လံာ်စီၤၡမူၤအ့လးခံဘ့ၣ်တဘ့ၣ် 10:10 - Sgaw Karen Common Bible

¹⁰ အဝဲပာ်လီၤအပှၤသုးဖိအိၣ်လီၤတဲာ်အဂၤတဖၣ်လၢအဝဲ အဒီပုၢ်ဝဲၢ်စီၤအဘံၡဲၤအတၢ်ပၢတၢ်ဆှၢအဖီလာ်, ဒီးစီၤအဘံၡဲၤဆီလီၤသုးဖိတဖၣ်န့ၣ်လၢကကွၢ်ဆၢၣ်မဲာ်ပှၤဧၣ် မိၣ်ဖိတဖၣ်အဂီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 10:10 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 10:11

စီၤယိၤအာ်စံးဘၣ်အီၤ, “နမ့ၢ်ထံၣ်ဘၣ်လၢပှၤစူၤရံဖိတဖၣ်မၤ နၢၤယၤဒီးဟဲဒီးမၤစၢၤယၤတက့ၢ်. ဒီးပှၤဧၣ်မိၣ်ဖိတဖၣ်မ့ၢ်မၤနၢၤနၤန့ၣ်ယကလဲၤဒီးမၤစၢၤနၤလီၤ.

လံာ်စီၤၡမူၤအ့လးခံဘ့ၣ်တဘ့ၣ် 10:9

စီၤယိၤအာ်ထံၣ်ဘၣ်လၢဒုၣ်ဒါအသုးဖိတဖၣ်ကဒုးအီၤလၢ တၢ်မဲာ်ညါဒီးလၢတၢ်လီၢ်ခံသတးဒီး, အဝဲဃုထၢထီၣ်ကီၢ်အံၣ်စရ့လးအသုးဖိအဂ့ၤကတၢၢ်တဖၣ်ဒီးဆီ လီၤအီၤလၢတၢ်ကွၢ်ဆၢၣ်မဲာ်ပှၤစူၤရံဖိတဖၣ်အဂီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:2

အန့ၣ်ဝံၤဒီး, အဝဲဆှၢလီၤအဝဲသ့ၣ်သၢကရူၢ်အိၣ်ဒီးစီၤယိၤအာ်, စီၤယိၤအာ်အဒီပုၢ်ဝဲၢ်စီၤအဘံၡဲၤဒီးပှၤကၤသးဖိစီၤအံတဲၤ, တဂၤစုာ်စုာ်ဒ်သုးခိၣ်ဖးဒိၣ်တဖၣ်လၢကရူၢ်တဖုဘၣ်တဖုအဖီခိၣ် လီၤ. ဒီးစီၤပၤစံးဘၣ်အပှၤတဖၣ်, “ယကလဲၤဃုာ်ဒီးသုလၢယနီၢ်ကစၢ်ဒၣ်ယဲလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 23:18

စီၤယိၤအာ်အဒီပုၢ်ဝဲခွါစီၤအဘံၡဲၤ (အဝဲသ့ၣ်အမိၢ်မ့ၢ်နီၢ်စရူယၤ) မ့ၢ်ပှၤလၢအမံၤဟူသၣ်ဖျါအဂၤသၢဆံအခိၣ်န့ၣ်လီၤ. အဝဲဒုးတၢ်ဒီးအဘီထီဒါပှၤအဂၤသၢကယၤဒီးမၤသံအဝဲသ့ၣ်, ဒီးအဝဲကဲထီၣ်ပှၤမံၤဟူသၣ်ဖျါထီၣ်လၢပှၤအခိၣ်အဂၤသၢဆံ အကျါန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:12

နီၢ်စရူယၤအဖိခွါစီၤအဘံၡဲၤမၤနၢၤကွံာ်ပှၤအဒိၣ်ဖိတဖၣ် ဖဲကစၢၢ်ကဆူးအံသၣ်ဒီးမၤသံကွံာ်ပှၤ ၁၈၀၀၀ ဂၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 19:1

တယံာ်အါအါဘၣ်အလီၢ်ခံန့ၣ်ပှၤဧၣ်မိၣ်ဖိအစီၤပၤနၤဃၣ်သံဝဲ ဒီးအဖိခွါစီၤဃၤနူၣ်ကဲထီၣ်စီၤပၤန့ၣ်လီၤ.