လံာ်စီၤၡမူၤအ့လးခံဘ့ၣ်တဘ့ၣ် 10:15 - Sgaw Karen Common Bible

¹⁵ ပှၤစူၤရံဖိတဖၣ်ထံၣ်သ့ၣ်ညါဝဲလၢအဝဲသ့ၣ်ဘၣ်တၢ်မၤနၢၤကွံာ်အီၤလၢ ပှၤအံၣ်စရ့လးဖိတဖၣ်လံသတးဒီးအဝဲသ့ၣ်ကိးဖှိၣ်က့ၤ အသုးဖိသံၣ်ဖိခဲလၢာ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 10:15 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 10:14

ဖဲပှၤဧၣ်မိၣ်ဖိတဖၣ်ထံၣ်လၢပှၤစူၤရံဖိတဖၣ်ထွးထီၣ်ဃ့ၢ်ကွံာ်ဝဲဒီး, အဝဲသ့ၣ်ထွးထီၣ်ဃ့ၢ်ကွံာ်လၢစီၤအဘံၡဲၤအမဲာ်ညါဒီးဂုၤကဒါ က့ၤဆူအလီၢ်ခံဆူဝ့ၢ်ပူၤန့ၣ်လီၤ. တုၤနုၤတစု, စီၤယိၤအာ်ဃၣ်ကဒါက့ၤအသးလၢတၢ်ဒုးပှၤဧၣ်မိၣ်ဖိတဖၣ် ဒီးက့ၤကဒါက့ၤဆူဝ့ၢ်ယရူၤၡလ့ၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 10:16

စီၤပၤစီၤဟးဒးဧ့စ့ၢ်မၢပှၤကိးန့ၢ်အီၤပှၤစူၤရံဖိတဖၣ် လၢအအိၣ်လၢထံကျိဖရၤသးအမုၢ်ထီၣ်, ဒီးအဝဲသ့ၣ်ဟဲဝဲ ဆူဝ့ၢ်ဃ့လၣ်, ဆူစီၤၡိဘၤလၢအမ့ၢ်စီၤပၤစီၤဟးဒးဧ့စ့ၢ် အသုးခိၣ်ကျၢၢ်လၢဝ့ၢ်စိဘၤ, အတၢ်ပၢဆှၢအဖီလာ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:3

အန့ၣ်ဝံၤဒီးအဝဲမၤနၢၤကွံာ်ပှၤစူၤရံဖိအစီၤပၤလၢကီၢ်ဆၣ်စိဘၤ, စီၤရဃိာ်အဖိခွါစီၤဟးဒးဧ့စ့ၢ်, ဖဲစီၤဟးဒးဧ့စ့ၢ်လဲၤ တၢ်လၢကျဲအဖၢမုၢ်ဒ်သိးအကလဲၤမၤန့ၢ်က့ၤအတၢ်ပၢၤဘၣ်လီၢ်ကဝီၤ လၢထံကျိဖရၤသးအထးခီအဂီၢ်အခါန့ၣ်လီၤ.

စံးထီၣ်ပတြၢၤ 2:1

ဘၣ်မနုၤလၢပှၤကလုာ်တဖၣ် ကူၣ်ထီၣ်ဖးလီၤတၢ်ပူထီၣ်လီထီၣ်. ဒီးပှၤဂီၢ်မုၢ်တဖၣ်ကူၣ်ထီၣ်ဖးလီၤ တၢ်ကလီကလီဘၣ်မနုၤန့ၣ်လဲၣ်.

ဧ့ၤဘြံၤ 11:34

မၤလီၤပံာ်ကွံာ်မ့ၣ်အူလၢအအီၣ်တၢ်ဆူၣ်ဆူၣ်ကလဲာ်, ပူၤဖျဲးထီၣ်လၢနးအကနၣ်န့ၣ်လီၤ. လၢတၢ်ဂံၢ်စၢ်ဘါစၢ်အပူၤန့ၣ်အဂံၢ်အဘါဆူၣ်ထီၣ်ဝဲ, ကဲထီၣ်လၢပှၤဂံၢ်ဆူၣ်ဘါဆူၣ်လၢတၢ်ဒုးတၢ်ယၤ အပူၤဒီးမၤနၢၤမၤဃၣ်ကွံာ်ပှၤတခီဘီမုၢ်ဖိအသုးမုၢ်သံၣ်ဘိ တဖၣ်လီၤ.

လံာ်စီၤယိၤၡူ 11:1

တုၤဝ့ၢ်ဃါစိၢ်အစီၤပၤယၤဘံၣ်နၢ်ဟူအံၣ်စရ့လးအတၢ်မၤနၢၤအဂ့ၢ်ဒီး, အဝဲဆှၢလီၤတၢ်ကစီၣ်ဆူဝ့ၢ်မၤဒိၣ်အစီၤပၤယိဘာ်အအိၣ်ဒီးဝ့ၢ် ၡံးမရိၣ်ဒီးဝ့ၢ်အးကၡးအစီၤပၤတဖၣ်အအိၣ်,

လံာ်စီၤယိၤၡူ 11:5

စီၤပၤတဖၣ်အံၤခဲလၢာ်ပာ်ဖှိၣ်အသးဒီးဟဲဝဲဒ်သိးသိးဒီးသူၣ်အ ဒဲဖဲမ့ၤရိၣ်အထံကျိဖိအနံၤလၢကဒုးတၢ်ဒီးအံၣ်စရ့လးအဂီၢ်န့ၣ်လီၤ.