လံာ်စီၤၡမူၤအ့လးခံဘ့ၣ်တဘ့ၣ် 10:6 - Sgaw Karen Common Bible

⁶ ပှၤဧၣ်မိၣ်ဖိတဖၣ်ထံၣ်သ့ၣ်ညါဝဲလၢအဝဲသ့ၣ်ဒုးကဲထီၣ်စီၤဒၤ ဝံးလၢအဝဲသ့ၣ်အဒုၣ်အဒါလံ, သတးဒီးအဝဲသ့ၣ်ဒိးလဲန့ၢ်ဝဲ ပှၤစူၤရံအသုးဖိအဂၤခံကလးလၢဝ့ၢ်ဘ့ၤသရဃိာ်ဒီးဝ့ၢ်စိဘၤ, ပှၤအဂၤတကလးခံကထိလၢဝ့ၢ်တိာ်ဒီးကိးဝ့ၢ်မကၤအစီၤပၤဃုာ် ဒီးအပှၤတကထိဂၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 10:6 Iomraidhean Croise

လံာ်တၢ်ကဲထီၣ်အခီၣ်ထံး 34:30

စီၤယၤကိာ်စံးဘၣ်စီၤစူၤမ့းအိၣ်ဒီးစီၤလ့ၤဝံ, “သုဒုးလီၤဘၣ်ယၤလၢတၢ်ကိၢ်တၢ်ဂီၤအပူၤလံ. ခဲကနံၣ်အံၤပှၤကနၤဧၣ်ဖိ တဖၣ်, ပှၤပရးစးဖိတဖၣ်ဒီးကယဲၢ်ပှၤအိၣ်လၢကီၢ်ပူၤတဂၤလၢ်လၢ် ကသးဟ့ယၤလီၤ. ယတအိၣ်ဒီးပှၤပိာ်ခွါအါဂၤဘၣ်. အဝဲသ့ၣ်ခဲလၢာ်မ့ၢ်ပာ်ဖှိၣ်ထီၣ်အသး, ထီဒါယၤဒီးဒုးယၤန့ၣ် ပဒူၣ်ဖိထၢဖိဒီတဒူၣ်ညါကဟးဂီၤကွံာ်ဝဲန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 10:5

အဝဲသ့ၣ်အမဲာ်ဆှးဒိၣ်မးလၢကက့ၤကဒါက့ၤဆူဟံၣ်အဂီၢ်လီၤ. ဖဲစီၤဒၤဝံးနၢ်ဟူတၢ်လၢအမၤတ့ၢ်အသးအဂ့ၢ်န့ၣ်, အဝဲတဲဘၣ်လီၤအဝဲသ့ၣ်လၢကအိၣ်ဆိးဖဲဝ့ၢ်ယရံၤဃိအပူၤဒီး တချုးလၢအနိးဆူၣ်ခၣ်ဆူၣ်ဟဲထီၣ်ကဒါက့ၤဒံးဘၣ်ဒီးအသုတဟဲ က့ၤကဒါက့ၤတဂ့ၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 10:7

စီၤဒၤဝံးနၢ်ဟူဘၣ်တၢ်ဂ့ၢ်န့ၣ်ဒီးဆှၢလီၤစီၤယိၤအာ်ထီဒါ အဝဲသ့ၣ်ဃုာ်ဒီးသုးမုၢ်ဒီတဖုညါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 16:21

စီၤအဃံသဖ့ၤလးစံးဆၢဝဲဒၣ်, “လဲၤဒီးမံဃုာ်ဂဲၤဃုာ်ဒီး နပၢ်အသံၣ်မါတဖၣ်လၢအပာ်လီၤတဲာ်တ့ၢ်ဝဲဒ်သိးအကကွၢ်ထွဲ စီၤလိၣ်စီၤပၤအနူၢ်အစီၤအဂီၢ်န့ၣ်တက့ၢ်. တုၤနုၤတစု, ပှၤကိးဂၤဒဲးလၢကီၢ်အံၣ်စရ့လးအပူၤကသ့ၣ်ညါဝဲလၢ နပၢ်ပာ်နၤဒ်အဒုၣ်အဒါတဂၤအသိးဒီးပှၤပိာ်နခံတဖၣ်အသး အဂံၢ်အဘါကဆူၣ်ထီၣ်ဝဲလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 23:34

ပှၤဝ့ၢ်မၤကၤဖိစီၤအဃၤစဘဲအဖိခွါစီၤအလံၤဖ့လ့း, ပှၤဝ့ၢ်ကံလိၣ်ဖိစီၤအဃံၤသဖ့လးအဖိခွါစီၤအလံဧၣ်,

လံာ်စီၤၡမူၤအ့လးခံဘ့ၣ်တဘ့ၣ် 8:12

လၢအမ့ၢ်ကီၢ်အဒိၣ်, ကီၢ်မိၤအး, ကီၢ်ဧၤမိၣ်, ကီၢ်ဖလ့ၡသး, ဒီးကီၢ်ဧမၤလ့း, ဃုာ်ဒီးတၢ်ဂုာ်န့ၢ်တနီၤလၢအဟဲက့ၤစိာ်ဝဲ လၢစီၤဟးဒးဧ့စ့ၢ်အအိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:3

အန့ၣ်ဝံၤဒီးအဝဲမၤနၢၤကွံာ်ပှၤစူၤရံဖိအစီၤပၤလၢကီၢ်ဆၣ်စိဘၤ, စီၤရဃိာ်အဖိခွါစီၤဟးဒးဧ့စ့ၢ်, ဖဲစီၤဟးဒးဧ့စ့ၢ်လဲၤ တၢ်လၢကျဲအဖၢမုၢ်ဒ်သိးအကလဲၤမၤန့ၢ်က့ၤအတၢ်ပၢၤဘၣ်လီၢ်ကဝီၤ လၢထံကျိဖရၤသးအထးခီအဂီၢ်အခါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:5

ဖဲပှၤစူၤရံဖိတဖၣ်လၢဝ့ၢ်ဒၤမ့ၤစ့း, ဆှၢလီၤသုးမုၢ်တဖုလၢကမၤစၢၤစီၤဟးဒးဧ့စ့ၢ်အဂီၢ်န့ၣ်, စီၤဒၤဝံးဒုးအီၤဒီးမၤသံကွံာ်ပှၤအဂၤခံကလးခံကထိန့ၣ် လီၤ.

လံာ်စီၤပၤအခီၣ်ထံးတဘ့ၣ် 11:24

ဒီးကဲထီၣ်တ့ၢ်ခိၣ်နၢ်တဂၤလၢပှၤတဖုလၢတဒိကနၣ်ထံကီၢ်အတၢ် သိၣ်တၢ်သီအဂီၢ်န့ၣ်လီၤ. (တၢ်အံၤမၤအသးဖဲစီၤဒၤဝံးမၤနၢၤကွံာ်စီၤဟးဒးဧ့စ့ၢ် ဒီးမၤသံကွံာ်အဝဲအသိၣ်အမှံၤပှၤစူၤရံဖိတဖၣ်ဝံၤအလီၢ်ခံ န့ၣ်လီၤ.) စီၤရစိၣ်ဒီးအပှၤတဖၣ်လဲၤဒီးအိၣ်ဝဲဆိးဝဲဖဲဝ့ၢ်ဒၤမ့း စ့း, ဖဲအဝဲအပှၤတဖၣ်ပာ်ထီၣ်အီၤလၢကီၢ်စူၤရံအစီၤပၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 7:6

ယွၤဒုးနၢ်ဟူတ့ၢ်ပှၤစူၤရံဖိတဖၣ်လၢတၢ်အသီၣ်လၢအလီၤဂာ်ဒီး သုးမုၢ်ဖးဒိၣ်ဟဲထီၣ်ဝဲတဖုလၢအအိၣ်ဒီးကသ့ၣ်တဖၣ်ဒီးလ့ၣ် ကဟၣ်တဖၣ်န့ၣ်လီၤ. ပှၤစူၤရံဖိတဖၣ်ဆိကမိၣ်ဝဲလၢကီၢ်အံၣ်စရ့လးအစီၤပၤဒိးလဲ ပှၤဃ့ၤသးဖိဒီးပှၤအဲၤကူပတူးဖိအစီၤပၤတဖၣ်ဒီးအဝဲသ့ၣ် အသုးမုၢ်တဖၣ်လၢကဟဲထီၣ်ဒုးအဝဲသ့ၣ်န့ၣ်လီၤ.

စံးထီၣ်ပတြၢၤ 48:4

စီၤပၤသ့ၣ်တဖၣ်ပာ်ဖှိၣ်ထီၣ်အသးတပူၤဃီ ဒီးဟဲဝဲလၢကဒုးကစၢၢ်စံယိၣ်အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 5:21

ဒီးအဝဲသ့ၣ်စံးဘၣ်စီၤမိၤၡ့ဒီးစီၤအၤဟရိၣ်, “ယွၤထံၣ်တၢ်လၢသုမၤန့ၣ်ဒီးကစံၣ်ညီၣ်သု, မ့ၢ်လၢသုထိၣ်ဂဲၤစီၤပၤဒီးအခ့အပှၤတဖၣ်အသးလၢကသးဟ့ပှၤအဃိန့ၣ်လီၤ. ဒီးသုဟ့ၣ်အဝဲသ့ၣ်တၢ်ပျဲတမံၤဒ်သိးအကမၤသံပှၤန့ၣ်လီၤ.”

တၢ်ကတိၤဒိ. 25:8

လဲၤချ့ကဲၣ်ဆိးဆူကွီၢ်ဘျီၣ်ပူၤဘၣ်ဃးတၢ်လၢနထံၣ်ဘၣ်တ့ၢ် တမံၤအဂ့ၢ်န့ၣ်တဂ့ၤ. ပှၤအုၣ်အသးအဂၤလၢခံတဂၤမ့ၢ်ဒုးနဲၣ်ဖျါဝဲလၢနကမၣ်လံဒီး, တုၤနုၤတစုနကမၤက့ၤနဲဒ်လဲၣ်.

လံာ်ယံးရမံယၤ 40:8

လၢတၢ်န့ၣ်အဃိ, စီၤနသၤနံယၤအဖိခွါစီၤယံးၡမၤအ့လး, စီၤကါရ့ၤအဖိခွါစီၤယိၤဃၤနၣ်, စီၤတးနဃူမ့းအဖိခွါစီၤစရါယၤ, ပှၤနတိဖၤဖိစီၤဧ့ၤဖ့ၤအဖိခွါတဖၣ်, ဒီးပှၤမၤကးဖိစီၤယစၤနယၤ, လဲၤတၢ်ဒီးအပှၤတဖၣ်ဆူစီၤကဒါလယၤအအိၣ်လၢဝ့ၢ်မံးစပၤန့ၣ် လီၤ.

လံာ်ယံးရမံယၤ 46:21

အသုးဖိတဖၣ်လၢ အဒိးလဲန့ၢ်ဝဲဒၣ်လဲာ် မၤစၢၤလီၤက့ၤအသးတသ့ဘၣ်ဒ် ဂီၤဖံးဖိတဖၣ်အသိးန့ၣ်လီၤ. အဝဲသ့ၣ် တဆၢထၢၣ်ဒီး ဒုးတၢ်ဘၣ်. အဝဲသ့ၣ်ခဲလၢာ်ဃၣ်အသးဒီး ဃ့ၢ်ကွံာ်ဝဲလီၤ. တၢ်စံၣ်ညီၣ်ဃါမနၤအမုၢ်တနံၤတုၤ အိၣ်အဝဲသ့ၣ်လံ. မ့ၢ်အဝဲသ့ၣ်အတၢ်ဟးဂီၤအဆၢကတီၢ်န့ၣ်လီၤ.

လံာ်သိၣ်လီၤသီလီၤတၢ် 3:14

စီၤယၤအံၢ်, ပှၤတဂၤလၢမနၤၡ့ၤအဒူၣ်ဟံးန့ၢ်ကီၢ်အၢ်ကိးအလီၢ် ကဝီၤခဲလၢာ်လၢအမ့ၢ်ကီၢ်ဘၤၡၣ်ကယံၤဝဲတုၤလၢကီၢ်ကၡူၢ်ဒီး ကီၢ်မၤကးအကီၢ်ဆၢန့ၣ်လီၤ. ဒီးအဝဲကိးန့ၢ်ဒူသဝီၤတဖၣ်န့ၣ်အမံၤဒ်အဝဲအမံၤအသိးဒီးသဝီ တဖၣ်န့ၣ်ဘၣ်တၢ်သ့ၣ်ညါဒံးအီၤဒ်ဘၤၡၣ်ဃၤအိးယၤအံၣ်လၢအခီ ပညီမ့ၢ်ဝဲစီၤယၤအံၢ်အသဝီတဖၣ်န့ၣ်လီၤ.)

လံာ်ပှၤစံၣ်ညီၣ်ကွီၢ် 11:3

ဒီးစီၤယံးဖသးဟးထီၣ်ကွံာ်လၢအဒီပုၢ်ဝဲၢ်တဖၣ်အအိၣ်ဒီးလဲၤ အိၣ်ဝဲလၢကီၢ်တိာ်အပူၤလီၤ. ဖဲန့ၣ်ပှၤကလီကလီဖိတဖၣ်ဟဲအိၣ်ဖှိၣ် ရိဖှိၣ်လၢအအိၣ်ဒီးအဝဲသ့ၣ်လဲၤသကိးတၢ်ဒီးအီၤန့ၣ်လီၤ.

လံာ်ပှၤစံၣ်ညီၣ်ကွီၢ် 11:5

ဖဲတၢ်အံၤမၤအသးဒီး, ပှၤကီၢ်ကံးလဧးဖိအခိၣ်အနၢ်တဖၣ်လဲၤဆူ ကီၢ်တိာ်ဒ်သိးအကကိးန့ၢ်က့ၤစီၤယံးဖသၤန့ၣ်လီၤ.

လံာ်ပှၤစံၣ်ညီၣ်ကွီၢ် 18:28

ဒီးပှၤလၢကအုၣ်က့ၤခီၣ်က့ၤအဝဲသ့ၣ်တအိၣ်ဘၣ်နီတဂၤဘၣ်. အဂ့ၢ်ဒ်အံၤဝ့ၢ်လ့ၡ့ၣ်အိၣ်စီၤစုၤဒီးဝ့ၢ်စံဒိၣ်ဖးယံၤဒီး တမၤဃုာ်လိာ်သးဒီးပှၤနီတဖုဘၣ်. ပှၤဒၣ်ဖိတဖၣ်သူၣ်ထီၣ်ကဒါက့ၤဝ့ၢ်န့ၣ်ဒီးအိၣ်ဆိးဝဲဖဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:4

ကယဲၢ်ပှၤအံၣ်စရ့လးဖိတဖၣ်ဘၣ်တၢ်တဲဘၣ်အီၤလၢစီၤစီလူးမၤသံကွံာ် ပှၤဖလ့ၡသးဖိအသုးခိၣ်ဒိၣ်ဒီးလၢပှၤဖလ့ၡသးဖိ တဖၣ်သးဟ့အဝဲသ့ၣ်အဂ့ၢ်န့ၣ်လီၤ. လၢတၢ်န့ၣ်အဃိပှၤဂီၢ်မုၢ်စံးဆၢတၢ်ကိးဒ်သိးကပာ်ဖှိၣ်အသး ဃုာ်ဒီးစီၤစီလူးဖဲဝ့ၢ်ကံးလကၤလးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 27:12

မ့မ့ၢ်ဒီးစီၤအၤကံၣ်နာ်စီၤဒၤဝံးဒီးစံးလီၤအသး, “အဝဲဘၣ်တၢ်သးဟ့အီၤနးနးကလဲာ်လၢ အပှၤကလုာ်ပှၤအံၣ်စရ့လးဖိဒၣ်ဝဲ ဒီးအဝဲကဘၣ်မၤယခ့ယပှၤအတၢ်မၤလၢအတၢ်အိၣ်မူတစိၤဒၣ်အီၤန့ၣ်လီၤ.”