လံာ်စီၤၡမူၤအ့လးခံဘ့ၣ်တဘ့ၣ် 10:17 - Sgaw Karen Common Bible

¹⁷ ဖဲစီၤဒၤဝံးနၢ်ဟူဘၣ်တၢ်ဂ့ၢ်အံၤန့ၣ်, အဝဲပာ်ဖှိၣ်ထီၣ်ကီၢ်အံၣ်စရ့လးအသုးဖိသံၣ်ဖိတဖၣ်, ခီဂာ်ထံကျိယၢ်ဒ့ၣ်ဒီးထီၣ်ဝဲဆူ ဝ့ၢ်ဃ့လၣ်ဖဲပှၤစူၤရံဖိတဖၣ်ဆီလီၤအလီၢ်ဒီးကွၢ်ဆၢၣ်မဲာ်အီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 10:17 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 10:16

စီၤပၤစီၤဟးဒးဧ့စ့ၢ်မၢပှၤကိးန့ၢ်အီၤပှၤစူၤရံဖိတဖၣ် လၢအအိၣ်လၢထံကျိဖရၤသးအမုၢ်ထီၣ်, ဒီးအဝဲသ့ၣ်ဟဲဝဲ ဆူဝ့ၢ်ဃ့လၣ်, ဆူစီၤၡိဘၤလၢအမ့ၢ်စီၤပၤစီၤဟးဒးဧ့စ့ၢ် အသုးခိၣ်ကျၢၢ်လၢဝ့ၢ်စိဘၤ, အတၢ်ပၢဆှၢအဖီလာ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 10:18

တၢ်ဒုးတၢ်ယၤစးထီၣ်ဝဲဒီးပှၤအံၣ်စရ့လးဖိတဖၣ်နီၣ်ကဒါက့ၤ ပှၤစူၤရံဖိအသုးမုၢ်ဆူအလီၢ်ခံန့ၣ်လီၤ. စီၤဒၤဝံးဒီးအပှၤတဖၣ်မၤသံကွံာ်ပှၤစူၤရံဖိအပှၤနီၣ်လ့ၣ်ကဟၣ်ဒုးသုးအဂၤနွံကယၤဒီး ကသ့ၣ်သုးဖိအဂၤလွံၢ်ကလး, ဒီးအဝဲသ့ၣ်မၤဘၣ်ဒိဘၣ်ထံးဒုၣ်ဒါအသုးခိၣ်ကျၢၢ်စီၤၡိဘး လၢအသံဝဲဖဲတၢ်ဒုးပျီအပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 19:17

တုၤစီၤဒၤဝံးနၢ်ဟူတၢ်ဂ့ၢ်န့ၣ်အဝဲပာ်ဖှိၣ်ထီၣ်အံၣ်စရ့လးအသုးဖိ တဖၣ်ဒီးခီထံကျိယၢ်ဒ့ၢ်ဒီးပာ်လီၤအဝဲသ့ၣ်လၢတၢ်လီၢ်ဖဲ ပှၤစူၤရံဖိတဖၣ်အမဲာ်ညါန့ၣ်လီၤ.