဲးယၤလၢတၢ်သံန့ၣ်တက့ၢ်. နမ့ၢ်ယတၢ်အုၣ်က့ၤခီၣ်က့ၤအကစၢ်, ဒီးယပျ့ၤကသးဝံၣ်ထီၣ်နၤဒိၣ်ဒိၣ် လၢနတၢ်မၤပူၤဖျဲးအဃိလီၤ.

စံးထီၣ်ပတြၢၤ 51:4

ယမၤကမၣ်ဘၣ်တ့ၢ်လံနၤ, ထဲနၤတဂၤဧိၤ, ဒီးမၤတၢ်အၢလၢနမဲာ်ညါလံ. မၤသးဒ်န့ၣ်ဒီး, နမၤတၢ်တီတၢ်လိၤလၢ နတၢ်စံၣ်ညီၣ်ယၤအပူၤ ဒီးတၢ်ပာ်တၢ်ကမၣ်အလီၢ်တအိၣ်လၢ နတၢ်စံၣ်ညီၣ်အပူၤဘၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 8:11

ဘၣ်မနုၤအဃိပှၤမၤတၢ်ထီဒါတၢ်သိၣ်တၢ်သီတဖၣ်ညီကဒၣ်န့ၣ်လဲၣ်. မ့ၢ်လၢတၢ်လုၢ်သ့ၣ်ခါပတာ်တၢ်သိၣ်တၢ်သီအံၤတဘၣ်တၢ်စံၣ်ညီၣ် အီၤချ့ချ့ဘၣ်အဃိလီၤ.

လံာ်ယံးရမံယၤ 17:9

မတၤသ့ၣ်ညါနၢ်ပၢၢ်ပှၤကညီအသးကသ့တဂၤလဲၣ်. တၢ်အဂၤလၢအလီန့ၢ်တၢ်သ့ထဲထဲန့ၣ်တအိၣ်ဘၣ်. အၢဝဲသီဝဲကဲၣ်ဆိးလၢတၢ်ကမၤဘျါက့ၤအီၤ အဂီၢ်န့ၣ်လီၤ.

လံာ်ယံးရမံယၤ 20:13

သးဝံၣ်ထီၣ်ယွၤတက့ၢ်. စံးထီၣ်ပတြၢၤယွၤတက့ၢ်. အဝဲဒၣ်အုၣ်က့ၤခီၣ်က့ၤပှၤလၢအဘၣ်တၢ်မၤအၢမၤနး အီၤတဖၣ်လၢပှၤအအၢအသီတဖၣ်အစိကမီၤအပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:17

တုၤနုၤတစု, စီၤစီလူးစံးဘၣ်စီၤဒၤဝံး, “အဝဲအံၤမ့ၢ်ယဖိမုၣ်အဒိၣ်ကတၢၢ်နီၢ်မ့ရ့ာ်လီၤ. ယကဟ့ၣ်အီၤလၢနၤဒ်နမါလၢနမ့ၢ်ယခ့ယပှၤလၢအဒူဒီးပှၤသုးဖိ လၢအသးတီဒီးယၤဒီးဒုးယွၤအတၢ်ဒုးတဖၣ်အဃိန့ၣ်လီၤ.” (စီၤစီလူးဆိကမိၣ်ဝဲလၢ, လၢကျဲဒ်အံၤန့ၣ်ပှၤဖလ့ၡသးဖိတဖၣ် ကမၤသံစီၤဒၤဝံးဒီးအလီၢ်တအိၣ်ဘၣ်လၢအဝဲအနီၢ်ကစၢ်ဒၣ်ဝဲ ကမၤသံဘၣ်စီၤဒၤဝံးဘၣ်န့ၣ်လီၤ.)

လံာ်စီၤၡမူၤအ့လးအခီၣ်ထံးတဘ့ၣ် 18:21

အဝဲစံးလီၤအသး, “ယကဟ့ၣ်နီၢ်မံကၤလးဆူစီၤဒၤဝံးဒီး ယကသူအီၤဒ်ထုအသိးလၢစီၤဒၤဝံးကဘၣ်တၢ်မၤသံကွံာ်အီၤလၢပှၤ ဖလ့ၡသးဖိတဖၣ်န့ၣ်လီၤ.” မၤသးဒ်န့ၣ်ဒီးစီၤစီလူးစံးဘၣ်စီၤဒၤဝံးခံစုတစု, “နကဘၣ်ကဲထီၣ်ယမာ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 18:25

ဒီးစီၤစီလူးမၤလိာ်အဝဲသ့ၣ်လၢကတဲဘၣ်စီၤဒၤဝံး, “ကယဲၢ်တၢ်လၢစီၤပၤသးလီလၢနအိၣ်ဒ်တၢ်အပှ့ၤလၢတလးမူးပိာ် မုၣ်အဂီၢ်န့ၣ်မ့ၢ်ပှၤဖလ့ၡသးဖိအဂၤတကယၤလၢအသံဝဲအတၢ်အခိၣ် ဖံး, လၢတၢ်ဟ့ၣ်ကၣ်က့ၤအဒုၣ်အဒါတဖၣ်အဂီၢ်န့ၣ်လီၤ.” (တၢ်အံၤမ့ၢ်စီၤစီလူးအတၢ်ကူၣ်ကျဲၤလၢစီၤဒၤဝံးကဘၣ်တၢ်မၤ သံအီၤလၢပှၤဖလ့ၡသးဖိတဖၣ်ဒ်လဲၣ်အဂ့ၢ်န့ၣ်လီၤ.)