လံာ်စီၤၡမူၤအ့လးခံဘ့ၣ်တဘ့ၣ် 10:19 - Sgaw Karen Common Bible

¹⁹ ဖဲစီၤပၤတဖၣ်လၢအအိၣ်လၢစီၤဟးဒးဧ့စ့ၢ်အတၢ်ပၢတၢ်ပြးအဖီ လာ်ထံၣ်သ့ၣ်ညါဝဲလၢအဝဲသ့ၣ်ဘၣ်တၢ်မၤနၢၤကွံာ်အီၤလၢပှၤအံၣ် စရ့လးဖိတဖၣ်လံဒီး, အဝဲသ့ၣ်မၤတၢ်ဃူတၢ်ဖိးဒီးပှၤအံၣ်စရ့လးဖိတဖၣ်ဒီးကဲထီၣ် ပှၤတဖၣ်လၢအံၣ်စရ့လးပၢဘၣ်အီၤန့ၣ်လီၤ. ဒီးပှၤစူၤရံဖိတဖၣ်ပျံၤတၢ်လၢကမၤစၢၤပှၤဧၣ်မိၣ်ဖိတဖၣ် အဂီၢ်ဆူညါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 10:19 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 8:3

အန့ၣ်ဝံၤဒီးအဝဲမၤနၢၤကွံာ်ပှၤစူၤရံဖိအစီၤပၤလၢကီၢ်ဆၣ်စိဘၤ, စီၤရဃိာ်အဖိခွါစီၤဟးဒးဧ့စ့ၢ်, ဖဲစီၤဟးဒးဧ့စ့ၢ်လဲၤ တၢ်လၢကျဲအဖၢမုၢ်ဒ်သိးအကလဲၤမၤန့ၢ်က့ၤအတၢ်ပၢၤဘၣ်လီၢ်ကဝီၤ လၢထံကျိဖရၤသးအထးခီအဂီၢ်အခါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:6

အန့ၣ်ဝံၤဒီး, အဝဲဆီလီၤသုးမုၢ်အသူၣ်ဒဲလီၢ်တဖၣ်လၢအဝဲသ့ၣ် အလီၢ်ကဝီၤပူၤဒီးအဝဲသ့ၣ်ကဲထီၣ်ပှၤတဖၣ်လၢအဝဲ ပၢဘၣ်အီၤဒီးဘၣ်ဟ့ၣ်အီၤလၢတၢ်အခိအသွဲတဖၣ်န့ၣ်လီၤ. ယွၤဒုးမၤနၢၤစီၤဒၤဝံးအတၢ်လၢတၢ်လီၢ်ကိးပူၤဒဲးန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:1

ကီၢ်စူၤရံအစီၤပၤဘ့ၤဟဒးပာ်ဖှိၣ်ထီၣ်ကယဲၢ်အပှၤသုးဖိခဲ လၢာ်, ဒီးဘၣ်တၢ်မၤစၢၤအီၤလၢပှၤပၢတၢ်အဂၤသၢဆံဂၤဃုာ်ဒီးအဝဲ သ့ၣ်အကသ့ၣ်တဖၣ်ဒီးအလ့ၣ်ကဟၣ်တဖၣ်, န့ၣ်လီၤ. အဝဲလဲၤထီၣ်ကဝီၤဃးဝ့ၢ်ၡၤမရံဒီးဒုးထီဒါအီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 19:19

တုၤစီၤပၤတဖၣ်လၢစီၤဟးဒၢ်ဧ့စ့ၢ်ပၢဘၣ်အီၤသ့ၣ်ညါဝဲဒၣ်, လၢအဘၣ်တၢ်မၤနၢၤအီၤလၢပှၤအံၣ်စရ့လးဖိတဖၣ်လံန့ၣ်, အဝဲသ့ၣ်မၤတၢ်ဃူတၢ်ဖိးဒီးစီၤဒၤဝံးဒီးကဲထီၣ်ပှၤလၢစီၤ ဒၤဝံးပၢဘၣ်အီၤန့ၣ်လီၤ. ပှၤစူၤရံဖိတဖၣ်အသးတအိၣ်လၢၤလၢကမၤစၢၤပှၤဧၣ်မိၣ်ဖိတဖၣ်နီ တစုလၢၤဘၣ်.

လံာ်ယၡါယၤ 26:11

နဒုၣ်နဒါတဖၣ်တသ့ၣ်ညါဝဲ လၢနကစံၣ်ညီၣ်အဝဲသ့ၣ်ဘၣ်. ယွၤဧၢ, မၤမဲာ်ဆှးအဝဲသ့ၣ်ဒီးပျဲအ ဝဲသ့ၣ်တူၢ်ဘၣ်တၢ်တက့ၢ်. ပျဲအဝဲသ့ၣ်တူၢ်ဘၣ်နတၢ်စံၣ်ညီၣ် လၢနကတဲာ်ကတီၤပာ်စၢၤန့ၣ်တက့ၢ်. ဒုးနဲၣ်အဝဲသ့ၣ်လၢနအဲၣ်နပှၤဂီၢ်မုၢ်ထဲလဲၣ်န့ၣ်တက့ၢ်.

လံာ်ဒၤနံးယ့လး 2:37

နဲဒၣ်, စီၤပၤဧၢ, နမ့ၢ်စီၤပၤအဒိၣ်ကတၢၢ်လၢကယဲၢ်စီၤပၤတဖၣ်အကျါလီၤ. ကစၢ်ယွၤလၢမူခိၣ်ဒုးပၢနၤလၢဘီမုၢ်အါဘ့ၣ်ဒီးဟ့ၣ်လီၤတ့ၢ်နၤလၢ, တၢ်စိတၢ်ကမီၤ, တၢ်ဂံၢ်ဆူၣ်ဘါဆူၣ်ဒီးတၢ်လၤကပီၤန့ၣ်လီၤ.

လံာ်စီၤယိၤၡူ 11:10

ဒီးအကတီၢ်ဖဲန့ၣ်စီၤယိၤၡူဃၣ်ကဒီး အသးဆူဝ့ၢ်ဃါစိၢ်ဒီးဒုးန့ၢ်အီၤဝံၤကျီသံကွံာ်အစီၤပၤလၢ နးန့ၣ်လီၤ. (အကတီၢ်ဖဲန့ၣ်ဝ့ၢ်ဃါစိၢ်အစိကမီၤဒိၣ်ကတၢၢ် လၢထံကီၢ်သ့ၣ်တဖၣ်အကျါလီၤ.)

လံာ်လီၣ်ဖျါ 18:10

အဝဲသ့ၣ်အိၣ်ဆၢထၢၣ်ဝဲလၢအယံၤ, အဂ့ၢ်မ့ၢ်လၢအဘၣ်ယိၣ်ဝဲလၢအကတူၢ်ဘၣ်ဃုာ်တၢ်ဒီးအီၤ အဃိလီၤ. အဝဲသ့ၣ်စံးဝဲ, “လီၤပျံၤလီၤဖုးဆံးဒိၣ်လဲၣ်. နးဝဲဖှီၣ်ဝဲဆံးဒိၣ်လဲၣ်. ဝ့ၢ်ဘၤဘူၤလိၣ်လၢအဒိၣ်ဝဲသွါဝဲ ဒီးအဂံၢ်ဆူၣ်ဘါဆူၣ်တဖျၢၣ် အံၤဧၢ, ထဲလၢတနၣ်ရံၣ်အတီၢ်ပူၤနဘၣ်တၢ်စံၣ်ညီၣ်နၤလံ.”

လံာ်ပှၤစံၣ်ညီၣ်ကွီၢ် 1:7

ဒီးစီၤပၤအဒိနံၤဘ့စ့းစံးဝဲ, “စီၤပၤအဂၤနွံဆံလၢ အစုမုၢ်ကျၢၢ်ခီၣ်မုၢ်ကျၢၢ်တဖၣ်ဘၣ်တၢ်ကျီတဲာ်ကွံာ်အီၤန့ၣ် ထၢအီၣ်တၢ်လီၤဆှုလီၤပလ့ၤလၢယစီၤနီၤခိၣ်အဖီလာ်လီၤ. ခဲအံၤကစၢ်ယွၤမၤယၤဒ်ယမၤတ့ၢ်အဝဲသ့ၣ်တဖၣ်အသိးန့ၣ်လီၤ.” ဒီးအဝဲဘၣ်တၢ်စိာ်ကွံာ်အီၤဆူဝ့ၢ်ယရူၤၡလ့ၣ်ဒီးသံဝဲဖဲန့ၣ်လီၤ.