လံာ်စီၤၡမူၤအ့လးခံဘ့ၣ်တဘ့ၣ် 10:4 - Sgaw Karen Common Bible

⁴ စီၤဃၤနူၣ်ဖီၣ်စီၤဒၤဝံးအပှၤစိာ်တၢ်ကစီၣ်တဖၣ်, လူၤကျိကွံာ်အဝဲသ့ၣ်အခၣ်ဆူၣ်တကပၤ, ကူးတဲာ်ကွံာ်အဝဲ သ့ၣ်အကူအသိးစးထီၣ်လၢအဆ့ကၤခီၣ်ထံးတုၤလၢအခံ ခိၣ်ဒီးဆှၢကဒါက့ၤအဝဲသ့ၣ်တဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 10:4 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 10:5

အဝဲသ့ၣ်အမဲာ်ဆှးဒိၣ်မးလၢကက့ၤကဒါက့ၤဆူဟံၣ်အဂီၢ်လီၤ. ဖဲစီၤဒၤဝံးနၢ်ဟူတၢ်လၢအမၤတ့ၢ်အသးအဂ့ၢ်န့ၣ်, အဝဲတဲဘၣ်လီၤအဝဲသ့ၣ်လၢကအိၣ်ဆိးဖဲဝ့ၢ်ယရံၤဃိအပူၤဒီး တချုးလၢအနိးဆူၣ်ခၣ်ဆူၣ်ဟဲထီၣ်ကဒါက့ၤဒံးဘၣ်ဒီးအသုတဟဲ က့ၤကဒါက့ၤတဂ့ၤန့ၣ်လီၤ.

လံာ်ယၡါယၤ 15:2

ပှၤဒံးဘိၣ်ဖိတဖၣ်လဲၤထီၣ်ကစၢၢ်လၢကဟီၣ်ဝဲယၢၤဝဲဖဲတၢ်ဘူၣ် တၢ်ဘါအလီၢ်အိၣ်ဝဲန့ၣ်လီၤ. ပှၤမိၤအးဖိတဖၣ်ဟီၣ်ဝဲယၢၤဝဲလၢ တၢ်သူၣ်အုးသးအုးအပူၤလၢဝ့ၢ်နဘိဒီးဝ့ၢ်မ့ဒဘၤတဖၣ်အဃိလီၤ. အဝဲသ့ၣ်လူၤကွံာ်အခိၣ်တဖၣ်ဒီးအခၣ်ဆူၣ်တဖၣ်လၢတၢ်သူၣ်အုး သးအုးအပူၤလီၤ.

လံာ်ယၡါယၤ 20:4

ကီၢ်အၤၡူၢ်အစီၤပၤဖးဒိၣ်ကဆှၢကွံာ်ပှၤလၢအဖီၣ်န့ၢ်ဝဲလၢထံကီၢ်ခံ ဘ့ၣ်န့ၣ်လၢတၢ်အိၣ်ဘ့ၣ်ဆ့အပူၤလီၤ. သးပှၢ်ဂ့ၤ, သးစၢ်ဂ့ၤ, အဝဲသ့ၣ်ကဟးဝဲအိၣ်ဘ့ၣ်ဆ့အိၣ်ဘ့ၣ်ခီၣ်, အခံခိၣ်တဖၣ်အိၣ်ဖျါ လၢခိဒီးဟဲစိာ်တၢ်မဲာ်ဆှးလၢကီၢ်အဲၤကူပတူးအဂီၢ်လီၤ.

လံာ်ယံးရမံယၤ 41:5

ပှၤအဂၤဃိးဆံဟဲတုၤဝဲလၢ ဝ့ၢ်ၡက့ၣ်, ဝ့ၢ်ၡံလိၤ, ဒီးဝ့ၢ်ၡၤမရံလီၤ. အဝဲသ့ၣ် လူၤကွံာ်အခၣ်ဆူၣ်, ဖှီယာ်အကူအသိးတဖၣ်, ဒီးဂဲာ်လီၤအသးန့ၣ်လီၤ. အဝဲသ့ၣ်လဲၤစိာ်ဘုခ့ဒီး တၢ်နၢမူလၢ ကလုၢ်ထီၣ်တၢ်လၢ ယွၤအတၢ်လုၢ်ဟံၣ်ပူၤအဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 19:27

သုတတံာ်ကဝီၤသုခိၣ်သူအထိးနါတဂ့ၤမ့တမ့ၢ်သု တတံာ်တဲာ်သုခၣ်ဆူၣ်အထိးနါတဂ့ၤ.