လံာ်စီၤၡမူၤအ့လးခံဘ့ၣ်တဘ့ၣ် 10:16 - Sgaw Karen Common Bible

¹⁶ စီၤပၤစီၤဟးဒးဧ့စ့ၢ်မၢပှၤကိးန့ၢ်အီၤပှၤစူၤရံဖိတဖၣ် လၢအအိၣ်လၢထံကျိဖရၤသးအမုၢ်ထီၣ်, ဒီးအဝဲသ့ၣ်ဟဲဝဲ ဆူဝ့ၢ်ဃ့လၣ်, ဆူစီၤၡိဘၤလၢအမ့ၢ်စီၤပၤစီၤဟးဒးဧ့စ့ၢ် အသုးခိၣ်ကျၢၢ်လၢဝ့ၢ်စိဘၤ, အတၢ်ပၢဆှၢအဖီလာ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 10:16 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 10:15

ပှၤစူၤရံဖိတဖၣ်ထံၣ်သ့ၣ်ညါဝဲလၢအဝဲသ့ၣ်ဘၣ်တၢ်မၤနၢၤကွံာ်အီၤလၢ ပှၤအံၣ်စရ့လးဖိတဖၣ်လံသတးဒီးအဝဲသ့ၣ်ကိးဖှိၣ်က့ၤ အသုးဖိသံၣ်ဖိခဲလၢာ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 10:17

ဖဲစီၤဒၤဝံးနၢ်ဟူဘၣ်တၢ်ဂ့ၢ်အံၤန့ၣ်, အဝဲပာ်ဖှိၣ်ထီၣ်ကီၢ်အံၣ်စရ့လးအသုးဖိသံၣ်ဖိတဖၣ်, ခီဂာ်ထံကျိယၢ်ဒ့ၣ်ဒီးထီၣ်ဝဲဆူ ဝ့ၢ်ဃ့လၣ်ဖဲပှၤစူၤရံဖိတဖၣ်ဆီလီၤအလီၢ်ဒီးကွၢ်ဆၢၣ်မဲာ်အီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:23

ကစၢ်ယွၤထိၣ်ဂဲၤထီၣ်စ့ၢ်ကီးစီၤအလံဒၤအဖိခွါစီၤရစိၣ်အသး လၢကထီဒါစီၤၡလိၤမိၤန့ၣ်လီၤ. စီၤရစိၣ်ဃ့ၢ်ထီၣ်ကွံာ်တ့ၢ်လၢအကစၢ်, စိဘၤအစီၤပၤဟးဒးဧ့ စ့ၢ်အအိၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 18:3

မၤကဒီးစီၤဒၤဝံးဒုးကီၢ်စူၤရံအကီၢ်ဆၣ်စိဘၤအစီၤပၤဟး ဒၢ်ဧ့စ့ၢ်, ဘူးဒီးဝ့ၢ်ဃမါသး, မ့ၢ်လၢစီၤပၤဟးဒၢ်ဧ့စ့ၢ်ဂုာ်ကျဲးစၢး လၢကမၤန့ၢ်တၢ်လီၢ်ဖဲထံကျိဖရၤသးအထးခီလၢကပၢဘၣ်ဝဲအဂီၢ် အဃိန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:5

ဖဲပှၤစူၤရံဖိတဖၣ်လၢဝ့ၢ်ဒၤမ့ၤစ့းဆှၢလီၤသုးမုၢ်တဖုလၢ ကမၤစၢၤစီၤပၤဟးဒၢ်ဧ့စ့ၢ်န့ၣ်, စီၤဒၤဝံးဒုးအီၤမၤသံကွံာ်ပှၤ ခံကလးခံကထိဂၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 19:16

ပှၤစူၤရံဖိတဖၣ်သ့ၣ်ညါဝဲဒၣ်လၢအဝဲသ့ၣ်ဘၣ်တၢ်မၤနၢၤကွံာ် အီၤလၢပှၤအံၣ်စရ့လးဖိတဖၣ်လံအဃိ, အဝဲသ့ၣ်ဟဲကိးပှၤသုးဖိ တဖၣ်လၢကီၢ်စူၤရံအကီၢ်ဆၣ်တဖၣ်လၢအအိၣ်လၢထံကျိဖရၤသးအမုၢ် ထီၣ်, ဒီးပာ်လီၤအဝဲသ့ၣ်လၢကီၢ်ဆၣ်စိဘၤအစီၤပၤစီၤဟးဒၢ်ဧ့စ့ၢ် အပှၤသုးဖိအခိၣ်စီၤၡိဖးအတၢ်ပၢတၢ်ဆှၢအဖီလာ်န့ၣ်လီၤ.