လံာ်စီၤၡမူၤအ့လးခံဘ့ၣ်တဘ့ၣ် 1:7 - Sgaw Karen Common Bible

⁷ အန့ၣ်ဒီးအဝဲဃၣ်အသးဒီးထံၣ်ယၤဒီးကိးယၤလီၤ. ယစံးဆၢအီၤ, မ့ၢ်တၢ်ဒိၣ်ဧၢလီၤ.

လံာ်စီၤၡမူၤအ့လးခံဘ့ၣ်တဘ့ၣ် 1:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:6

အဝဲဒၣ်စံးဆၢဝဲ, “ယလဲၤဘၣ်အတီၤလၢကစၢၢ်ကံးလဘိ အဒီခိၣ်, ဒီးယထံၣ်လၢစီၤစီလူးထိၣ်လီၤဃံၤအသးလၢအဘီ ဖီခိၣ်ဒီးဒုၣ်ဒါအလ့ၣ်ကဟၣ်ဒုးသုးတဖၣ်ဒီးကသ့ၣ်ဒုးသုးတဖၣ် ဘူးတ့ၢ်မးလၢကတုၤဆူအအိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 1:8

အဝဲသံကွၢ်ယၤလၢယမ့ၢ်မတၤလဲၣ်ဒီးယတဲဘၣ်အီၤလၢယမ့ၢ်ပှၤဧမၤလ့းဖိတဂၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 9:6

ဖဲစီၤစီလူးအလံၤခွါ, စီၤယိနၤသၣ်အဖိခွါ, စီၤမဖံဘိၤၡ့းဟဲတုၤဝဲန့ၣ်, အဝဲတီၤလီၤလၢစီၤဒၤဝံး အမဲာ်ညါလၢတၢ်ယူးယီၣ်အပူၤလီၤ. စီၤဒၤဝံးစံးဝဲဒၣ်, “စီၤမဖံဘိၤၡ့းဧၢ,” ဒီးအဝဲဒၣ်စံးဆၢဝဲဒၣ်, “ကစၢ်ဧၢ, နကုၢ်နပှၤလီၤ.”

လံာ်ယၡါယၤ 6:8

အန့ၣ်ဒီးယနၢ်ဟူယွၤစံးဝဲဒၣ်, “ယကမၢလီၤမတၤတဂၤလဲၣ်. ဒီးမ့ၢ်မတၤကကဲထီၣ်ပပှၤစိာ် တၢ်ကစီၣ်တဂၤလဲၣ်.” ဒီးယစံး, “ယကလဲၤလီၤ. ဆှၢလီၤယၤတက့ၢ်.”

လံာ်ယၡါယၤ 65:1

ယွၤစံးဝဲဒၣ်, “ယအိၣ်ကတဲာ်ကတီၤတ့ၢ်ယသးလၢယကစံးဆၢ ယပှၤဂီၢ်မုၢ်အတၢ်ထုကဖၣ်တဖၣ်, ဘၣ်ဆၣ်အဝဲသ့ၣ်တဃ့ဘါထု ကဖၣ်တၢ်ဘၣ်. ယအိၣ်ကတဲာ်ကတီၤယသးလၢအဝဲသ့ၣ် ကထံၣ်န့ၢ်ယၤအဂီၢ်, ဘၣ်ဆၣ်အဝဲသ့ၣ်တကျဲးစၢးဒၣ်လဲာ်ဘၣ်. ဖဲလၢယအိၣ်ကတဲာ်ကတီၤယသးထီဘိလၢယကစံးဆၢအဝဲသ့ၣ်, ယအိၣ်ဖဲအံၤလီၤ. ယကမၤစၢၤသုလီၤ, ဒၣ်လဲာ်န့ၣ်, ပှၤကလုာ်တဃ့ထုကဖၣ်တၢ်လၢယၤဘၣ်.

လံာ်ပှၤစံၣ်ညီၣ်ကွီၢ် 9:54

တုၤနုၤတစု, အဝဲကိးန့ၢ်ပှၤသးစၢ်လၢအစိာ်အစုကဝဲၤန့ၣ်ချ့ချ့ဒီးစံးဘၣ်အီၤ, “ထုးထီၣ်နနးဒီးမၤသံကွံာ်ယၤတက့ၢ်. ယတအဲၣ်ဒိးလၢပှၤစံးလၢပိာ်မုၣ်တဂၤမၤသံယၤန့ၣ်ဘၣ်.” ဒီးပှၤသးစၢ်န့ၣ်ဆဲးဖျိအီၤဒီးသံဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:12

စီၤစီလူးစံးဘၣ်စီၤအဃံၤမ့လ့း, “စီၤအဃံၤမ့လ့းဧၢ, ဒိကနၣ်တက့ၢ်.” စီၤအဃံၤမ့လ့းစံးဆၢဝဲ, “တၢ်ဒိၣ်ဧၢ, ယမ့ၢ်နခ့နပှလီၤ.”